HEBRAIHAI 9:10 - Pathien Lekhabu Inthieng (BSI)

¹⁰ chuong chu fâk ding dâm, dâwn ding dâm, sâwp ding dang dang dâm leh, tisa tieng dânhai chau siem ṭhat hun hmaa dinga ruot chu a nih.

HEBRAIHAI 9:10 ပူးပေါင်းရင်းမြစ်များ

FESUOKNA 29:4

Aron le a naupasalhai chu in- tuokna puon in kawtkhâra chun hung ṭhuoi i ta, tuiin însiltir i tih.

FESUOKNA 40:12

Chun, Aron le a naupasalhai chu intuokna puonin kawtkhâra chun hung ṭhuoi i ta tuiin insiltir i tih.

EZEKIEL 4:14

Chun, kei chun, “A, Lalpa PATHIEN! ngai ta, kei chu ka lungril khawm sukpawrche a la ni nawh a, ka tleirâwla inthawk tah tu chen hin amaa thi amanih, ramsahaiin an kei nâwi amanih ka fâk ngai nawh a, ka baua hin sa tirdakum hrim hrim a lût ngai nawh,” ka tih a.

LEVI DÂN 13:58

Silfên chu khâwng amanih, phier amanih, savun thil iengkhawm, i sâwp hnunga hri chun ân kieng- san chun, sâwp nâwk ding a na; chuongchun, inthieng hung nîng a tih.

LEVI DÂN 16:24

hmun inthienga chun insil a ta, a silfên inbel a ta, suok a ta, ama puola pumrawhmang thilinhlân le mipui puola pumrawhmang thilin- hlân chu inhlân a ta, ama le mipuihai ta dingin intlanna siem a tih.

LEVI DÂN 16:4

Puon zai inhmi zakaw chung chu hâk a ta, a tisa inkhumna dingin puon zai inhmi kekawr chu bun a ta, puon zai inhmi kâwngkhiin inhrêng a ta, puon zai inhmi lukhum a khum ding a nih; hieng hi silfên inthieng a nih. Insil zet zet a ta; chun, ân bel ding a nih.

LEVI DÂN 22:6

chuong ang tâwktu chu zântieng chen chun inthieng naw nîng a ta; chun, ân sil naw chun thil in- thienghai laia mi chu a fâk ding a ni nawh.

NAMBAR 6:3

uoin le zû a nghei ding a nih; uoin thûr amanih, zu thûr khawm a dâwn ding a ni nawh.

MARKA 7:4

Chun, dâwr hmuna inthawk an inlâwi khawmin an insil naw chun an fâk ngai nawh a. Chun, thu dang tamtak pawm tlat ding an lâksâwnghai chu a um a, nohai, bêlhai, sumbêlhai sâwp hai ang hi.)

GALATI 4:9

Tuta Pathien in hung hriet hnung hin chu — ti nêk hmanin, Pathien mi hriet in hung ni hnung hin chu, ti ding a ni lem — khawvêl A AW B derdêp le teplo mei mei, a suoka um nâwk in inhâwkhai tienga chun, iengtiziea nghakîr nâwk am in na?

EPHESI 1:10

hunbi kim hunah: iengkim — vâna thil umhai le hnuoia thil umhai khawm–Kristaah, amaa ngei chun fâwkkhâwm dingin a nih.

EPHESI 2:15

ama chun intaina, (ser le sâng thilhaia thupêk Dân um chu), a taksaa sukboin, amaa chun pahnihai chu mihriem thar pumkhata siem a, inremna a siem theina ding le,

DÂN PAHNINA 21:6

Ruong hnai tak khaw upahai po po chun ruoma an that bâwngla rîng an tan chunga chun an kut sâwp an ta, hieng hin an ti ding a nih;

DÂN PAHNINA 23:11

Amiruokchu, khuo a hung zân- tieng chun insil a ta, chun, nisa tlâk chun riebûka chun a lût nawk ding a nih.

KOLOSSA 2:16

Chuongchun, fâk thua manih, dâwn thua manih, ruoiṭhe ni thua manih, thla thar thua manih, châwlni thua manih tûkhawmin sawisêl naw raw hai se cheu;

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna fam- kim neia lungril indiktak putin hnai ei tiu.

HEBRAIHAI 13:9

Inchûktirna tinrêng le inchûk- tirna maktak lên hmangin um naw ro; lungril hi lunginsietnaa sukdet chu a ṭha sih a, fâk dinghaia sukdeta um loin, chuong ang kawng lungkhamhai chun chuonga chun ṭhathnemna an hmu chuong nawh.

HEBRAIHAI 2:5

Khawvêl la hung um ding, a chanchin ei hril chu vântirkohai hnuoia chu a sie nawh,

HEBRAIHAI 6:2

baptismahai le, kut innghat le, mithi thonâwkna le, chatuona rorêl- na kawng thu inchûktirna lungphûm chu.

HEBRAIHAI 6:5

Pathien thu ṭha le hun la hung um dinga thilthawtheina intem ta zeta,

HEBRAIHAI 7:12

Thiempu nîna chu a hung danglam ta leiin Dân thu chu suk- danglam ve a hung ngai ta hrim a nih.

HEBRAIHAI 7:16

tisa thupêk Dân thu anga siem mi ni lo, hring tâwp nei lo, thilthaw- theina anga siem lem mi, a hung um ding chun:

HEBRAIHAI 9:1

Chun, thuthlung hmasa khawm khan Pathien rawngbâwl dânhai le, a hmun inthieng, hi khawvêla hmun inthieng chu a nei a.