HEBRAIHAI 8:4 - Pathien Lekhabu Inthieng (BSI)

⁴ Hnuoia hin hung um sien chu Thiempu hrim ni naw tawp a tih; Dân thu ang peia thilpêk inhlântuhai lo um sa an um leiin.

HEBRAIHAI 8:4 ပူးပေါင်းရင်းမြစ်များ

NAMBAR 16:40

Mosie hmanga a kuoma LAL- PAIN a lo hril ta ang chun, Aron thla ni lo hnam dang hrim hrim LALPA hmaa riminhnik raw dinga an fe hnai nawna ding le, Kora le a pâwlhai anga an hung um nawna dingin.

NAMBAR 18:5

Nang chun hmun inthieng sin le mâichâm sin chu chang i ta; Israel thlahai chunga lunginsenna a um nawna dingin.

HEBRAIHAI 10:11

Chun, thiempu tinrêngin kâwla nisa suok tiema rawng bâwlin suolhai iengtik lai khawma sukbo thei naw inthâwina pângngai inhlân rawpin an ngîr hlak;

HEBRAIHAI 11:4

Ringnain Abel chun Kaina nêkin inthâwina ṭha lem Pathien kuomah ân hlân a, chu lei chun mi fel a nih ti inhriettirna a hlaw a, Pathienin a thilpêkhai kawnga chun thu ân hriettir a, chun, chu ringna lei chun ama chun thi ta hnungin thu a la hril ta rawp a nih.

HEBRAIHAI 5:1

Thiempu Laltak taphawt, suolna- hai leia thilpêk le inthâwina ân hlân kawp theina dingin, mihriem laia inthawka lâk tuma lo umin, Pathien tieng thilhaia chun mihriem- hai ta dingin ruot an ni hlak sih a.

HEBRAIHAI 7:27

Chuong thiempu lalhai chun ni tin mâni suolna leiin inthawina an inhlân hmasa zet a, chu hnungah mihai suolna leiin an inhlân nâwk a. Chuong chu ama ta ding chun a ngai nawh, ama le ama ân hlân fâwm lai khan ṭum khatah a lo suktlingtla ta leiin.

HEBRAIHAI 8:3

Thiempu Laltak taphawthai chu thilpêk le inthawinahai inhlân dinga ruot an ni sih a; chuongchun, hi Thiempu Laltak khawm hin ieng amani bêk inhlân ding nei a ngai a nih.

HEBRAIHAI 9:9

chu chu tulai tekhina hi a nih; chuong ang peiin thilpêk le in- thawinahai khawm an inhlân hlak, chuonghai chun sie le ṭha hrietna kawnga chun a betu chu a sukfamkim thei nawh;