HEBRAIHAI 8:10 - Pathien Lekhabu Inthieng (BSI)

¹⁰ Chuong ni hnunga chun Israel sûnghai kuoma Thu ka thlung ding chu hieng hi a nih, Lalpain a tih; An lungrilah ka thupêkhai sieng ka ta, An lungrilah ziek bawk ka ta; Chun, anni ta dingin Pathien nîng ka ta, Keia ta dingin anni chu ka mihai ni bawk an tih:

HEBRAIHAI 8:10 ပူးပေါင်းရင်းမြစ်များ

FESUOKNA 24:4

Mosie chun LALPA thuhai po po chu a ziek a, zîngkâr inhmatakin a tho a; tlâng hnuoia chun mâichâm le lungphun sâwmpahni, Israel hnam sâwmpahni aiawin a phun tah a.

FESUOKNA 24:7

Chun, thuthlungna lekhabu chu a lâk a, mipui hrieta chun a tiem tah a; anni chun, “LALPAIN a hril taphawt chu thâwng kan ta, thu- awitakin um kan tih,” an tih a.

FESUOKNA 34:1

LALPA chun Mosie kuomah, “A hmasa angtak khan lung phêk pahni sak la; chun, a phêk hmasa i sukkawihai chunga thuhai kha, chu phêkhai chunga chun ziek ka tih.

FESUOKNA 34:27

Chun, LALPA chun Mosie kuomah, “Hieng thuhai hi ziek rawh, hieng thuhai dungzui hin Israel le nanga kuomah thuthlung ka siem sih a,” a tih a.

HLAHAI HLA 2:16

Ka hmangaitak chu ka ta a na, kei khawm a ta ka nih; Ama chun a ran ruol chu lilihai lai chun ân tlattir hlak.

JEREMIA 24:7

An kuoma chun, LALPA ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni sih a.

JEREMIA 31:1

LALPA chun, “Chu pha chun Israel pahnam po pohai Pa- thien chu nîng ka ta, anni chu ka mihai nîng an tih,” a tih.

JEREMIA 31:33

Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, LALPA chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

JEREMIA 32:38

anni chu ka mihai nîng an ta, kei khawm an Pathien nîng ka tih;

JEREMIA 32:40

Anni chu sukṭha dingin, annia inthawka kân her hmang nawna dingin, anni le chun kumkhaw thu- thlung siem ka ta; chun, an lungrila chun keia ṭina sieng ka ta, keimaa inthawk chun fe hmang ta naw ni hai.

EZEKIEL 37:27

Ka biekbûk khawm chu anni lai chun um a ta, an Pathien nîng ka ta, anni chu ka mihai nîng an tih.

EZEKIEL 39:22

Chun, chu nia inthawka a hnungtieng chen chun Israel sûngkuo chun LALPA an Pathien ka nih ti mi hre tâng an tih.

HOSEA 1:10

Nisienlakhawm, Israel nauhai chu tuisuorieta phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

HOSEA 2:23

Chun, ama chu ka ta dingin hnuoia hin chîng ka ta, Lo-ruhama chu lainat ka ta, Ka mi nilo chu “Ka mi i nih” tîng ka ta, Chun, ama chun, “Ka Pathien i nih,” tîng a tih.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni ang- in fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘LALPA chu ka Pathien a nih,’ mi tîng an tih,” a ta.

ZEKARIA 8:8

anni chu hung ṭhuoi ka ta, Jerusalem sûnga chun chêng an tih; chun, anni chu ka mihai nîng an ta, kei chu, felna le indiknain an Pathien nîng ka tih,” tiin.

MATTHAI 22:32

‘Kei Abraham Pathien, Isak Pathien, Jakob Pathien ka nih,’ tiin Pathien chu mithi Pathien a ni nawh a, mi hring Pathien a ni lem,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:27

Chu chu an kuoma ka thu thlung ding chu a nih, An suolhai ka lâk hmang pha chun,” tia ziek ang khan.

1 KORINTH 6:16

Anleh, nawchizawr zawmpui chu ama leh pumkhat an nih ti in hriet naw am a nih? “An pahniin tisa pumkhat hung ni tâng an tih” ti ziek a ni sih a.

2 KORINTH 3:3

Krista lekha, keini a mîn ziektir, lekhatuia ziek nilo, Pathien hring Thlaraua ziek lem, lung phêka ziek niloa, tisa lung phêka ziek lem chu in nih, ti chiengtaka inlangtir a ni sih a.

DÂN PAHNINA 30:6

In hring theina dinga LALPA in Pathien chu in lungril po po le in lungvar po poa in hmangai theina dingin LALPA in Pathienin in lungril le in thlahai lungril ser chu tanpêk a ti cheu a.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

HEBRAIHAI 11:16

Nisienlakhawm, tuhin chu ram ṭha nâwkzuol châk an na, chu chu vâna um a nih. Chuongchun, Pathienin an Pathien tia um chu ân zak nawh, an ta dingin khuo chen a lo buotsaipêk ta sih a.

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

JAKOB 1:21

Chuleiin, inthieng nawna po po le suol sip liem chu sie hmang unla, thu tu, in thlarau sandam thei chu thuhnuoirawl takin pawm ro.

1 PETER 1:23

Chi se theia inthawkin ni loin, Pathien thu hring zing le um zinga chun, chi se thei nawa inthawka pieng thar in ni sih a.

1 PETER 2:9

Nisienlakhawm, inthima in- thawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni sih a.