HEBRAIHAI 7:28 - Pathien Lekhabu Inthieng (BSI)

²⁸ Dân thu chun mihriem hrât nawna neihai chu, Thiempu Laltakah a ruot hlak a; inkhâm thu, Dân thu hnunga hung um ruok chun, Naupa chatuona dinga sukfamkim ta chu a ruot lem a nih.

HEBRAIHAI 7:28 ပူးပေါင်းရင်းမြစ်များ

INPÂKNA HLABU 110:4

LALPA chun ṭawng ân khâm a, inlêt ta naw nih, “Nang chu Melkizedek um dân anga, Chatuon Thiempu i nih ie,” tiin.

LEVI DÂN 4:3

a suksuoltu chu hriek nâla um thiempu a nih a, mipuihai chungah thiemnaw inchangna ân tlungtir chun, a thil suksuol tah suol in- thâwina ding chun, LALPA kuomah bâwng tuoi demkailo inhlân raw se.

LUKA 13:32

Chun, ama chun an kuomah, “Chu sihal kuoma chun hi thu hi va hril ro, ‘Ngai rawh, vawisûn le zîngah khawhrihai hnawt dawk ka ta, damnawhai khawm sukdam ka ta, a zîngnâwk zo ka tih.’

JOHAN 19:30

Chun, Isûn uoin thûr chu a lo dâwn zo chun, “A kin tah,” a ta. A lu a kûn a, a thlarau ân thla tah a.

HEBRAIHAI 1:2

hieng ni tâwpa hin eini kuomah a Naupaa chun thu a hril tah. Ama chu iengkim rohluotu dingin a ruot a, amaa bawk chun khawvêlhai chu a siem a.

HEBRAIHAI 2:10

A ta dinga iengkim uma, a zâra iengkim um bawk ta ding chun, nau tamtak ropuinaa a ṭhuoi lût chun, an sandamna siemtu kha tuornahai leiin sukfamkim chu a âwm hrim sih a.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiem- pu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 3:1

Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

HEBRAIHAI 3:6

Krista ruok chu Pathien sûnghai chungah Naupaah ring a um a nih. A sûnghai chu eini hi ei nih, a tâwp chenin ei huoina le, ei beiseina suongum hi dettaka ei chel phawt chun.

HEBRAIHAI 4:14

Chuongchun, vânahai fe thleng tah, Thiempu Laltak ropuitak, Isu Pathien Naupa chu ei nei leiin, ei thuring hi pawm tlat ei tiu.

HEBRAIHAI 5:5

Chuong ang bawkin Krista khawm chu Thiempu Laltaka siem dingin mâni ân sukropui nawh a, “Nang chu ka Naupa i na, Vawisûn hin ka nei che a nih,” tia hriltu khan a sukropui ta lem a nih;

HEBRAIHAI 7:21

ama ruok chun, “ ‘Nang chu chatuona Thiempu i nih,’ tiin Lalpa ân khâm a, inkîr nâwk ta naw ni,” tia hriltu kut khan (inkhâma Thiem- pua siem a ni lem),

HEBRAIHAI 7:24

ama ruok chu chatuona a um zing leiin a Thiempu nina chu thleng thei ruol loin a nei ta lem a nih.

HEBRAIHAI 7:3

Ama chu pa nei loin, nu nei loin, chi thlatuhai chanchin nei loin, um ṭanna nei loin, hring tâwp khawm nei chuong loin, Pathien Naupa anga siema umin, Thiempuah a um zing a nih.