HEBRAIHAI 4:2 - Pathien Lekhabu Inthieng (BSI)

² An kuoma hril a ni ang bawk khan Chanchin Ṭha chu ei kuoma hril a ni ngei sih a; nisienlakhawm, an thu ngai chun anni a sukṭhahnem si nawh a, ngaitu taktakhai leh ringnaa zawmin an um naw leiin.

HEBRAIHAI 4:2 ပူးပေါင်းရင်းမြစ်များ

THILTHAWHAI 13:46

Chun, Paula le Barnaba chun huoitakin an hril dawk a, “Pathien thu hi nangni kuoma hril hmasak hrim ding a nih; nisienlakhawm, in lo dang kîr a, chatuona hring tlâk loa in inruot ta hnung chu, hre ro, Jentailhai kuom tieng ngha ta vêng kan tih.

THILTHAWHAI 3:26

Pathienin a Siehlaw chu a ruot a, in suolhai innghatsantir seng cheua mal sâwmpêk ding cheuin, nangni kuomah a hung tir hmasa tak a ni hi,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:25

Dân zâwmtu i ni chun sertan chu a sâwt tak zet a nih; Dân bawsetu i ni ruok chun i sertan chu tan naw ang el a lo ni tah.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:3

Anni laia ṭhenkhathai ringum nawhai sien khawm ieng am a ni chuong leh? An ringumnawna chun Pathien ringumzie chu ieng khawm niloin a siem chuong am a nih?

1 KORINTH 13:3

Chun, mi rimsihai châwmna dingin ka sum po po khawm pe vawng lang, ka taksa khawm kâng dingin inpe lang hmangaina ka nei si naw chun, ka ta dingin iengkhawm ṭhahnem naw ni.

GALATI 3:2

Hi chau hi in kuoma inthawkin lo hriet ka nuom: Dân thilthawhai leiin am Thlarau chu in hmuh a, in ngaithlâka in ring leiin? Hieng lâwm hin in invêt a ni maw?

GALATI 3:8

Pathien Lekha thu chun, Pathienin ringna leiin Jentailhai thiem ân changtir ding a nih ti hre lâwkin, “Nangmaa chun hnam tin malsâwmpêkin um an tih,” tiin Abraham kuomah Chanchin Ṭha chu a hril lâwk kha.

GALATI 4:13

Chanchin Ṭha in kuoma ka hril hmasak ṭum kha, ka tisa hrâtnawna lei a nih ti in hriet sih a.

DÂN PAHNINA 1:32

Chuonghai po ka hril sa khawmin LALPA in Pathien chu in ring nawh;

1 THESSALONIKA 1:5

khânga kan Chanchin Ṭha chu thu chaua tlung loa, thilthawtheina le Thlarau Inthieng le nasataka ring tlatna leh a hung tlung lem kha. Nangni hma sielin in chungah ieng ang mi am kan lo ni ta kha in hriet sih a.

1 THESSALONIKA 2:13

Hi hi lei hin ma loin Pathien kuomah lâwmthu kan hril bawk hlak, Pathien thu kan kuoma inthawka in hriet, in pawm lai khan, mihriem thu pawmin in pawm nawh a, Pathien thu pawma in pawm lem lei khan; chu chu Pathien thu a ni hrim a, nangni a ringtuhai sûnga sin thaw hlak bawk chu a nih.

1 TIMOTHE 4:8

Taksa insawizawina hi ṭhahnem chu a ṭhahnem ve bawk a, Pathien ngaisakna ruok hin chu, hringna tuta umsa le la hung um ding pêk tiemna a nei leiin kawng tinrêngah a ṭhahnem a nih.

HEBRAIHAI 11:6

Nisienlakhawm, ringna naw chun ama lâwm zâwng mi ni ruol a ni nawh; Pathien kuoma hung chun ama chu a um ti le, a zawngtuhai kuomah lâwmman pe hmang a nih, ti ring ding a nih.

HEBRAIHAI 3:12

Unauhai, fimkhur ro, chuong naw chun, Pathien hring chu bânsan dingin nangni laiah tu sûnga khawm awi nawna lungril suol hung um rawi a tih.

HEBRAIHAI 4:6

Chuongchun, ṭhenkhat chu châwlnaa chun an la lût ding thu a um leiin le, inhmaa Chanchin Ṭha hril dawngtuhai chu awi naw leia an lût ta naw leiin,

JAKOB 1:21

Chuleiin, inthieng nawna po po le suol sip liem chu sie hmang unla, thu tu, in thlarau sandam thei chu thuhnuoirawl takin pawm ro.

1 PETER 1:12

Chuong thu chun mani rawng inbâwl loin, nangni rawng an bâwl lem ti an kuomah inhriettir a ni tah. Chuong thu chu vâna inthawka tirsuok Thlarau Inthieng ṭhangpuiin, Chanchin Ṭha hriltu cheu khan tuhin an hril cheu a, chuong thil chu vântirkohaiin bi an nuom hlak a nih.