HEBRAIHAI 4:15 - Pathien Lekhabu Inthieng (BSI)

¹⁵ Thiempu Laltak ei hrât nawzie inhrietnahai mi hrietpui phâk naw nei ei ni si nawh a. Eini anga kawng tinrênga thlêmna tuok tah, suol ruok chu suol naw nei ei ni lem.

HEBRAIHAI 4:15 ပူးပေါင်းရင်းမြစ်များ

FESUOKNA 23:9

Hnam dang chu i nêksâwr ding a ni nawh; nangni khawm Aigupta ramah hnam dang in ni kha hrein, hnam dang lungril chu in hriet sih a.

ISAI 53:9

Chun, thil nunsetaka thaw ngai loin, a bauah hlêmna hrim hrim um ngai naw sien khawm, a thlân chu mi suolhai kuomah an ruotpêk a, a thi hnung chun mi hausa kuom tieng a um a.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

MATTHAI 12:20

Hne dinga rorêlna a tir dawk hma khat chun Luong pawr suktan naw nih a, Pat khu khawm sukmit naw ni.

MATTHAI 4:1

Chu zoa chun Isu chu Diebol thlêma um dingin thlalêrah Thlarau ṭhuoi lûtin a um tah a.

LUKA 22:28

“Rinum ka tuok sûng po nangni a mi umpuituhai in na;

LUKA 4:2

Chun, chuong nihaia chun ieng- khawm a fâk nawh a; chuongchun, a tâwpa chun a phîng a hung ṭâm tah a.

JOHAN 8:46

Nangni lai tûin am suol kawngah thiemnaw mîn changtir a ta? Thutak ka hril khawmin nangnîn iengdinga in mi ring naw am a na?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât nawh a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

HEBRAIHAI 4:14

Chuongchun, vânahai fe thleng tah, Thiempu Laltak ropuitak, Isu Pathien Naupa chu ei nei leiin, ei thuring hi pawm tlat ei tiu.

HEBRAIHAI 5:2

Chuonghai chun iengkhawm hre nawhai le lampui inhmanghai chungah zai an daw thei hlak a nih, anni ngei khawm hrât nawna inhuol vêla an um bawk leiin.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng naw- na kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim sih a.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang loin vawi hninaah hung inlang nâwk a tih.

1 PETER 2:22

Ama chun thil hrim a suksuol nawh a, a bauah zâwrna hrim a um bawk nawh.

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si nawh a.