HEBRAIHAI 3:9 - Pathien Lekhabu Inthieng (BSI)

⁹ Chutaka chun in thlâtuhai chun An mi fiein an mi thlêm a, Kum sâwmli sûnga Ka thilthawhai an hmuh a;

HEBRAIHAI 3:9 ပူးပေါင်းရင်းမြစ်များ

INPÂKNA HLABU 95:9

Chuong lai chun in thlatuhai chun an mi fieh a, Ka thilthaw an hmu sa khawmin an mi fieh a.

FESUOKNA 19:4

Aigupta mihai chunga ka thil- thaw tah le, mupui thlahai chunga phur cheua ka kuoma ngei ka ṭhuoizie cheu kha in hmu tah a.

FESUOKNA 20:22

LALPA chun Mosie kuomah, “Hieng ang hin Israel thlahai kuom- ah hril rawh: Nangni ngeiin vâna inthawka ka hung biek ta cheu ti in hmuh a.

AMOS 2:10

Amor mihai ram chu nei dingin Aigupta rama inthawkin ka ṭhuoi suok cheu a, thlalêra khan kum sâwmli sûngin ka ṭhuoi cheu a.

NAMBAR 14:33

In nauhai chu thlalêrah kum sâwmli intawi intawi an ta, thlalêra in ruong hai a riral hmakhat chun in ringum nawna lei chun tuor an tih.

LUKA 7:22

Chun, an kuomah, “Fe nâwk ta unla, thil in hmu le in hriet hi Johan va hril ro; mitdelhai an mit a hung var tah, kebaihai kein an lâwn tah, inphârhai an hung inthieng tah, nasêthai an na a hung var tah, mi- thihai keithoin an um tah, pasiehaiin Chanchin Ṭha hril an dawng tah.

THILTHAWHAI 13:8

Nisienlakhawm, Elum, (Bar-Isu hming dang umzie hi Dawithiem tina a nih), chu mipa chun, lal aiawtu chu, inringnawtir tumin, anni chu a lo kal a.

THILTHAWHAI 7:36

Ama chun Aiguptaa dâm, Tuisuoriet Sena dâm, thlalêra dâm chun kum sâwmli sûngin thilmak le inchiknahai inhmutirin anni a ṭhuoi suok tah a.

DÂN PAHNINA 11:7

in mit ngeia LALPAIN thil ropuitak a thaw po po hmutuhai kuomah a ni lem a nih.

DÂN PAHNINA 29:2

Chuongchun, Mosie chun Israel mi po po chu a ko a, an kuomah a hril a, “Aigupta rama Pharao chunga dâm, a mihai po po chunga dâm, a ram po po chunga dâm, in mithmu ngeia LALPAIN thil a thawhai po po kha in hmu a,

DÂN PAHNINA 4:3

Baal-peor leia LALPA thilthaw chu in mitin a hmuh a; Baal-peor betuhai po po chu LALPA in Pathien- in nangni laia inthawkin a sukbo- hmang a.

DÂN PAHNINA 4:9

Iengkhawm ni sienla, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir ro.

DÂN PAHNINA 8:2

Chun, a thupêkhai chu in zâwm ding le ding naw, in lungril hrietna dinga fiena ding le inngaitlâwmtir ding cheua thlalêra kum sâwmli a ṭhuoina cheu lampuihai po po kha hre zing ro.

DÂN PAHNINA 8:4

Hieng kum sâwmli sûng hin in silfên chu in sil chulin in hâk chul nawh a, in kehai khawm ân vûng nawh a.

JOSUA 23:3

LALPA in Pathienin nangni leia hieng hnamhai po po chunga a thaw dân hi in hmuh a, LALPA in Pathien, ama ngeiin a nih a dopêk cheu chu.

JOSUA 24:7

Chun, anni chun LALPA an hang ko a, Aigupta mihai le an inkâr chu a hung sukthim ta mup a; chun, tuipui a hung intuomtir a; a chîm hmang tâwl tah a, chuongchun, Aigupta rama ka thilthaw kha in mit ngeiin in hmuh a; chun, thlalêra khan sâwttak in um a.

JOSUA 5:6

LALPA râwl an ngai nuom naw leiin mipui po po Aiguptaa inthawka hung suok, râl kap mihai chena, sukbohmanga an um vawng chenin Israel thlahai chu kum sâwmli zet thlalêra chun an invâk a, LALPAIN an thlatuhai kuoma nênetui le khuoi- zua luong ram inkhâma eini mi pêk a lo tiem kha, chu ram chu hmu lo dingin LALPAIN an kuomah ṭawng ân khâm a nih.