HEBRAIHAI 2:14 - Pathien Lekhabu Inthieng (BSI)

¹⁴ Chuongchun, naupanghai hi tisa le thisen changtuhai an ni tâwl leiin, ama ngei khawmin chuong bawk chu a chang ve tah a; thînain thîna thuneitu (chu chu Diebol a nih), a sukbohmang theina ding le,

HEBRAIHAI 2:14 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

ISAI 25:8

Thina chu a lem sawng tah; Lalpa PATHIEN chun mi po po hmaia inthawk chu mitthlihai chu hrufai a tih; a mihai hming sietna chu leihnuoi po po chunga inthawk hin la hmang a tih; LALPAIN chu chu a hril ta sih a.

ISAI 53:12

Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, baw- setuhai ta ding chun a ṭawngṭaipêk a.

ISAI 7:14

Chuleiin, LALPA ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Im- manuel sak a tih.

HOSEA 13:14

Seol kuta inthawkin anni chu intlan ka ta, Thinaa inthawkin anni chu sansuok ka tih; Aw thina, i hripuihai chu khâwlai am? Aw Seol, i suksietna chu khâwlai am? Simna chu ka mita inthawkin thup nîng a tih.

MATTHAI 16:17

Chun, Isûn a kuomah, “Simon Bar-Jona, i hamṭha ie; tisa le thisenin ân hriettir che a ni si nawh a, ka Pa vâna mîn ân hriettir lem che a nih.

MATTHAI 25:41

“Chu zoa chun a vawitienga mihai kuoma khawm chun, ‘ṭawng- sephurhai, kumkhuo mei diebol le a tirkohai ta dinga an buotsaia chun mi fe hmangsan ro;

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 12:24

Titakzetin, titakzetin ka hril cheu hi, bu mal hnuoiah a tlah a, a thi naw chun, a mal chauin a um zing hlak; a thi ruok chun tamtakin a ra hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:9

Krista thina le a hung hring nâwkna san chu mi dam le mi thi Lalpa a ni theina hi a ni sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât nawh a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

1 KORINTH 1:28

chun, khawvêl thil sie le hmusitumhai, thil umnawhai chenin a thlang a, thil umsahai chu ieng- khawm ni loa a siem theina dingin;

1 KORINTH 15:50

Unauhai, “Tisa le thisen hin Pathien ram hluo thei naw nih a, hmawn thei hin hmawntheilo chu hluo chuong bawk naw ni” ti ka hril a ni hi.

GALATI 4:4

Nisienlakhawm, a hunbi a hung kim khan, Pathienin a Naupa, nuh- mei inei, Dân hnuoia hung piengin, a tir suok tah a,

KOLOSSA 2:15

Chun, inlalna le thuneinahai chu hlîp thlain, chu krawsa chun chuonghai chu hnein, ân langa inhriettirnain a hmang tah a.

1 TIMOTHE 3:16

Chun, Pathien ngaisakna thu- rûk chu sêl ruol loin a ropui a nih: “Ama, tisaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

2 TIMOTHE 1:10

chu chu a mi sandamtu Isu Krista inlârna leiin, tuhin suklangin a um tah. Ama chun thina chu sukbo- hmangin, Chanchin Ṭhain hringna le bohmang thei nawna a suklang tah;

HEBRAIHAI 10:10

Chu chu dit zâwng chun, Isu Krista taksa vawi khata hlân nghâl lei khan sukthiengin ei um tah.

HEBRAIHAI 10:5

Chuongchun, khawvêla a hung lût laiin: “Inthawina le thil inhlân i dit nawh a, Ka ta dingin taksa i mi buotsai pêk lem a;

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiem- pu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 2:18

Ama ngei chun thlêmna tuokin a lo tuor ta leiin, thlêmna tuokhai chu a ṭhangpui thei a nih.

HEBRAIHAI 4:15

Thiempu Laltak ei hrât nawzie inhrietnahai mi hrietpui phâk naw nei ei ni si nawh a. Eini anga kawng tinrênga thlêmna tuok tah, suol ruok chu suol naw nei ei ni lem.

HEBRAIHAI 9:15

Chun, hi lei hin ama chu thuthlung thar palai chu a nih, thuthlung hmasa hnuoia bawsiet- nahaia inthawk intlanna dingin mi a lo thi ta leiin, koa umhai chun chatuona ro hluo ding chu chang thei an tih.

1 PETER 1:20

Ama chu leilung insieng hmain ruot lâwkin a um ngei el, nisien- lakhawm, hun nuhnunga hin nangni leiin suklangin a um;

THUPUONGSUO 1:18

Mi Hring chu ka nih, ka lo thi a, nisienlakhawm, ngai ta, kumkhuoa dingin ka hring nâwk ta a nih. Thina le Mithi Khaw chabihai chu ka nei bawk a.

THUPUONGSUO 12:9

Chun, drakon lientak, Rûlpui tar, Diebol le Setan an ti, khawvêl po po hlêmtu chu, an pei thlâk tah a; hnuoiah an pei a, a tirkohai khawm an pei thlâk sa veh a.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 20:2

Drakon, rûlpui tar chu (chu chu Diebol le Setan a nih) a man a, kum sâng khata dingin a khuop a,