HEBRAIHAI 13:13 - Pathien Lekhabu Inthieng (BSI)

¹³ Chuongchun, ama an hmusitna chu phurin khawhnâwmah a kuom tieng fe suok vêng ei tiu.

HEBRAIHAI 13:13 ပူးပေါင်းရင်းမြစ်များ

MATTHAI 16:24

Chun, Isûn a închûktirhai kuomah, “Tukhawmin mi zui a nuom chun, mâni inhnâwlin, a kraws putin, mi zui raw se.

MATTHAI 27:32

Chun, an fe suok laiin Kurini khuoa mi, a hming Simon an hmuh a; chu mipa chu a kraws put dingin an man a.

MATTHAI 5:11

“Miin keima leia an hal cheu a, an suknawmna cheu a; khêla suol tinrêngin an hêk pha cheu, in la hamṭha ding a nih.

LUKA 6:22

“Mihriem Naupa leia mihaiin an theida cheu a, an tuithlâra an hal cheu a, in hming a ṭha nawh tia an pei hmang dêr phaleh in la hamṭha ding a nih.

LUKA 9:23

Chun, ama bawkin mi po po kuomah, “Tûkhawmin mi zui a nuom chun mâni inhnâwlin, ni tin a kraws putin mi zui raw se.

THILTHAWHAI 5:41

Chuongchun, rorêltuhai laia inthawk chun an suok a, chu hming leia muolphona tuor tlâka ruot an ni leiin an lâwm hleh a.

2 KORINTH 12:10

Chuleiin, Krista leiin hrâtnaw- naahai, sietnaahai, hnengdenaahai, suknawmnatnaahai, hnawchêpnaa- hai, ka lâwm hlak a nih; ka hrât naw po leh ka hrât hlak a nih.

HEBRAIHAI 11:26

Krista an hmusitna chu Aigupta ram rohai nêk chun sum ropui lemah a ruot a, lâwmman pêk ding chu a thlîr hlak leiin.

HEBRAIHAI 12:2

Isu ei ringna siemtu le suk- famkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung tah a.

HEBRAIHAI 12:3

In hung sâwl a, in thlarau tieng in hung chau nawna dingin, misuol- hai theidana nasatak tuormuolsuotu ngei chu ngaituo ro.

HEBRAIHAI 12:4

Suol doin thisen suok khawpin in la ṭhang nawh a,

1 PETER 4:4

Chuonga chun anni inhawitir taluo anga in um ve ta naw hi mak an ta, an hrilsiet hlak cheu a nih.