HEBRAIHAI 12:10 - Pathien Lekhabu Inthieng (BSI)

¹⁰ Anni chun ni sâwt nawtê ṭha an ti ang peiin an mi thunun ngei luoh a, Ama ruok chun ân thiengna chu ei chang ve theina dingin, ei ṭhatna dingin a mi thunun lem a nih.

HEBRAIHAI 12:10 ပူးပေါင်းရင်းမြစ်များ

INPÂKNA HLABU 119:75

Aw LALPA, i rorêlhai chu a fel ti le, Nang chun ringumtakin a nih i mi sukrinum chu ti ka hriet.

INPÂKNA HLABU 17:15

Kei ruok chun felna neiin i hmêl hmûng ka ta, Nanga angna neia ka meng pha chun lungawi tâwk zet tâng ka tih.

ṬAP HLA 3:33

Nuom thu ngawtin a hremin, mihriem nauhai chu a suklungzîng ngai si nawh a.

LEVI DÂN 19:2

“Israel thla, mipuihai po po chu hril la, an kuomah, ‘In inthieng ding a nih, kei LALPA in Pathien hi kân thieng sih a.

EPHESI 4:24

mihriem thar, felna le inthieng- na indiktaka Pathien angpuia siem chun inthuom ro.

KOLOSSA 1:22

Nisienlakhawm, tuhin chu a taksa thina ngei khan ama leh ân remtir ta cheu a nih, a hmaa chun inthiengtak le hmêlhemlo le, sawisêl boa ân ngirtir theina ding cheuin.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

HEBRAIHAI 12:14

Mi po po le inremna le inthieng- na hnawt ro, chu inthiengna naw chun tukhawmin Lalpa hmu naw ni hai.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 PETER 2:9

Nisienlakhawm, inthima in- thawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni sih a.

2 PETER 1:4

Chuong zâra chun a thutiem hlutak le ropui nasatakhai chu a mi pêk a nih, chuongchun, châkna leia khawvêla sietna hung um hi tlân suok sanin, chuong thutiem hlutak le ropui nasatakhai lei chun Pathien nungchang inṭâwmpui ve thei in tih.

RUTH 1:3

Nisienlakhawm, Elimelek, Nao- mi pasal chu, a thih a, amanu le a naupasalhai pahni chau chu an um tah a.