HEBRAIHAI 11:6 - Pathien Lekhabu Inthieng (BSI)

⁶ Nisienlakhawm, ringna naw chun ama lâwm zâwng mi ni ruol a ni nawh; Pathien kuoma hung chun ama chu a um ti le, a zawngtuhai kuomah lâwmman pe hmang a nih, ti ring ding a nih.

HEBRAIHAI 11:6 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin LALPA thu chu Abram kuomah mang angin a hung tlung a.

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; LALPA chun lungril sûng po po chu a zawng suok hlak a, lungrila tumhai khawm chu a hriet hlak sih a; ama chu i zawng chun, i hmuah um ngei a ta; amiruok- chu, ama chu i nghatsan chun, ama khawmin kumkhuoa dingin pei thla vêng a ti che.

JOB LEKHABU (THE BOOK OF JOB) 21:14

Pathien kuoma chun, ‘keinia inthawkin fe hmang rawh, I lampuihai hrietna chu kan châk naw a nih,’ an la ti ta rawp a.

INPÂKNA HLABU 106:24

Anih, ram ditumtak chu an ngainêp a, A thu chu an ring nuom nawh a.

INPÂKNA HLABU 119:10

Ka lungril po po hin ka zawng cheh a, Aw, i thupêkhai ka fehmangsan chu phal lul naw rawh.

INPÂKNA HLABU 58:11

Chuongchun, mihaiin, “Mi fel ta ding chun lâwmman a lo um tak tak a; Hnuoia hin rorêltu Pathien a lo um tak tak a ni hi,” tîng an tih.

INPÂKNA HLABU 73:28

Keia ta ding chun Pathien hnai hi a ṭha a nih; LALPA Pathien chu kân hum- himna dingin ka hmang a, I sinthaw po po thu ka hril theina dingin.

INPÂKNA HLABU 78:22

Pathien an ring nawh a, A sandamna khawm an ring naw leiin.

INPÂKNA HLABU 78:32

Chuong sa khawmin thil an la suksuol ta rawp a, A thilmak thawhai chu an ring chuong nawh.

THUVARHAI 11:18

Mi khawhlo chun hlaw hmusit- umtakhai chu a hlawh a, Felna tutu ruok chun lâwmman indiktak chu a hmuh.

THUVARHAI 8:17

A mi hmangaituhai chu ka hmangai veh a, Chun, nguntaka a mi zawngtuhai chun mi hmu suok bawk an tih.

ISAI 55:3

In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.

ISAI 7:9

chun, Ephraim lu chu Samari a na, Samari lu chu Remalia naupa ringawt el hi a ni sih a. In ring det naw chun sukdetin um ṭhuoi naw ti niu, tiin,’ ti rawh,” a ta.

JEREMIA 2:31

Aw nangni suon hai, LALPA thu chu en ta u, ka mihai chun, ‘Kan suok fel ta a, nangma kuoma chu hung ta naw ning ung,’ an tina dingin, Israel- hai kuoma chun thlalêr amanih, ram inthim sâmup am ka lo nih a ni?

NAMBAR 14:11

Chuongchun, LALPAIN Mosie kuomah, “Hieng mipuihai hin ieng chen am mi ngainêp an ta, anni laia inchikna ka thaw hlak sa khawm ieng chen am mi ring loin an um ding a na? Hriin hrem ka ta, suklungzîng ka tih;

NAMBAR 20:12

Chun, LALPAIN Mosie le Aron kuomah, “In mi ring nawh a, Israel thlahai mithmua in mi chawimawi naw leiin, hieng pungkhâwmhai hi ka pêk rama chun ṭhuoi naw ti niu.

MATTHAI 11:26

Anih, Pa, chuong anga thaw chu i ngaiin a ṭha a nih.

MATTHAI 5:12

“Lâwm unla, nasatakin hlim ro; vânah in lâwmman a um râwn sih a; chuong ang bawkin in hmaa zâwlnei umhai khawm an suknawmna hlak kha.

MATTHAI 6:16

“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak sih a. Titakzetin ka hril cheu hi, an lâwmman chu an hmu zo tah.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

MATTHAI 6:5

“Chun, in ṭawngṭaiin, mi vervêk- hai angin in thaw ding a ni nawh, mîn an hmu theina dingin, inkhâwmna inahai, kawtthlêr ṭhuom laitakahai ngir puma ṭawngṭai an ngaina sih a. Titakzetin ka hril cheu, an lâwmman chu an hmu zo tah.

MARKA 16:17

Chun, hieng inchiknahai hin a awituhai chu zui pei a tih: Ka hmingin khawhrihai hnawt dawk an ta, ṭawng tharhaiin ṭawng an tih.

LUKA 12:31

Ama ram zawng lem ro, chuongchun, chuong thil khawm chu a pêk sa ding cheu a nih.

LUKA 6:35

Amiruokchu, in hmêlmahai hmangai unla, an ṭhatna ding thaw unla, inpûktir ro, beidawng dêr loin; chuongchun, in lâwmman tam a ta, Achunghnungtak nauhai ni bawk in tih; ama chun mi lâwmnachâng hre lohai le mi suolhai a lunginsiet hlak.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 8:24

Chuleiin, in kuomah, ‘In suol nei zingin thîng in tih,’ ka ti kha; ama chu ka nih ti in awi naw chun, in suol nei zingin thi mawl in tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:14

Anleh, an awi naw chu iengtin am lam an ta? A thu an hriet naw chu iengtin am awi an ta? Thuhriltu um loin iengtin am hrieng an ta?

GALATI 5:6

Krista Isua chun sertan ieng- khawm a ṭhahnem nawh a, sertan- naw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

HEBRAIHAI 11:26

Krista an hmusitna chu Aigupta ram rohai nêk chun sum ropui lemah a ruot a, lâwmman pêk ding chu a thlîr hlak leiin.

HEBRAIHAI 3:12

Unauhai, fimkhur ro, chuong naw chun, Pathien hring chu bânsan dingin nangni laiah tu sûnga khawm awi nawna lungril suol hung um rawi a tih.

HEBRAIHAI 4:2

An kuoma hril a ni ang bawk khan Chanchin Ṭha chu ei kuoma hril a ni ngei sih a; nisienlakhawm, an thu ngai chun anni a sukṭhahnem si nawh a, ngaitu taktakhai leh ringnaa zawmin an um naw leiin.

HEBRAIHAI 4:6

Chuongchun, ṭhenkhat chu châwlnaa chun an la lût ding thu a um leiin le, inhmaa Chanchin Ṭha hril dawngtuhai chu awi naw leia an lût ta naw leiin,

HEBRAIHAI 7:19

Dân thu chun iengkhawm a sukfamkim si nawh. Beiseina ṭha lem lâk lûta hung um hin Pathien a mîn hnaitir lem a nih.

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.

2 PETER 1:10

Chuleiin, unauhai, a kona le a thlangna cheu chu sukdet dingin taimâk insuo nâwkzuol ro; chuong chu in thaw chun ieng tik khawm tlu naw ti niu;

2 PETER 1:5

Anih, chu chu lei tak chun taimâk hrim hrim insuoin, in ringnaa chun ṭhatna inṭhangtir unla, in ṭhatnaa chun hrietna,

2 PETER 3:14

Chuleiin, dittakhai, chuong ang thilhai chu in beisei leiin, in- thiengnawna kai lo le sawisêl boin thlamuongtaka in um a hmu theina ding cheuin, taimâk insuo ro.

THUPUONGSUO 21:8

Amiruokchu, mi dawi dâm, awi- naw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

RUTH 2:12

LALPA chun i thilthaw tahai chu thung sienla che, LALPA, Israel- hai Pathien, inhumhimna dinga a thla hnuoi i hung phên chun, i ṭhat man pe ṭeu raw se che,” tiin.