HEBRAIHAI 11:34 - Pathien Lekhabu Inthieng (BSI)

³⁴ Hrât nawnaa inthawka hrâttak- a siemin an um a, indonaa chun mi hrât khawkhêng an lo na, hnam dang indo pâwlhai an intlânsiettir a.

HEBRAIHAI 11:34 ပူးပေါင်းရင်းမြစ်များ

1 LALHAI 19:1

Ahab chun Elija thilthaw po po, kâwl hnâma zâwlneihai po po a that thuhai leh Jezebel chu a hril a.

1 LALHAI 19:3

Chuongchun, a ṭih a, a tho a, a tlânse tah a, Judai rama Beer-seba khuo a va tlung a, chutaka chun a siehlaw chu a mâksan a.

2 LALHAI 6:1

Chun, zâwlneihai naupasalhai chun Elisa kuomah, “En ta hi, i hmaa kan ṭhung khâwmna hi kan ta dingin ân têp taluoh a.

2 LALHAI 6:32

Elisa chu a inah a ṭhung a, upahai khawm chu an ṭhung veh a, chun, laltak chun a kuomah mi pakhat a tir a, nisienlakhawm, a mi tir chun a kuom a hung tlung hmain upahai kuoma chun, “Hi tuolthattupa naupa hin ka lu la ve dingin mi a hung tir ti in hriet ve am? To ta u, a mi tir chu a hung tlung phingleh, kawt lo khâr unla, kawtkhâra khan lo dang tlat ro; a hnunga chun a pu kalchawi ri ân hriet a ni nghe nghe naw am a nih?” a ta.

JOB LEKHABU (THE BOOK OF JOB) 42:10

Chun, LALPA chun Job chu a ruolhai ta dinga a ṭawngṭai lai chun a chan chu a sukṭha tah a; Job chu LALPA chun a hmaa a nei lêt hni chu a pêk tah a.

JOB LEKHABU (THE BOOK OF JOB) 5:20

Ṭâm lai chun thinaa inthawkin sansuok a ti che a; Indo lai chun kâwlhnâm thilthawtheinaa inthawkin sansuok a ti che.

INPÂKNA HLABU 124:7

Châng kamtu chânga vate a suok angin ei hringna hi a suok tah a, Châng chu a se tah a, eini hi ei suok ta hlau a nih.

INPÂKNA HLABU 144:10

Ama chu a nih, lalhai kuoma sandamna pe a, Kâwlhnâm mi sukkhawlotheia inthawka a siehlaw David sansuoktu chu.

INPÂKNA HLABU 6:8

Nangni thil suol thawtuhai po po, mi mâksan vawng ro. LALPA chun ka ṭap ri chu a hriet ta sih a.

INPÂKNA HLABU 66:12

Mihai tawlailîr chunga chuongin, kan lu chungah în fetir a, Mei le tui kan fe thleng a, Nisienlakhawm, hmun chênghnâwngtaka lût dingin i mi ṭhuoi suok a;

FESUOKNA 18:4

Chun, a dang hming chu Eliezer a nih, “Ka thlatu Pathien chu ka ṭhangpuitu a na, Pharao kâwlhnâma inthawkin a mi sansuok tah a” a ti bawk a.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

JEREMIA 26:24

Nisienlakhawm, Saphan naupa Ahikam kut chu Jeremia kuoma chun a um a, ama chu that dinga mipui kuoma an pêk nawna dingin.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hma- khat chu Jerusalem chu Jentailhai sirdein um a tih.

1 PETER 4:12

Dittakhai, nangni laia fiena nasatak hung um, nangni fiena dinga in chunga hung tlung hi, thil mak in chunga tlung angin makti naw ro.

RORELTUHAI 15:8

Chuongchun, nasatakin a thawh a, a that a that a, chun a fe thlah a, Etam lungpui kawi kârah a um tah a.

1 SAMUEL 18:11

Chun, Saula chun fei chu a hang inlet a, “Banga sawn David khâw de tlat ka tih,” a ta. David chun vawi hni ân kiensan a.

1 SAMUEL 19:10

Chun, Saula chun a fei chun David chu banga khâwde tlat a tum a; nisienlakhawm, Saula kuoma in- thawk chun a fe hmang vat a, fei chu banga chun a khâw bûr ta chut el a; chun, David chu a tlân suok a, chu zân chun a him tah a.

1 SAMUEL 20:1

Chun, David chu Rama khuoa Naiotha inthawk chu a tlân a, Jonathan kuoma chun a feh a, “Ieng am ka thaw leh? Ieng am ka bawsiet a? i pa chunga hin ieng am ka suksuol a hienga mi that tum a na?” a ta.