HEBRAIHAI 11:27 - Pathien Lekhabu Inthieng (BSI)

²⁷ Ringnain lal lunginsenna chu ṭi loin Aigupta ram a mâksan a, hmu thei naw Pathien chu a hmu leiin a tuor fan fan a nih.

HEBRAIHAI 11:27 ပူးပေါင်းရင်းမြစ်များ

INPÂKNA HLABU 16:8

LALPA chu ka hmaah kân umtir rawp hlak a, Ka changtieng a um leiin inhnîng naw ning.

FESUOKNA 11:8

Chun, hieng i siehlawhai po po hi ka kuomah hung an ta, ka hmaa bawkkhupin, Nanga zuitu dinghai po po le chun suok ta rawh,’ mi tîng an tih; chun, chu hnunga chun suok tâng ka tih, tiin,” a tih a. Pharao kuoma inthawk chun lunginsentakin a suok tah a.

FESUOKNA 12:11

Chun, hieng ang hin fâng in tih: in dier kei sa zingin, in kekawk bun sa zingin le, in kuta in hmawl chawi sa zingin, inhmâwtakin in fâk ding a nih. LALPA Fekân Ruoiṭhe a nih.

FESUOKNA 12:50

Hieng ang hin Israel thlahai po po chun an thawh a; LALPAIN Mosie le Aron thu a pêk ang ngeiin an thawh a.

FESUOKNA 4:19

LALPA chun Midian rama Mosie kuomah, “Fe la, Aiguptaah kîr nâwk rawh; nangma sukhlum tum- tuhai po kha an thi ta sih a,” a tih a.

MATTHAI 10:22

Keia hming leiin mi po po theida nîng in tih; nisienlakhawm, a tâwp chena tuor pei chu, chu ngei chu sandamin um a tih.

MATTHAI 24:13

Nisienlakhawm, a tâwpna chena tuor pei taphawt chu, chu ngei chu sandamin um a tih.

MARKA 13:13

Ka hming leiin mi po po theida nîng in ta; nisienlakhawm, a tâwp chena tuor pei chu, chu ngei chu sandamin um a tih.

MARKA 4:17

nisienlakhawm, annia chun zung hrim an nei nawh a, sâwt nâwte chau an um a, thu leia rinumna amanih, suknawmnatna amanih a hung um phing leh an tlu nghâl el hlak a nih.

THILTHAWHAI 2:25

Chun, David chun ama thu chu a hril a, ‘Ka hmaah kumkhuoin Lalpa chu ka hmu hlak, Kân hnîng nawna dingin ka changtieng a um a nih;

1 KORINTH 13:7

iengkim a tuor hrâm hrâm a, iengkim a ring a, iengkim a beisei a, iengkim a tuor suo hlak.

2 KORINTH 4:18

thil hmuthei hi en loin, thil hmutheinawhai chu kan en lem sih a; thil hmutheihai hi sâwtnawtêa ding a na, thil hmutheinawhai ruok chu kumkhuoa ding a ni sih a.

KOLOSSA 1:15

Ama chu hmu thei naw Pathien angpui, nau lutîr, thilsiemhai po po nêka chunghnung lem a nih.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

1 TIMOTHE 6:16

Ama chau chun thi thei nawna a nei a, var hnai thei ruol loa chun a um a, ama chu tûkhawmin an hmu ngai nawh a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

HEBRAIHAI 10:32

Nisienlakhawm, inhmaa suk- vara in um hnunga tuorna buoi nasatak in tuor lai nihai kha hre nâwk ro:

HEBRAIHAI 11:1

Chun, ringna hi thil beiseihai um ngeia hrietna, thil hmu lohai hrietchiengna a nih.

HEBRAIHAI 11:13

Chuong po po chu ringna neiin an thi tah a, thiltiemhai chu chang loin; nisienlakhawm, chuong chu hlataka inthawka hmuin chibai an lo bûk tah a, hnuoia hin mikhuol le khuolfe el an ni ti an inhriettir ta bawk a.

HEBRAIHAI 6:15

Chuongchun, seltaka a tuor suok hnungin thiltiem chu a hmu ta ngei a.

JAKOB 5:11

Ngai ta u! tuortuhai chu hamṭha ei tih a, Job selzie chu in hriet a, Lalpain a tâwpa a thaw zie khawm kha in hmu bawk a; Lalpa chu lunginsietnain a sipzie le za a ngai theizie khawm kha.

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;