HEBRAIHAI 10:22 - Pathien Lekhabu Inthieng (BSI)

²² ei lungrila sie le ṭha hrietna faitaka umin, ei taksa khawm tui inthienga sâwpa umin, ringna fam- kim neia lungril indiktak putin hnai ei tiu.

HEBRAIHAI 10:22 ပူးပေါင်းရင်းမြစ်များ

1 LALHAI 15:3

A hmaa a pain thil suol a thawhai po po kha a thaw veh a; a pu David lungril angin a lungril chu LALPA a Pathien tienga chun a ṭha famkim ve nawh a.

1 CHANCHIN SUINA 12:33

Zebulun thla, sipai ni dinga fe suok thei ṭhieu, indona khawm a pâwl pâwla ṭhangkhaw thiem mi, indo hriem tinrêng hmang thiem mi chu sîng nga; chuonghai chu indona chu pâwl tlar indiktaka rem thiem, lungril thuo hni nei ni lo an nih.

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; LALPA chun lungril sûng po po chu a zawng suok hlak a, lungrila tumhai khawm chu a hriet hlak sih a; ama chu i zawng chun, i hmuah um ngei a ta; amiruok- chu, ama chu i nghatsan chun, ama khawmin kumkhuoa dingin pei thla vêng a ti che.

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân tah a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

INPÂKNA HLABU 111:1

LALPA chu inpâk ro, Mi indiktakhai inkhâwm- naa le inrâwn khâwmnaa chun, Ka lungril po povin LALPA kuomah lâwmthu hril ka tih.

INPÂKNA HLABU 119:10

Ka lungril po po hin ka zawng cheh a, Aw, i thupêkhai ka fehmangsan chu phal lul naw rawh.

INPÂKNA HLABU 119:145

Ka lungril po poin ka ko cheh a, Aw LALPA, mi dawn rawh; I thuruothai chu ka vawng ṭha ding annâwm.

INPÂKNA HLABU 119:2

A thuinhriettirhai zâwmtuhai chu an hamṭha, Lungril po poa zawngtuhai chu.

INPÂKNA HLABU 119:34

Hrietthiemna mi pe la, chuongchun, i dân chu ka vawng ṭha ding annâwm, Anih, ka lungril po po hin zâwm ka tih.

INPÂKNA HLABU 119:58

Ka lungril po poin i lungin- sietna ka ngên a, I thu ang peiin mi lunginsiet rawh.

INPÂKNA HLABU 119:69

Chapohai chun ka chungah khêl an phuokfâwm a, Ka lungril po po hin i thununna thuhai chu vawng ṭhâng ka tih.

INPÂKNA HLABU 119:7

Lungril indiktak putin lawmthu hril ka ti che, I rorêlna felhai chu kân chûk thiem pha chun.

INPÂKNA HLABU 119:80

Ka muolpho nawna dingin, Ka lungril hi i thuruothaia chun ṭha famkimin um raw se.

INPÂKNA HLABU 32:11

Mi felhai, LALPAA chun hlimin lâwm unla, Lungril indiktak put po pohai, hlimin khêk ro.

INPÂKNA HLABU 51:10

Aw Pathien, keimaa hin lungril inthiengtak siem la, Ka sûnga hin thlarau indiktak siem thar nâwk rawh.

INPÂKNA HLABU 73:28

Keia ta ding chun Pathien hnai hi a ṭha a nih; LALPA Pathien chu kân hum- himna dingin ka hmang a, I sinthaw po po thu ka hril theina dingin.

INPÂKNA HLABU 84:11

LALPA Pathien chu nisa le phaw a ni sih a, LALPA chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

INPÂKNA HLABU 9:1

LALPA, kuoma chun ka lungril po poin lâwmthu hril ka ta, I thilmak thaw po po chu inhriettir ka tih.

INPÂKNA HLABU 94:15

Rorêlna chu felna tieng kîr nawk a ta, Lungril indiktak put po po chun chu chu zui an tih.

FESUOKNA 29:4

Aron le a naupasalhai chu in- tuokna puon in kawtkhâra chun hung ṭhuoi i ta, tuiin însiltir i tih.

THUVARHAI 23:26

Ka naupa, i lungril mi pe ta, Chun, ka lampuihaia chun i mithai khawm chu fu bawk raw se.

ISAI 29:13

Chun, LALPA chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 52:15

hnam tamtakin maktîng an tih; lalhaiin a kuoma chun an bau lân chîp an ta, an kuoma hril ngai lo chu la hmûng an ta, naa an hriet ngai naw chu an ngaithiem ding a nih.

JEREMIA 24:7

An kuoma chun, LALPA ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni sih a.

JEREMIA 3:10

Hieng thil po pohai lei khawm hin a zuorpuinu hlêm hmang Juda chu a lungril po po leh a hung kîr naw ta rawp a, a la tehlêm lem a, LALPA chun a tih,” tiin.

JEREMIA 30:21

Chun, an lal chu anni laia mi ngei nîng a ta, an rorêltu khawm chu anni laia inthawka hung suok ngei nîng a tih; chun, ama chu hung hnai dingin siem ka ta, ka kuom chu hung hnai a tih: Tu am a na, keima mi hung hnai dinga huoina nei chu? LALPA chun a ti sih a.

EZEKIEL 16:9

Chun, tuiin kân sil cheh a; anih, i thisen chu nangmaa inthawk chun ka sâwpfai vawng a, hriek ka nâl cheh a.

EZEKIEL 36:25

Tui inthieng chu thinkhum ka ti cheu a, inthieng tâng in tih; in in- thiengnawna po poa inthawk le in milimhai po poa inthawkin sukthieng ka ti cheu.

LEVI DÂN 14:7

inphârnaa inthawka inthien ding chu, thisen chun vawi sari thêng a ta, ân thieng tah tiin phuong a ta; chun, vate hring chu ramah insuong a tih.

LEVI DÂN 16:4

Puon zai inhmi zakaw chung chu hâk a ta, a tisa inkhumna dingin puon zai inhmi kekawr chu bun a ta, puon zai inhmi kâwngkhiin inhrêng a ta, puon zai inhmi lukhum a khum ding a nih; hieng hi silfên inthieng a nih. Insil zet zet a ta; chun, ân bel ding a nih.

LEVI DÂN 8:6

Mosie chun Aron le a naupasal- hai chu a hung ṭhuoi a, ân siltir a.

ZEKARIA 13:1

“Chu ni chun inthieng nawna le suolnaa dingin, David sûng- kuo le Jerusalema chêngtuhai ta dingin tuikhur hawngpêk nîng a tih,”

NAMBAR 8:7

Anni chu sukthieng dingin hieng ang hin i thaw ding a nih; an chungah intlêng faina tui infar la, an taksa po po chu invâwtir la; an puonhai insâwptir la, insukthiengtir rawh.

MATTHAI 3:11

Kei chun chu simna dingin tuiin ka baptis hlak cheu a; nisienla- khawm, ka hnunga hung ding chu keia nêkin a ropui lem a, a kekawk chawi tlâk khawm ka ni nawh. Ama chun Thlarau Inthieng le meiin baptis a ti cheu.

LUKA 1:1

Eini laia kha thil hung tlung kha mi tamtakin ziek an tum tah a,

JOHAN 3:5

Isûn a dawn a, “Titakzetin, titakzetin ka hril che hi, mi tûkhawm tuia le Thlaraua an pieng naw chun Pathien ramah lût thei naw ni hai,

JOHAN 8:9

Chun, anni chun a thu hril chu an hrietin, a upatakin a phut a, a tâwp chenin, pakhat khatin an inrel hmang ta pei a; chuongchun, Isu chau a um tah a, nuhmei a laia a umna ngaia um le khan.

THILTHAWHAI 22:16

Chun, iengdinga i la um zing am? Tho la, ama hming lam pumin baptisma chang la, i suolhai sâwpfai ta la,’ a mi ta.

THILTHAWHAI 8:21

Hieng thua hin i ṭhang ve nawh, chan khawm i nei bawk nawh; i lungril Pathien ngaiin a fel nawh.

1 KORINTH 6:11

Chun, nangni ṭhenkhat chuong ang mi in ni hlak kha; nisienla- khawm, Lalpa Isu Krista hminga le ei Pathien Thlaraua sâwpfai in ni tah a, sukthieng in ni tah a, thiemchang in ni tah.

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insuk- fai ei tiu, Pathien ṭi puma inthieng- na sukfamkimin.

EPHESI 3:12

Chun, Krista Isu ei ring leiin amaa vêk chun nêlna le ngamtaka lût theina ei nei.

EPHESI 5:26

kohran chu tuia sâwpa, thu chun sukfaia ân thieng theina dingin;

EPHESI 6:5

Suokhai, Krista thu zâwm angin, ṭidêk le inthina, lungril sakhat putin, hnuoia in hotuhai thu zâwm ro.

1 TIMOTHE 4:2

Chuong mi khêlhliphai chu anni sie le ṭha hrietna ngeia thîr linga bel ang an na,

TITA 3:5

thil feltaka thaw, eini ngeia thawhai chu, chu lei chun ni loin, Thlarau Inthieng siem tharna sâwpna le siem ṭhat nâwkna chun, a lunginsietna chun a mi sandam tah.

HEBRAIHAI 10:1

Dân thu chun thil ṭha hung um dinghai angpui nei loin, a hlim chau a nei leiin, kum tina inthâwina pângngai an inhlân rawphai chun, a hung hnaihai chu iengtika khawm sukfamkim thei si naw ni a.

HEBRAIHAI 10:19

Chuongchun, unauhai, Isu thi- sen lei chun, Hmun Inthienga khan lût ei huom a;

HEBRAIHAI 11:28

Ringnain Fekân Ruoiṭhe le thisen the kha a siem a, nau lutir sukbohmangtu chun anni a tâwk nâwna dingin.

HEBRAIHAI 12:24

Isu thuthlung thar palai kuom dâm, thisen the, Abel thisen nêka ṭha lem hriltu kuom dâm tlung in ni lem.

HEBRAIHAI 4:16

Chuongchun, zângaina ei hmu theina ding le, ṭhangpui ei ngai phaa ṭhangpuina lunginsietna chu ei hmu theina dingin lunginsietna lalṭhung- pha chu huoitakin hnai ei tiu.

HEBRAIHAI 6:11

Chun, in beiseina chu a fam- kima hmu dingin a tâwp chenin in ṭhahnemngaina pângngai insuo pei unla kan ti bêk bêk a nih.

HEBRAIHAI 7:19

Dân thu chun iengkhawm a sukfamkim si nawh. Beiseina ṭha lem lâk lûta hung um hin Pathien a mîn hnaitir lem a nih.

HEBRAIHAI 9:10

chuong chu fâk ding dâm, dâwn ding dâm, sâwp ding dang dang dâm leh, tisa tieng dânhai chau siem ṭhat hun hmaa dinga ruot chu a nih.

HEBRAIHAI 9:19

Dân thu ang peiin thupêk taphawt chu Mosiein mi po po a hril hnungin bâwngte le kêlte thisen chu, tui le senlâr le, husawp leh a lâk a, lekhabu ngei le mi po po khawm chu a theh a.

JAKOB 1:6

Nisienlakhawm, ringhla hlek loin, ringna neiin hni raw se, ring- hlatu chu tuisuoriet fâwn thli imût lêng le vawr ang a ni sih a.

JAKOB 4:8

Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.

1 PETER 1:2

awi ding le Isu Krista thisen the dawng dinga Thlarau isuktum, Pa Pathien ihriet lâwk anga thlanghai kuoma chun: In chungah lunginsietna le inrem- na sukpungin um raw se.

1 PETER 3:21

Chu angpui Baptisma chun, Isu Krista thonâwkna leiin tuhin a sandam cheu a nih. (Chu chu tisa inthieng naw sukfai el ni loin, sie le ṭha hrietna inthienga Pathien lamna hi a ni lem).

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,