HEBRAIHAI 1:3 - Pathien Lekhabu Inthieng (BSI)

³ Ama chu a Pathien ropuina var le, a tak angpui ngei leh, ama thil- thawtheina thuah iengkim tungding- tu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 1:3 ပူးပေါင်းရင်းမြစ်များ

1 CHANCHIN SUINA 29:11

Aw LALPA, ropuina dâm, thil- thawtheina dâm, chawimawina dâm, hnena dâm, inlalna dâm i ta an na; hnuoi le vâna um po pohai chu i ta an ni vawng sih a; Aw LALPA, lalram chu nangma ta a na, mi po po chungah nang chu lu anga chawi- mawiin i um hi.

JOB LEKHABU (THE BOOK OF JOB) 37:22

Hmârtienga inthawkin rângkachak ropuina chu a hung a; Pathien chu ropuina ṭiumtakin ân thuom a.

INPÂKNA HLABU 110:1

LALPA chun ka Lalpa kuomah, “I hmêlmahai i ke innghatnaa ka siem hmakhat chu, Ka changtieng ṭhung rawh,” a tih a.

INPÂKNA HLABU 75:3

Hnuoi le a chunga um po pohai chu an intuihmang zo tah: Keiin a banhai chu ka phun a nih.

THUHRILTU 8:4

Lal thu chun thilthawtheina a nei leiin, tuin am a kuomah, “Ieng am i thaw a” ti thei a ta?

LEVI DÂN 15:15

Chun, thiempu chun suol inthâwina dingin pakhat, pumraw- hmang thilinhlâna dingin pakhat chu ân hlân ding a nih; chuongchun, thiempu chun a thilpût thua chun LALPA hmaah intlanna siempêk a tih.

MIKA 5:4

Ama chu ngîr a ta, LALPA hrâtnain a ranruol chu châwm a tih: LALPA a Pathien hming ropuina ngei chun: chun, anni chu um zing an tih: ama chu hnuoi tâwp chenin a ropui ding a ni sih a.

MATTHAI 22:24

a kuomah, “Inchûktirtu, Mosie- in, ‘Mi nau nei loa a thi chun, a unaupain a nuhmei chu neiin, a unaupa ta dingin chi a thlapêk ding a nih,’ a ta.

MARKA 16:19

Chuongchun, Lal Isu chu an kuoma thu a hril zo chun vâna zuk ṭhuoiin a um tah a, Pathien changtieng a hang ṭhung tah a.

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 1:29

Chun, a zînga chun Johanin Isu a kuoma hung ding a hmuh a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 1:4

Amaa chun hringna a um; chu hringna chu mihriemhai var a nih.

THILTHAWHAI 2:33

Pathien kut changtienga chawi- mawiin a um a, Thlarau Inthieng tiem chu Pa kuoma inthawkin a hmuh a, in hmu le in hriet hi a hung buok a ni hi.

THILTHAWHAI 7:56

“Ngai ta u, vân inhawnghai ka hmuh a, Pathien changtienga Mi- hriem Naupa ngîr khawm ka hmuh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:16

Chanchin Ṭha chu kân zâpui si nawh a, tûkhawm a awihai po ta dinga sandamna dinga Pathien thilthawtheina a ni sih a; a phutin Juda mi ta dingin, chun, Grik mihai ta ding khawmin a hung nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:34

Tuin am thiemnaw inchangtir a ti leh? A thi chu Isu Krista chu a ni sih a, anih, mithi laia inthawka tho nâwk ta lem a, Pathien changtienga uma a mi hrilpêktu bawk kha a nih.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel tah a.

KOLOSSA 3:1

Chuongchun, Krista kuomah keithoin in um ve ta chun, chung tieng, Pathien changtienga ṭhung Krista umnaa thil umhai chu zawng ro;

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

HEBRAIHAI 1:13

Nisienlakhawm, vântirkohai laia tu chungchâng thu âm hi hi a hril hlak a? “Ka changtieng ṭhung rawh, I hmêlmahai i kepha sirsana, Ka siem hmakhat chun,” ti hi.

HEBRAIHAI 10:12

ama ruok hi chu, chatuona dingin suolhai ta dinga inthâwina ṭum khat chau ân hlân hnungin, Pathien changtieng a hang ṭhung ta lem a.

HEBRAIHAI 12:2

Isu ei ringna siemtu le suk- famkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung tah a.

HEBRAIHAI 4:14

Chuongchun, vânahai fe thleng tah, Thiempu Laltak ropuitak, Isu Pathien Naupa chu ei nei leiin, ei thuring hi pawm tlat ei tiu.

HEBRAIHAI 7:27

Chuong thiempu lalhai chun ni tin mâni suolna leiin inthawina an inhlân hmasa zet a, chu hnungah mihai suolna leiin an inhlân nâwk a. Chuong chu ama ta ding chun a ngai nawh, ama le ama ân hlân fâwm lai khan ṭum khatah a lo suktlingtla ta leiin.

HEBRAIHAI 8:1

Chuongchun, ei thu hrilhai laia a pawimaw tak chu hi hi a nih: Chuong ang, thiempu Laltak, vânahai khin Ropuitak lalṭhungpha chang tienga hang ṭhung chu ei nei a nih;

HEBRAIHAI 9:16

Thurosie umna taphawtah a sietu thina um ve naw thei a ni si nawh a.

HEBRAIHAI 9:26

chuongchu ni naw sienla leilung insieng tira inthawk vawi tamtak a tuor ta ding a na; nisienlakhawm, tulai hun tâwpa hin inthâwina dinga inhmang fâwmin, suol sukbona dingin vawi khatah a hung inlang ta nghâl a nih.

1 PETER 1:21

ama leiin mithi laia inthawka a keithotu le a ropuina petu Pathien ringtuhai in na, in ringna le in beisei- na chu Pathiena a um theina dingin.

1 PETER 3:22

Isu Krista chu vâna fein, Pathien chang tieng a um a, vântir- kohai dâm, thuneina dâm, thilthaw- theina dâm, ama thu thua inumtirin a um.

2 PETER 1:16

Ei Lalpa Isu Krista thil- thawthei zie le a hung nâwkna thu chu kan inhriettir lai cheu khan, tienami vartaka ngaituo suok elhai zâwm kan ni nawh a, a ropuina hmutuhai kan ni lem in sâwnnaw.

2 PETER 1:17

Ama chun Pa Pathien kuoma inthawkin chawimawina le ropuina a hmuh a, chu lai chun ropuina nasataka inthawk chun hieng ang râwl hi a kuomah a hung tlung a, “Hi hi ka Naupa dittak, ka ilâwm bêk bêk a nih,” tiin.

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si nawh a.

JUDA 1:25

ei Sandamtu Pathien tak chau kuoma chun, ei Lalpa Isu Krista leiin, hun hrim um hma le, tuta le chatuon chenin, chawimawina dâm, ropuina dâm, rorêlna dâm, thuneina dâm um raw se. Amen.

THUPUONGSUO 3:21

A hnetu taphawt chu ka lal- ṭhungphaah ka kuomah inṭhungtir ka tih; kei khawmin ka hneh a, ka pa kuomah lalṭhungphaa ka ṭhung ang khan.

THUPUONGSUO 4:11

“Nang kan Lalpa le kan Pathien, Ropuina dâm, chawimawina dâm, thilthawtheina dâm chu Hmu tlâk i nih ie, Nangin iengkim i siem a, I dit leia um le siem An ni bawk sih a,” tiin.