HAGGAI 2:9 - Pathien Lekhabu Inthieng (BSI)

⁹ Hi in hi, hi hnungtienga a ro- puina chu a hmasa nêk khan la nasa lem a tih, sipaihai LALPA chun a tih: chun, hi hmuna hin inremna chu la pêng ka tih, sipaihai LALPA chun a tih.

HAGGAI 2:9 ပူးပေါင်းရင်းမြစ်များ

ISAI 60:7

Kedarhai ran ruol po po chu i kuoma um khâwmin um an ta; Nebaiothhai berâmchalhai chun i rawng bâwl an tih; ka mâichâma chun lâwmin hang fêng an ta, ka ropuina in chu chawimawi ka tih.

ISAI 66:12

LALPA chun hieng ang hin a ti sih a, “Ngai ta u, inremna chu va- dungpui ang elin a kuom chenin inluongtir ka ta, hnam tin ropuina chu vadungtê a kuong liem dûl dûl angin a kuom tlungin inluongtir bawk ka tih, chuongchun, chu chu nêng in tih; hmathlâk a ti cheu a, a khûp chunga chun inchâwmtir a ti cheu.

EZEKIEL 43:5

Thlarau chun a mi dawm kâng a, huon sûng tuollai sungril lema chun a mi ṭhuoi tah a; chun, ngai ta, LALPA ropuina chun in chu a suksip tah a.

MIKA 5:5

Chun, hi hi ei inremna ding nîng a tih, Assuria mi chu ei ramah a hung a, ei lal inhai a hung sir pha chun ama do dingin berâmpu pasari le mi ropui pariet inthlangsuok ei tih.

HAGGAI 1:8

Tlâng rama chun hang fe unla, thing hung la unla, in chu bâwl ro; chuongchun, a sûnga chun inhawi tîng ka ta, chawimawiin um bawk ka tih,” LALPA chun a tih.

HAGGAI 2:3

‘Nangni lai hin hi in hi a hmaa a ropui lai kha hmu a dam tu am in la um a? Anleh, tuhin ieng ang charin am in hmuh a? In mithmua chun iengkhawm ni lo ang a ni naw am a nih?

ZEKARIA 2:5

A vêlin kei a mei kul bang nîng ka ta, a sûnga chun kei chu a ropuina ka ni ding a ni sih a, LALPA chun a tih,” a ta.

LUKA 2:14

“A chunghnungtakah Pathien ropuitakin um raw se, Hnuoi chunga a ilâwm bêk bêk mihriemhai kuomah inremna thu inlêng raw se,” an tih a.

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

THILTHAWHAI 10:36

Ama chun thlamuongna Chan- chin Ṭha Isu Krista baua hrilin Israel thlahai kuomah thu ân phur a, (Isu chu mi po po Lal a nih).

1 TIMOTHE 3:16

Chun, Pathien ngaisakna thu- rûk chu sêl ruol loin a ropui a nih: “Ama, tisaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

JAKOB 2:1

Ka unauhai, ei Lalpa Isu Krista, Ropuina Lalpa, ring si chun mi thlier bîk nei naw ro.