HAGGAI 2:4 - Pathien Lekhabu Inthieng (BSI)

⁴ Anachu, Aw Zerubbabel, tuhin insukhrât rawh,’ LALPA chun a ti a nih; LALPA chun, ‘Aw Josua, nang Jehozadak naupa thiempu lal, in- sukhrât la, a rama mi po pohai, insukhrât unla, sin chu thaw ro,’ a tih, nangni lai ka um si a, mipuihai LALPA chun a tih:

HAGGAI 2:4 ပူးပေါင်းရင်းမြစ်များ

2 SAMUEL 5:10

Chuongchun, David chu a hung ropui ta deu deu a, LALPA, sipaihai Pathien chu a kuoma a um pei leiin.

1 CHANCHIN SUINA 22:13

Israel chungthua LALPAIN Mosie thu a pêk, rorêlna hai le dânhai chu thaw dinga i zâwm tlat chun hung hlawtling i tih; insukhrât la, insukhuoi la, beidawng naw la, ṭit khawm ṭi naw rawh.

1 CHANCHIN SUINA 28:20

Chun, David chun a naupa Solomon kuoma chun, “Insukhrât la, insukhuoi la, thaw el rawh; ṭi naw la, beidawng bawk naw rawh; LALPA Pathien, ka Pathien ngei chu i kuomah a um sih a; LALPA ina rawngbâwlna sin po pohai chu zo a ni vawng hmakhat chun inhlawsamtir naw ni cheh a, nghatsan bawk naw ni che.

EZRA 10:18

Chun, thiempuhai naupasalhai lai ngei khawm chun hmêlmak nuhmei lo neituhai chu hmusuok an hung ni tah a: hming lamin hieng, Jozadak naupa Jesua naupasalhai, an unauhai leh; Maaseia, Eliezer, Jarib le Gedalia hai hi.

EZRA 5:2

Chun, Sealtiel naupa Zerubbabel le Jozadak naupa Jesua chu an tho a, Jerusalema um, Pathien in chu an bâwl ṭan tah a; chun, an kuoma chun Pathien zâwlneihai chu anni ṭhang- puiin an um bawk a.

FESUOKNA 3:12

Ama chun, “I kuomah um ngei ngei ka tih, chun, ka tir che a nih ti inchikna chu hi hi nîng a tih: Aiguptaa inthawka Israel mihai i hung ṭhuoi suok pha, hi tlâng chunga hin Pathien rawng la bâwl in tih, ti hi,” a tih a.

HAGGAI 1:13

Chun, LALPA mitir Haggai chun LALPA thucha chu mipuihai kuoma chun, “In kuomah ka um, LALPA chun a tih,” tiin a hril a.

ZEKARIA 4:6

Ama chun ka kuomah, “Hi hi Zerubbabel kuoma LALPA thu, ‘Sipai- in ni loin, thilthawtheina khawma ni loin, amiruokchu, ka thlarauin,’ tiha sipaihai LALPAIN a hril chu a nih,” a ta.

ZEKARIA 8:9

Sipaihai LALPA chun hieng hin a tih, “LALPA in, biekin ngei chu, bâwl a ni theina dinga lungphûm phûma a um nia, zâwlnei lo um tahai baua inthawka thuhai vawisûn nia hretu- hai, in kuthai chu sukhrât ro.

MARKA 16:20

Chuongchun, anni chu an fe suok a, ram tinah thu an hril tah a; Lalpain anni ân thlawppui a, a zuitu inchiknahai chun an thu chu a sukdet pei a, Amen].

THILTHAWHAI 7:9

“Chun, chi thlatuhai khan Josef an îtthik a, Aigupta tieng an zawr a, nisienlakhawm, Pathien a kuomah a um a.

1 KORINTH 16:13

Invêng unla, ringnaa chun ngîr det unla, insukhuoi unla, hrâttakin um ro,

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

DÂN PAHNINA 31:23

LALPA chun, Nun naupa, Josua chu ân fui a, “Seltak le huoitakin um rawh khai, Israel thlahai chu an kuomah inkhâma ka tiem rama chun i ṭhuoi lût ding a nih; chun, i kuomah um pei ka tih,” a tih a.

2 TIMOTHE 2:1

Chuongchun, nang, ka nau, Krista Isua lunginsietna uma hin suknghetin um rawh.

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

JOSUA 1:6

Hrâttak le huoitakin um rawh, inkhâma an thlatuhai pêk ka lo tiem ta ram kha anni hi în hluotir ding a ni sih a.

JOSUA 1:9

Hrâttak le huoitakin um rawh; ṭi naw la, zâm bawk naw rawh, LALPA i Pathien chu i fena taphawtah i kuomah a um pei ding annâwm,” tiin, a hril a.

RORELTUHAI 2:18

LALPAIN rorêltuhai a siem- pêk pha chun LALPA chu rorêltu kuoma chun a um a, rorêltu dam sûng chun an hmêlmahai kuta inthawk chun a sansuok pei a; anni sukrimsitu le nêksâwrtuhai leia an inrûm chun LALPA chun za a ngai nâwk hlak a.

1 SAMUEL 16:18

Chuongchun, tlangvâl pakhat chun a dawn a, a kuomah, “Ngai ta, Bethlehem mi Jesai naupa pakhat chu ka hmu tah a, ama chu kei thiem- tak, mi huoitak, indo mi, thuhril thiemtak, hmêl ṭhatak a nih; a kuomah LALPA khawm a um a nih,” a ta.