HAGGAI 2:22 - Pathien Lekhabu Inthieng (BSI)

²² ramhai lalṭhungpha khawm chu pei thlâng ka tih; chun, hnamhai lalram hrâtna chu sukse bawk ka tih; chun, tawlailîrhai chu pei thlâng ka ta, a chunga chuongtuhai le chun; sakawrhai le a chunga chuong, mi tin chu mâni unau kâwlhnâm ngeia suktlâwm ni tâng a tih,’ tiin.

HAGGAI 2:22 ပူးပေါင်းရင်းမြစ်များ

2 CHANCHIN SUINA 15:6

A tum tumin an insukdar vawng a, hnam chungah hnam dang, khaw- pui chungah khawpui dang; inhmêl- mâkna tinrêngin Pathienin anni chu a suklungsen tâwl sih a.

2 CHANCHIN SUINA 20:22

Chun, an inpâk a, hla an hang sak ṭan phing chun Juda ram hung rûntuhai Seir tlâng le, Moab le Ammon thlahai chunga chun inchân rutuhai LALPA chun ân chân tir tah a; chuongchun, hnein an um tah a.

2 CHANCHIN SUINA 20:23

Moab le Ammon thlahai chu Seir tlâng khuo deltuhai chu that vawng a, anni sukbohmang dingin an hung tho tah a; chun, Seir tlâng hluotuhai an hung sukrêm hnunga khawm chun, mi tin chu mi dang dang insukbohmangtuo an tum seng tah a.

INPÂKNA HLABU 46:9

Ama chun indonahai chu kâwlkawdawng chenin a sukbo hlak a, Thalngul chu a sukthliek a, fei chu a sât bawng hlak a. Tawlailîrhai chu meiah a raw hmang hlak.

INPÂKNA HLABU 76:6

Aw Jakob Pathien, i kâwkna leiin, Tawlailîr le sakawr khawm ininnghiltir dêrin an um ve veh a;

FESUOKNA 14:17

Chun, keiin Aigupta mihai lungril sukngar ka ta, an hnungah hung lût vêng an tih; chun, Pharao le a sipai ruol po po, a sakawr tawlailîr po po le, a sakawr chung chuong mihai chungah ropuina chang ka tih.

FESUOKNA 14:28

Tui chu a kîr nâwk a, sakawr tawlailîrhai, sakawr chung chuong mihai le, Pharao sipai ruol, an hnunga hung hnawttuhai ngei chu ân khum ta vawng a, pakhat khawm hlain an um ta nawh a.

FESUOKNA 15:19

Pharao sakawrhai chu a sakawr tawlailîrhai le sakawr chung chuong mihai leh tuipuiah an lût phing chun, LALPAIN tuipui tuihai an chungah ân luongtir nâwk ta sih a; Israel thlahai ruok chu tuipui inkâra chun hnuoi hulah an feh a.

FESUOKNA 15:4

Pharao sakawr tawlailîrhai le sipai ruol chu tuipuiah a pei lût tah a; A sipai hotu thlanghai khawm chu Tuipui Senah an tlum zo tah.

ISAI 19:2

Chun, Aigupta mihai chu Aigup- ta mi vêk thaw dingin chawktho ka ta; chuongchun, mi tinin mâni unau thawin, mi tinin mâni tuolbâwmhai thawin, indo an tih; khuo le khuo inthâwng an ta, ram le ram inthâwng an tih.

ISAI 60:12

I rawng bâwl nuom naw hnam le ram chu a bohmang âwm sih a; anih, chuong hnamhai chu suksiet dêrin um an tih.

ISAI 9:19

Sipaihai LALPA lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

EZEKIEL 21:27

Inletling ka ta, letling ka ta, letling ka ta, hi khawm hi um ta naw nih a, a thuneitu a hung hmakhat chun; chun, ama kuoma chun pêng ka tih.

EZEKIEL 26:16

Tuisuorieta lalhai po po chu an lalṭhungphahaia inthawk chun ṭhung thlâng an ta, an lal puonhai chu sieng an ta, an silfên cheimawihai chu hlîp an ta, anni chu inthinnain inthuom tâng an tih; leihnuoi chungah ṭhung an ta, ieng lai khawmin inthin an ta, nangma chu maktîng an ti che.

EZEKIEL 38:21

Ka tlânghai po po kuoma chun, ama do dingin kâwlhnâm ko ka ta, Lalpa PATHIEN chun a tih; mi tin kâwlhnâm chu a unau chungah um a tih.

EZEKIEL 39:20

Chun, ka dâwkâna chun sa- kawrhai, sakawr tawlailîrhai, mi thilthawtheitakhai le indo mihai po po chun sukkhawpin um in tih, Lalpa PATHIEN chun a tih.

DANIEL 8:25

A remruot dân hmangin a kuta chun vervêkna chu inhlawtlingtir a ta; a lungrila chun ama le ama chu inchawimawi a tih; chun, an inring naw kârin mi tamtak chu suksieng a ta, lalhai lal chungah ngîrsuok bawk a ta, nisienlakhawm, kut loa suksiet nîng a tih.

AMOS 2:15

thalngul hmangtu khawm chu ngîr thei bawk naw ni; ngalhrât mi khawm inhum thei bawk naw ni; sakawr chung chuong mi khawm inhum thei bawk naw nih;

MIKA 5:10

Chu nia chun, LALPAIN a tih, i kuoma inthawkin i sakawrhai sukbo- hmang ka ta, i tawlailîrhai suksieng ka tih:

MIKA 5:15

Chun, thu ngai naw hnamhai chunga chun lunginthakna le lungin- sennain phuba lâkna sukpuitling ka tih.

MIKA 5:8

Jakob mi hlâbîkhai chu hnamhai laia le chi tamtakhai laia chun ram- hnuoi sahai laia sakeibaknei ang le berâm ruol laia sakeibaknei vânglai angin um a tih; ama chun a fe thleng phawt chun, a sirde a, a keinâwi a, santu ding khawm tukhawm an um nawh.

MIKA 5:9

I kut chu nangma dotuhai chunga inletin um sienla, i hmêl- mahai po po chu sukbohmangin um raw se.

MIKA 7:16

Hnam tinin chu chu hmûng an ta, an thilthawtheina po po chu inzâpui an tih; an hmûr hup an ta, an nahai sêt a tih.

ZEPHANIA 3:8

LALPA chun, “Chuleichun, kei mi nghâk unla, sase se dinga ka tho ni hmakhat chun, ka thiltum chu, ka lunginsenna ṭium tak le ka lungin- thak nasatak chu bun khum dinga ramhai ka kei khâwm theina dingin hnamhai kei khâwm chu a ni sih a; leihnuoi hluo po po chu ka îtthîkna mei chun a kâng hmang ding a ni sih a.

ZEKARIA 10:11

Chun, ama chun sukrinumna tuisuoriet chu fe thleng a ta, tui- suorieta chun a fâwnhai chu thâwng a ta. Nile li inthûkhai po po khawm chu kang intan a tih; chun, Assuria chapona chu sukhnuoi nîng a ta, Aigupta lalhmawl chu fe hmang tâng a tih.

ZEKARIA 10:5

Chun, indona chun an hmêlma- hai chu kawtthlêra chirhak chîl anga chîlin mi thilthawtheitakhai hung nîng an ta, LALPA chu an kuomah a um zing leiin, anni chu do an tih; chun, sakawr chunga chuong mihai khawm chu sukhamhaiin um an tih.

ZEKARIA 12:9

Chun, chu nia chun Jerusalem hung thawtu hnam po pohai chu suksietna ding zawng vêng ka tih.

ZEKARIA 14:3

Chun, LALPA chu fe suok a ta, indona nia a do angin, chuong hnam- hai chunga chun do a tih.

ZEKARIA 4:6

Ama chun ka kuomah, “Hi hi Zerubbabel kuoma LALPA thu, ‘Sipai- in ni loin, thilthawtheina khawma ni loin, amiruokchu, ka thlarauin,’ tiha sipaihai LALPAIN a hril chu a nih,” a ta.

ZEKARIA 9:10

Ephraima inthawkin tawlailîr chu sât thlâng ka ta, sakawr chu Jerusalema inthawkin; chun, indona thalngul chu sât thliek ni tâng a tih; chun, ama chun hnamhai kuoma chun inremna thu hril a ta; a ramawp chu tuisuorieta inthawka tuisuoriet chen, Vadungpuia inthawka leihnuoi tâwp chen nîng a tih.

MATTHAI 24:7

Hnam tum le hnam tum indo an ta, ram tum le ram tum indo an ta; hmun tum tumah ṭâmhai tlâng a ta, simkhawleihnuoihai inhnîng a tih.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl tah a.

RORELTUHAI 7:22

Chun, tawtawrâwt za thum chu an mût a, chun, LALPA chun sipaihai po po chu anni le anni kâwlhnâmin ân dotir tâwl tah a; chuongchun, sipai- hai chu Zerera tieng panga Betshit- tah chen, Tabbath kâwla Abel-meho- lah ramri chen an tlânsieh a.

1 SAMUEL 14:16

Chun, Benjamin ram Gibeaa Saula râl vêngtuhai chun an hang thlîr vêl a, ngai ta, mipuihai chu an ṭe dar hum hum a, khingtieng khing- tiengah an invâk nuoi nuoi el a.