HAGGAI 1:6 - Pathien Lekhabu Inthieng (BSI)

⁶ In tu ṭeu a, tlâwmte chau in lâk lût a, in fâka chu khawp lêm in nei nawh a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlaw- tu khawm chu ip mawng inâwnga thlâk el dingin a hlaw a nih,” tiin.

HAGGAI 1:6 ပူးပေါင်းရင်းမြစ်များ

2 SAMUEL 21:1

Chun, David damlai chun a kum bi sirin kum thum ṭâm a tlah a; chun, David chun LALPA chu a rawn a. Chun, LALPA chun, “Thisen insuotu Saula le a sûnghai lei a nih; Gibeon mihai a that el si a,” a ta.

1 LALHAI 17:12

Ama chun, LALPA i Pathien hringna sâlin ka hril a nih, bei chu chu ka nei nawh a, bêla beiphit vei- khat bak le, bûrah sahriek tlâwmte chau ka nei a; chun, ngai ta, ka feh a, kei le ka naupa ta dinga siemna dingin thingrieu pahni amani chau kân khâwm a na; chuongchun, chu chu fâng kan ta, kan thi el ding a nih,a ta.

NEHEMIA 5:2

“Eini rawi hi ei naupasalhai le ei naunuhmeihai leh tam tâwk tak ei na; bu hi inchûin inchû el ei tiu, ei fâka ei hring theina dingin,” ti dâm an um a.

JOB LEKHABU (THE BOOK OF JOB) 20:22

A hau tâwk zet huna chun inrêkin um a ta, Mi rimsihai kut chu a chungah hung tlung a tih.

JOB LEKHABU (THE BOOK OF JOB) 20:28

A in hlâwkna chun ama mâksan a ta, A lunginsen nia chun a thuomhnawhai chu luong hmang a tih.

INPÂKNA HLABU 107:34

Ram ṭha chu ram ṭâwl chawkah ân changtir hlak a, A sûnga umhai rîtlona leiin.

THUVARHAI 11:24

Semdar raka pung deu deu si a um a, Mamaw tâwk bâk inro tlata tlasam si a um bawk a.

ISAI 5:10

Grêp huon ṭin sâwm hmunah bath khat chau la pieng a ta, bu chi homer khat tuin epha khat chau a la pieng ding a ni sih a,” tiin.

JEREMIA 12:13

Bu an chîng a, hling an sîk a; anni chu an insukna a, nisienla- khawm, iengkhawm a hlawk nawh, LALPA lunginsenna ṭiumtak lei chun i rahai chu inzapui i tih.

JEREMIA 14:4

Rama chun ruotui a um si nawh a, leihnuoi beidawngumtak lei chun hnuoi inlettuhai chu an inzak a, an luhai an khum a.

JEREMIA 44:18

Amiruokchu, hi vân lalnu kuoma riminhnik raw kan mâka, dâwnmi thilinhlân buok kan mâk china chu thil iengkim kan tlasamin, ṭâmna le kâwlhnâmin a mi sukbo- hmang zo a ni ta hi.

HOSEA 4:10

Fa chu fa dêng an ta, tlai si naw ni hai; Nawchizawr chîng an ta chu, pung chuong naw ni hai, LALPA pawisakna an nei naw leiin.

HOSEA 8:7

Thli an chîng a, thli sie an sîk ding a ni sih a, Kûng ngîr a nei nawh a, a zîk khawm chun ra insuo naw ni; Insuo khawm ni sienla, mikhuolhaiin fa zo an tih.

LEVI DÂN 26:20

chun, in tha chu sêng thlâwn mei mei nîng a tih, in ram chun ra insuo naw nih a, rama thinghai khawm chun ra an insuo naw ding a ni sih a.

LEVI DÂN 26:26

In ifâk tak bei ka sukchatpêk pha cheu chun, nuhmei sâwmin urna pakhatah ur an ta, in bei chu bûk chie peiin pe nâwk an ti cheu; fâk chu fâng in ta, khawp chu khawp naw ti niu.

HAGGAI 1:10

Chuleiin, nangni leiin vân chu daidaw intlâktir lo ding le, hnuoi chu ra insuo lo dinga khap an nih.

HAGGAI 1:5

Chuleiin, tuhin sipaihai LALPA chun hieng hin a tih, “In lampuihai chu ngaituo ro.

HAGGAI 1:7

Sipaihai LALPA chun hieng hin a tih; “In lampuihai ngaituo ro.

HAGGAI 1:9

“Tamtak chu in zawng hlak a, anachu, tlâwmte a hung ni el hlak; ina in hung lâk lût pha khawmin, ka lo mût hmang el hlak. Ieng leiin am?” Sipaihai LALPA chun a tih. “Ka in hienga sieha um zing siin, mi tin mâni in sengah in tlân hlak leiin.

HAGGAI 2:16

khânglai sûng hrim hrim khan, miin tekhâwng sâwmhni vûma a ruota chun sâwm chau a lo na: miin sâwrna khura bûr sâwmnga thâl dinga a hung chun sâwmhni chau a lo na.

HAGGAI 2:17

In kut sinthawnahai po poa chun riel le kumthu le ṭêk tlain ka hrem cheu a, anachu ka kuom tieng in la hung ngha naw rawp el hi,” LALPA chun a tih.

ZEKARIA 5:4

Chun, sipaihai LALPA chun, “Infe suoktir ka ta, inru ina chun lût a ta, ka hminga khêla inkhâmtu ina le chun: chuongchun, a in sûnga chun chêng a ta, chun, chutaka a lunghai le a thinghai le chun kâng hmang a tih,” a ta.

ZEKARIA 8:10

Khâng nihaia khan chu mi- hriem ta dingin inhlawfâkna a um nawh a, ran ta ding khawma inhlaw- fâkna hrim a um nawh a; hmêlma leiin mi a lût le suok ta ding khawma muongna hrim a um nawh: mi po po mâni tuolbâwmhai kalin ka sie sih a.

MALAKI 2:2

In ngai a, ka hming sukropui dinga, in lungrila in sie tlat naw chun, Sipaihai LALPA chun hieng hin a tih, in chunga chun ṭawngsie hung tir ka ta, in malsâwmnahai chu ṭawngsie inphur ka tih; anih, lungrila in sie tlat naw leiin, ṭawngsie kân phur nghâl tah a nih.

DÂN PAHNINA 28:17

In bâwm le in bei hmetna thlêng chu ṭawngsephurin um a tih.