HAGGAI 1:2 - Pathien Lekhabu Inthieng (BSI)

² Sipaihai LALPA chun hieng hin a tih: “Hi chihai hin, ‘Eini ta dingin fe hun a ni nawh a, LALPA ta dinga in bâwl hun a la ni nawh’ an tih a,” tiin.

HAGGAI 1:2 ပူးပေါင်းရင်းမြစ်များ

2 LALHAI 12:7

Chuongchun, lal Jehoas chun thiempu Jehoiada le thiempu dang- hai chu a ko a, an kuomah, “Ieng- dinga in sietna laihai hi in siem naw am? Tuhin chu in hmêlhriethai laia inthawkin tangka chu la ta naw unla, in se siemna dingin pe suok lem ta ro,” a ta.

EZRA 4:23

Chun, lal Artazerzia lekha chu Rehum le, lekhaziektu Simsai le, an ruolhai hmaa tiem a ni phing chun, inhmâwtakin Judahai kuomah Jeru- salema chun an feh a, thilthawtheina le thawluinain anni chu an suktâwp tah a.

NEHEMIA 4:10

Chun, Juda chun, “Sinthaw- tuhai tha hlak a châu zo tah a, hmunhnawk hlak a nasa sih a; kul chu ei siem thei ta naw ding a ni hi,” a tih a.

THUVARHAI 22:13

Mi thabo chun, “Tuola sawn sakeibaknei a um a, Kawtthlêrhaia sukhlum nîng ka tih,” a ta.

THUVARHAI 29:25

Mihriem ṭîna hin châng a hung siem a, LALPAA a ringna innghattu ruok chu him a tih.

THUHRILTU 11:4

Thli nghâktu chun thlaichi thlâk naw nih a, Sûmhai pawisatu chun sîk ngai bawk naw nih.

THUHRILTU 3:3

Sukhlum hun le sukdam hun a um a, Ṭhiek hun le bâwl hun a um a;

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna ama- nih, sinthawna amanih a um ta si nawh a.

HAGGAI 1:1

Lal Daria inlal kum hnina, thla ruknaa, chu thla ni khat nia chun, zâwlnei Haggai hmangin Sealtiel naupa Zerubbabel, Juda ram rorêltu le Jehozadak naupa Josua, thiempu laltak kuoma chun LALPA thu chu a hung tlung a.

HAGGAI 1:3

Chuongchun, zâwlnei Haggai kuoma chun LALPA thu chu a hung tlung a:

NAMBAR 13:31

Nisienlakhawm, a fepuihai chun, “Hang hne thei tâwl nâwm ei ni ie, eini nêkin an hrât lem sih a,” an tih a.