HABAKKUK 3:3 - Pathien Lekhabu Inthieng (BSI)

³ Pathien chu Temana inthawkina hung a. Mi Inthieng chu Paran tlânga inthawkin. A ropuina chun vânhai chu ân khum a, Leihnuoi chu ân pâknain a sip a nih.

HABAKKUK 3:3 ပူးပေါင်းရင်းမြစ်များ

INṬANNA 21:21

Paran thlalêra chun a um a; chun, a nuin Aigupta rama inthawk nuhmei a neipêk tah a.

INṬANNA 36:11

Eliphaz naupasalhai chu Teman, Omar, Zepho, Gatam le Kenaz an nih.

1 LALHAI 11:18

Midian rama inthawk chun an suok a, Paranah an feh a, chun, Parana inthawk chun mihai an ṭhuoi a, Aigupta ram, Aigupta ram lal Pharao kuom an zu tlung a; ama chun inhai a lo pêk a, fâk dinghai a lo ngaituopêk a, ram dâm a lo pêk bawk a.

INPÂKNA HLABU 113:4

LALPA chu hnam tinrênghai chunga chun chunghnung dai a na, A ropuina chun vânhai khi a khûm dai a nih.

INPÂKNA HLABU 148:13

Chuonghai chun LALPA hming chu inpâk raw se, A hming chau chu chawisângin a um sih a; A ropuina chun hnuoi le vân a khûm dai a.

INPÂKNA HLABU 3:2

“Pathiena chun a ta dingin ṭhangpuina hrim a um nawh,” tia, Ka hringna chungchâng thu hriltu tamtak an um.

INPÂKNA HLABU 3:4

Ka râwlin LALPA chu ka ko a, A tlâng inthienga inthawk chun a mi hung dawn hlak a.

INPÂKNA HLABU 4:4

Ṭi unla, thil suksuol naw ro; In khumlaizâwla chun in lungrilah inngaituo unla, to ṭhiep ro.

INPÂKNA HLABU 48:10

Aw Pathien, i hming ang ngeiin, Nangma inpâkna chu kâwlkaw- dawng chenin a um a; I kut changtieng chu felnain a sip a nih.

INPÂKNA HLABU 68:17

Pathien tawlailîr chu a sînga sîng, a sânga sâng tamtak a nih. LALPA chu Sinai tlânga a um ang khan, chuong laia chun hmun inthiengah a um tah.

INPÂKNA HLABU 9:16

LALPA chun ân hriettir a, rorêlna chu a tirsuok tah a, Mi rilo chu ama kutsuok ngeia chun a âwk hlak.

INPÂKNA HLABU 9:20

Aw LALPA, anni chu sukṭi la, Hnam tin chun mihriem el an nih ti inhre raw se.

FESUOKNA 20:18

Mipui po po chun vâninrûmhai, ṭêktlahai, tawtawrâwt ri le, tlâng khu suok chu an hmu chun mipui chu an inthin a, hlatakah an ngîr a.

ISAI 31:1

Aigupta rama ṭhangpuina zawnga zu feh a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israel- hai Mi Inthieng tieng en si loa, LALPA khawm râwn si lohai chu an chung a rik ie!

ISAI 6:3

Chun, “Sipaihai LALPA chu ân thieng ie, ân thieng ie, ân thieng ie, hnuoi pumpui chu a ropuinain a sip a,” tiin, an inkhêk tuo an inkhêk tuo hlak a.

ISAI 64:3

Kan beisei naw thil râpthlâk i thaw lai khan i hung ṭum a, tlânghai chu i hmaah an luong thlâk dûl dûl kha.

JEREMIA 49:7

Edom chungthu, Sipaihai LALPA chun hieng hin a tih: “Temana chun varna a um ta naw a ni maw? Mi vara inthawka thurâwn an bohmang ta a ni maw? An varna chu a bohmang a ni ta maw?

EZEKIEL 43:2

chun, ngai ta, saktienga inthawk chun Israel Pathien ropuina chu a hung tlung tah a; chun, a râwl khawm chu tui tamtak ri ang a nih; chuongchun, a ropuina chun hnuoi chu a var tah a.

AMOS 1:12

chuleiin, Teman hmun chunga chun mei tir ka ta, Bozra khaw lal inhai chu kâng vawng a tih,” tiin.

OBADIA 1:9

Aw Teman, Esau tlânga inthawk- a mi tin sukbohmanga an um vawng- na dingin, i mi hrâthai chu nasatakin ṭîng an tih.

HABAKKUK 2:14

Tuisuoriet chu tuihaiin ân khum angin, LALPA ropuina hrietna chun hnuoi hi a suksip ding a ni sih a.

NAMBAR 10:12

Chuongchun, Israel thlahai chu an fe dân bi ang chun Sinai thlalêra inthawk chun an suoka, Chun, Paran thlalêra chun sûm chu a ngîr tah a.

DÂN PAHNINA 33:2

“Sinaia inthawkin LALPA chu a hung a, Seira inthawkin an kuomah a tho a, Paran tlânga inthawkin a var a suok a; Mi inthieng sângsâwm laia inthawkin a hung; A kut changtieng chun an ta dingin dân chawk thei a um a.

DÂN PAHNINA 5:24

‘Ngai ta, LALPA ei Pathien chun kan kuomah a ropuizie le a lienzie ân langtir a, meia inthawka a râwl chu kan hriet a; Pathienin mi a biek khawma thina a ni chuong nawzie chu vawisûn hin kan lo hriet tah a.

1 SAMUEL 25:1

Chun, Samuel chu a thi tah a; chun, Israel mihai po po chu an inko khâwm a, an ṭah a; Rama khuoa a ina chun an phûm tah a. Chun, David chu a tho a, Paran thlalêrah a zu feh a.