HABAKKUK 3:2 - Pathien Lekhabu Inthieng (BSI)

² Aw LALPA, i ṭawng ka hriet a,ka ṭi tah a; Aw LALPA, hieng kumhai sûng hin i sinthaw chu hung sukhar rawh. Kumhai laia hin hung inhriettir la, Lunginsennaa khawm zângaina chu hre zing rawh.

HABAKKUK 3:2 ပူးပေါင်းရင်းမြစ်များ

EZRA 9:8

Tuhin mitkhapkâr tawitea ding- in kan Pathien LALPA zângaina chu hla bîkhai mi la mâksanpêk ding le, a hmun inthienga um zingna mi pe dingin kan Pathien chun kan mithai a hung sukvar a, kan sal intângnaa hin sukharna tlâwmte bêk a mi pêk theina dingin inlangtirin a um a.

JOB LEKHABU (THE BOOK OF JOB) 42:5

Naa hrietna chun nangma chu ka hriet ta cheh a, Tu ruok hin chu ka mit hin a hmu che a ni hi.

INPÂKNA HLABU 119:120

Ka tisa hi nangma ṭîin ân thin a, I rorêlnahai chu ka ṭî bawk a.

INPÂKNA HLABU 25:6

Aw LALPA, i lainatnahai le i ngilneinahai chu hre zing la, Inhmaa lo um kumkhuo tah a ni sih a.

INPÂKNA HLABU 38:1

Aw LALPA, lunginsenin mi kâwk naw la, Lunginsenin mi thunun bawk naw rawh.

INPÂKNA HLABU 44:1

Aw Pathien, tienlaia an dam laia i thilthawhai kha. Kan thlatuhaiin an mi hril, kan nain kan hriet,

INPÂKNA HLABU 71:20

Nang, lungzîngna tamtak le nasatak mîn hmutirtu chun, Mi sukhring nâwk i ta, hnuoi inthûktaka inthawkin mi ṭhuoisuok nâwk i tih.

INPÂKNA HLABU 78:38

Nisienlakhawm, ama chu lai- natnaa a sip leiin an rîtlona chu a ngaidam a, anni chu a sukbohmang nawh; Anih, vawi tamtak a lunginsenna chu a lâk kîr a, A lunginsenna chu a rêngin a chawktho nuom ngai nawh.

INPÂKNA HLABU 85:6

Nangmaa chun i mihai an hlim theina dingin, I mi sukhar nâwk naw ding am a nih?

ISAI 53:1

Kan thuhril tuin am a ring a? LALPA kut chu tu kuom am ân lang a?

ISAI 54:8

Ka lunginsen luotin mitkhapkâr nanga tieng ka hmai ka thup a; nisienlakhawm, kumkhawtluong zai- nêmnain lunginsiet ka ti che, LALPA nangma intlantu chun a tih.

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnem- ngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

ISAI 66:2

Hieng thil iengkim hi ka kutin ka siem a ni sih a, chuongchun, hieng thil iengkim hi a hung um tah a nih, LALPAIN a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

JEREMIA 10:24

Aw LALPA, mi sukdik la, ami- ruokchu, rorêlnain, i lunginsennain ni loin, chuong naw chun iengkhawm ni loin mi siem rawi i tih.

JEREMIA 10:7

Aw hnamhai Laltak, tuin am ṭi nâwng an ti cheh a? Nang chun i phu hrim sih a, hnamhai laia mi var po po lai le, an lalram sûngahai chun, nang- a ang hrim tukhawm an um nawh.

JEREMIA 29:10

LALPA chun hieng hin a ti sih a; Babulona intâng kum sâwmsari a tling hnunga chun, hung sir ka ti cheu a, hi hmuna inkîrtir ding cheuin in kuoma chun ka thu tiem chu hlen ka tih.

JEREMIA 46:28

Aw ka siehlaw Jakob, ṭi naw rawh, LALPA chun a tih; i kuomah ka um sih a, nang ka hnawt hmangna che tienga hnamhai po po chu suk- tâwp vawng ka ta, nang ruok chu suktâwp letdêr naw ning cheh a; rorêlnain sukdik lem ka ti cheh a, ieng kawnga khawm hrem loin mâksan naw ning che,” tiin.

ṬAP HLA 3:32

Lungngaina intlungtir hlak sien khawm, a zângaina hauzie ang peiin lunginsietna chu nei a tih.

DANIEL 8:17

Chuongchun, ka ngîrna hmun kâwla chun a hung hnai a; chun, a hung hnai chun ka ṭih a, ka bawk- khup tah a; nisienlakhawm, ka kuoma chun, “Aw mihriem naupa, thil hmulâwkhai chu hun tâwpa ding a nih ti hi hre rawh,” a ta.

DANIEL 9:2

a rorêl kum khat kuma chun kei Daniel hin kum sâwmsaria Jerusa- lem khuo suksieta a um ding hun tlungkimna ding, zâwlnei Jeremia kuoma LALPA thu hung tlung, kum- hai nizât chu lekhabuhaia inthawkin ka lo hriet tah a.

HABAKKUK 3:1

Sigionoth chunga zâwlnei Habak- kuk ṭawngṭaina chu:

HABAKKUK 3:16

Ka hriet a, ka phîngsûng chuân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

ZEKARIA 1:12

Chun, LALPA vântirko chun a dawn a. ‘Aw sipaihai LALPA, kum sâwmsari sûng rau an chunga nasa- taka lunginsenna i nei, Juda khaw- puihai le Jerusalem chunga hin ieng chen am zângaina nei loin i um ding a na?’ a ta.

JOHAN 10:10

Inruhmang chu, inru ding le, sukhlum ding le sukse ding naw chun a hung nawh; kei chu hringna an neina dingin, tamtaka an neina dinga hung ka nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:16

Nisienlakhawm, Chanchin Ṭha chu an rêng chun an ring vawng nawh. Isaiin, “Lalpa, kan thu hril tuin am a ring a?” a ti sih a.

PHILIPPI 1:6

Nangnia thilṭha thaw phuttu khan Isu Krista ni chen chun a thaw famkim pei ding a nih; chu ngei chu ka ring tlat sih a.

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir tah a, ringna leia felna um ro chu hluotu a lo ni tah a.

HEBRAIHAI 12:21

an thil hmu khawm chu ṭi a um êm a, chuongchun, Mosiein, “Ka ṭiin kân thin nasa bêk bêk a,” a ti kha.

THUPUONGSUO 15:4

Aw Lalpa, tu am i hming inza nawh a, Chawimawi naw ding? Nang chau în thieng si; I thilthaw felhai chu suklang a ni ta leiin, Hnam tinrêngin chibai hung bûk an ti che,” tiin.