HABAKKUK 3:16 - Pathien Lekhabu Inthieng (BSI)

¹⁶ Ka hriet a, ka phîngsûng chuân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

HABAKKUK 3:16 ပူးပေါင်းရင်းမြစ်များ

JOB LEKHABU (THE BOOK OF JOB) 30:17

Zân huna chun ka ruhai hin an mi chip an mi chip a, Chuong natna mi chip mi chiphai chu an ma ngai nawh.

JOB LEKHABU (THE BOOK OF JOB) 30:30

Ka vun chu a hung dum a, keimaa inthawkin ân khawk a; Ka ruhai chu lumin a kâng bawk a.

INPÂKNA HLABU 119:120

Ka tisa hi nangma ṭîin ân thin a, I rorêlnahai chu ka ṭî bawk a.

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

THUVARHAI 12:4

Nuhmei ringum chu a pasal ta dingin lallukhum a na, Thil inzapuium thawtu ruok chu a ruhai ta dingin inngêna ang a nih.

THUVARHAI 14:30

Lungril hrisêl chu taksa hringna a na, Itthîkna ruok hi chu ruhai ta dinga hmawnna a nih.

ISAI 21:3

Chuleiin, ka kâwnghai hi natna nasatakin a sip a, nuhmei nau invawi natna angin natnain nasatakin a mi man tah; naa hre thei naw khawp hielin na ka tuor a; khaw hmu thei lo khawp hielin ka lunginzîng a.

JEREMIA 23:9

Zâwlneihai chungthua chun; ka lungril chu ka sûnga chun a kawiseh a, ka ruhai po po khawm ân hnîng a; zu inrui mi, mi uoinin a hne zet ang el chu ka nih; LALPA lei le, LALPA thu inthienghai lei chun.

JEREMIA 30:7

Ahei, chu ni chu a ropui sih a, chu ang hrim chu a um nawh a, Jakob buoina hun ngei chu a ni el a nih; nisienlakhawm, chutaka inthawk chun sansuokin um a tih.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

JEREMIA 5:15

Ngai ta, hlataka inthawkin i chungah hnam hung ṭhuoi ka ta, Aw Israel sûngkuo, LALPA chun a tih; hnam hrâttak nîng a ta, hnam hluitak el ni bawk a ta; hnam an ṭawng khawm i hriet lo le, an hril khawm i hriet lo nîng a tih.

ṬAP HLA 1:13

Chungtienga inthawkin ka ru sûngah mei a hung tir a, anni chu a hne tah a, Ka kehai ta dingin lên a phah a, a mi keikîr tah a; Râusanah a mi siem a, chauin ka um ni tin a.

ṬAP HLA 1:20

Ngai ta, aw LALPA, rimsiin ka um hi; ka phîng chu a buoi a; Ka lung chu ka sûnga chun ân her a, khawhlotakin ka lo hel ta sih a; Kawtthlêra chun kâwlhnâm chun a sukfahrah a, ina chun thina a um a.

EZEKIEL 3:14

Chuongchun, thlarau chun a mi dawm kâng a, a mi lâk hmang tah a; lungawilotak le lunginsen êm êmin ka fe tah a; chun, LALPA kut chu ka chunga chun a hrât hle a.

DANIEL 10:8

Chuongchun, ka khât chaua mâksanin ka um a, hi thilhmulâwk ropuitak hi ka hmu tah a; chun, keimaa chun hrâtna hrim hrim a um ta nawh a: ka hmêl mawina chu sietnaa ân chang ta leiin, hrâtna hrim ka nei ta nawh a.

DANIEL 10:9

A thuhril ri chu ka la hriet ta rawp a: chun, a thuhril ri chu ka hriet phingleh, hnuoitienga ka hmai in- nghatin ka bawkkhup a, inhniktakin ka in tah a.

DANIEL 8:27

Chun, kei Daniel chu ka châu a, ni iengzât amani chu ka damnawh a; chun, ka tho a, lal sin chu ka thaw tah a: nisienlakhawm, thilhmulâwka chun mak ka ti êm êm a, tukhawma an hriet thiem si nawh a.

HABAKKUK 3:2

Aw LALPA, i ṭawng ka hriet a,ka ṭi tah a; Aw LALPA, hieng kumhai sûng hin i sinthaw chu hung sukhar rawh. Kumhai laia hin hung inhriettir la, Lunginsennaa khawm zângaina chu hre zing rawh.

LUKA 21:19

In selnain in hringna sanhim in tih.