HABAKKUK 2:5 - Pathien Lekhabu Inthieng (BSI)

⁵ Anih, chu nawa khawm uoin he chu bawsetu, Mi chapo, a ina um ngailo chu a nih; Ama chun a châkna chu hrem- hmun angin a suklien a, Ama chu thina ang a na, suktlai ruol a ni nawh. Chi po pohai chu a kuoma chun a kei khâwmin, Hnam po pohai chu a kuomah a lâk khâwm lem a nih.

HABAKKUK 2:5 ပူးပေါင်းရင်းမြစ်များ

2 LALHAI 14:10

Nang hin Edom mihai chu i hne ngei luoh a, i lungril a hung chapo tah a ni hi, i chapona kha intawmpui ṭawk ṭawk el rawh, nang le Juda ram puma sietna, i ta dinga thil ṭha naw ding iengdingin am i cho suok ding an leh,” tiin mi a tir veh a.

INPÂKNA HLABU 138:6

LALPA chu chunghnungtak a nia chu a mi inhnuoihai a ngaisak hlak. Mi chapohai ruok chu hlataka inthawkin a hriet hlak.

THUVARHAI 20:1

Uoin hi nuisantu a na, zu hi mi risie a nih, Tukhawm chutaka suksuoltu chu a var naw a nih.

THUVARHAI 21:24

Mi chapo le mi uong chu a hming chu Hmusittu a na, Inphûloin chaponaah sin a thawh a.

THUVARHAI 27:20

Seol le Abaddon chu an khawp ngai nawh a, Mihriem mithai khawm chu an lungawi ngai nawh.

THUHRILTU 5:10

Tangka ngainatu chu tangkaah lungawi naw nih a; hausakna ngai- natu khawm hlâwknaa chun lungawi bawk naw nih: hi khawm hi teplo el a nih.

ISAI 14:6

mi tin lunginsen puma vaw zawt zawt hlak a, hnam tin lunginsen puma tu ikhap khawm ngai loa suk- nawmnatnaa ro rêlpêkna hlak chu.

ISAI 16:6

Moabhai chapona thu, an chapo êm êm a ni ti ei lo hriet a, an ṭawng mingemzie le an chapozie le, an lunginsenzie thu chu, an uongnahai chu iengkhawm a ni nawh.

ISAI 2:17

Mihriem inditnahai chu suk- hnuoiin um a ta, mihai chapona chu suktlâwmin um bawk a tih; chu nia chun LALPA chau chu chawisângin um a tih.

ISAI 21:5

Dawkân chu an buotsai a, râlvêngtu chu an invêngtir a, an fâk a, an dâwn a; mi lienhai, tho unla phaw kha hriek nâl ro.

ISAI 5:14

Chuleiin, Seol chun a châkna chu a lo suklien a, a bau chu inkhi ruollo khawpin a ka tah a, chuong- chun, an ropuina dâm, an mipuihai dâm, an ropui bûr bûrna dâm, anni laia lâwmtaka umhai le chun an lût thla ta duol duol a.

ISAI 5:8

Ram lailia an khât chaua an um theina dinga mi ṭhang vena hmun hrim hrim um lo khawp hiel a, in le in inzawmtir pei le, lo le lo inzawmtir peituhai chung chu a rik ie!

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, LALPA chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 50:29

“Thalkâptuhai, thalngul kuoi- hai po po chu Babulon chunga chun ko khâwm ro; a vêl el chun riekngha unla, chutaka inthawk chun tu- khawm insuokthlengtir naw ro; a sinthaw ang pei chun ama chu thung unla, a lo thaw ta ang tak khan ama chungah thaw ve ro; LALPA chungah, Israel Mi Inthieng chunga chun a lo chapo ta sih a.

JEREMIA 51:39

Suklum an ni pha chun, an ta dingin ruoi ṭhêng ka ta, anni chu sukrui ka ta, chuongchun, an hlim a, tho nâwk ta lo dinga kumkhuoa innaa chun an in theina dingin, LALPA chun a tih.

HABAKKUK 1:15

Ama chun anni po po chu ngakuoiin a lâk a, A lênin a man tâwl a, A keihrui chun a hnûk khâwm a; Chuleichun, a hlimin a lâwm a nih.

HABAKKUK 1:17

Chuleiin, a lên chu sukruok nâwk hlakin, Hnamhai that zing el chu a ma naw ding am a nih?

HABAKKUK 2:4

En ta u, a lungril chu a chapo a, amaa chun ân dik naw a nih, Mi fel ruok chu a ringna lei chun hring a tih.

1 THESSALONIKA 4:11

Kan hril ta cheu ang khan dei dapa um a, mâni sin seng ngaisak a, mâni kut ngeia sin thaw tum tlat ro.

JAKOB 4:6

Nisienlakhawm, lunginsietna tam nâwkzuol a pêk hlak; chuleiin, Pathien Lekha Thuin, “Pathienin mi chapohai a kal a, inngaitlâwmhai ruok chu lunginsietna a pêk hlak,” a ti a nih.