HABAKKUK 2:3 - Pathien Lekhabu Inthieng (BSI)

³ Inlârna hi hun ruota hung tlung ding a la na, A tâwp chu a hnai mêk zing a, inkhêl bawk naw nih; A muong khawma nghâk zing la, A hung tlung ngei ding a ni leiin,” tiin.

HABAKKUK 2:3 ပူးပေါင်းရင်းမြစ်များ

2 LALHAI 6:33

Chun, chuonga anni a la biek lai mêk chun ngai ta, a mi tir chu a hung tlung thla tah a; chun, laltak chun, “Ngai ta, hi thil ṭha naw hi, LALPA hung tir a ni hi, LALPA chu iengding- in am la nghâk ta rawp ka tih a?” a ta.

INPÂKNA HLABU 102:13

Tho i ta, Zion tlâng chu lunginsiet i tih, Ama chu lunginsiet a hun ta sih a, anih, hun ruot chu a tlung tah.

INPÂKNA HLABU 27:14

LALPA chu nghâk zing rawh, Hrâttakin um la, i lungril chu insukhuoi raw se; Anih, LALPA chu nghâk zing rawh.

FESUOKNA 12:41

Kum za li le sawmthum tâwpah, chu ni le le chun LALPA mipuihai chu Aigupta rama inthawkin an fe suok tah a.

ISAI 30:18

Chuleiin, LALPA chun a lungin- siet theina ding cheuin, nghâk a ta, chuleiin, a lainat theina ding cheuin chawimawiin um a tih; LALPA chu rorêl felna Pathien a ni sih a; ama nghâktuhai po po chu an hamṭha ie.

ISAI 7:4

a kuomah, ‘Fimkhur la, um ṭawk ṭawk rawh, meiser bawng khu mei mei pahni, Suria le Rezin le Remalia naupa lunginsenna nasatak chu, ṭi naw la, i lungril chu inlau naw raw se.

ISAI 8:17

Kei chun Jakob sûnghai laia a hmai thuptu LALPA chu nghâk ka ta, ama chu thlîr zing ka tih.

JEREMIA 27:7

Chuongchun, ama ram ngei a ni hun a tlung hmakhat chun, hnamhai chun ama le a naupasal le, a naupasal naupa rawng chu bâwl an tih; chuongchun, hnam tamtakhai le lal ropuitakhai chun ama chu suokin man an tih.

EZEKIEL 12:25

LALPA chu ka ni sih a: thu hril ka ta, chu ka thuhril chu thawin a um ngei ding a nih; sukbahla ni ta ngai naw ni; aw sûngkaw hel hmang, in nihaia chun thu hril ka ta, thaw ni bawk a tih, Lalpa PATHIEN chun a tih,” tiin.

EZEKIEL 30:9

Chu nia chun Ethiopia mi pawisakna neilotuhai chu sukṭi dingin ka hmaa inthawkin mitirhai chu lawnghaiin suok an ta; an chunga chun tuorna nasatak, Aigupta nia ang khan um an tih, en ta, a hung mêk sih a.

DANIEL 10:14

Ni nuhnungahai chun i mihai chu iengin am a hung tlâkbuok ding a na ti inhriettir ding chein tuhin ka hung a nih; thilhmulâwk kha ni tamtakhaia ding a la ni chau sih a,” a ta.

DANIEL 11:27

Chun, hi lal hai ve ve hi chu; an lungrilhai chu thil suol thawna lung- ril nîng a ta; dawkân hmunkhata chun thukhêlhai hril an tih; nisien- lakhawm, hlawtling naw nih a, a tâwpna chu hun ruota chun a la ni ding a ni sih a.

DANIEL 11:35

Chun, chuong a varhai chu hun tâwpa chun anni chu sukvar ding le, sukfai ding le, sukṭha dingin tlûng an tih; hun ruota ding chu a la ni leiin.

DANIEL 8:17

Chuongchun, ka ngîrna hmun kâwla chun a hung hnai a; chun, a hung hnai chun ka ṭih a, ka bawk- khup tah a; nisienlakhawm, ka kuoma chun, “Aw mihriem naupa, thil hmulâwkhai chu hun tâwpa ding a nih ti hi hre rawh,” a ta.

DANIEL 8:19

Ama chun, “Ngai ta, lunginsen- na hun tâwp tieng hun nuhnunga thil um ding chu inhriettir ka ti che, a tâwpna hunbi ruota ṭhang ding chu a ni sih a.

DANIEL 9:24

Hapta sâwm sarihai chu i mihai le khaw inthieng ta dinga bawsiet- nahai insûmna ding le suolnahai bân- sanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

MIKA 7:7

Kei ruok chun chu LALPA en ka ta; ka sandamna Pathien chu nghâk ka tih; ka Pathien chun a mi ngai ding a nih.

ZEPHANIA 3:8

LALPA chun, “Chuleichun, kei mi nghâk unla, sase se dinga ka tho ni hmakhat chun, ka thiltum chu, ka lunginsenna ṭium tak le ka lungin- thak nasatak chu bun khum dinga ramhai ka kei khâwm theina dingin hnamhai kei khâwm chu a ni sih a; leihnuoi hluo po po chu ka îtthîkna mei chun a kâng hmang ding a ni sih a.

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk nawh a, A hril ta chu a thaw naw ding am a nih? A lo hril ta chu a sukpuitling naw ding am a nih?

LUKA 2:25

Chun, ngai ta, Jerusalema chun mi pakhat a hming Simeon a um a; ama chu mi feltak le Pathien ngaisaktak a na; Israel thlamuongtu ding chu a nghâk zing a, a chungah Thlarau Inthieng a um a.

THILTHAWHAI 1:7

Chun, ama chun an kuomah, “Pain a hun le a ni ama thu thua um dinga a ruot chu nangni lo hriet ding a ni nawh ie.

THILTHAWHAI 17:26

Chun, hnuoi chung po poa um dingin, bul hmunkhatin hnam tin mi a siem a. An ta dingin hun bihai a ruot a, an umna rihai khawm a khang pêk a;

GALATI 4:2

A pa ruot hun chu a hung tlung hmakhat chu vêngtu le enkawltuhai hnuoiah a um lem a nih.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong nawh a, an bohmangna hlak a ininnghil bawk nawh.

2 PETER 3:9

Mi ṭhenkhatin muonga an ruot angin, Lalpa chu a thutiem kawnga chu a muong nawh; tukhawm bo- hmang loa mi po po sim ditpuiin, nangni tiengah a dâwthei a ni lem.