HABAKKUK 2:19 - Pathien Lekhabu Inthieng (BSI)

¹⁹ Thing kuoma chun, “Harrawh,” ti a, Lung kuoma chun, “Tho rawh,” titu chu a chung a rik ie! Hi hin ân chûktir ding am a nih? En ta u, rângkachak le tangkaruo inluon khum a na, Amaa hin inthuokna hrim a um dêr nawh.

HABAKKUK 2:19 ပူးပေါင်းရင်းမြစ်များ

INPÂKNA HLABU 135:15

Hnam tin milimhai chu tangka le rângkachak an na, Mihriem kutsuok an nih.

INPÂKNA HLABU 135:17

Nahai an nei a, an hriet thei si nawh a, An baua chun thuok hrim hrim a um bawk nawh.

INPÂKNA HLABU 97:7

Milim siemfâwmhai rawngbâwl- tuhai po po chu muolphoin um raw se, Milimhai suongtuhai chu: Nangni pathien po pohai, ama chibai bûk ro.

ISAI 26:14

Anni chu an thi tah a, hring nâwk ta naw ni hai, an bo tah a, tho nâwk ta naw ni hai; chuleiin, nangin anni chu hremin i suksiet a, an hriet zingna po po khawm i sukbohmang tah.

ISAI 40:19

Mi lim siemfâwm hi, sinthaw mi chun a sung a, rângkachak sut mi chun rângkachakin ân luon a, chu chu ding chun tangka khaidiethai a sungpêk hlak.

ISAI 41:26

Ka hriet theina dingin tuin am a tira inthawk khan a hril hlak a? “Ama hi ân dik ie,” kan ti theina dingin tuin am a hrillâwk hlak a? Anih, a hril hrim hrim an um nawh, anih, inhriettir hrim hrim an um nawh, anih, in thuhrilhai hi a hrie hrim hrim an um nawh.

ISAI 44:17

A mahla chu pathienah a siem a, a siem fâwm milim ngeia chun; chu chu bawkkhupa chibai bûkin a biek a, a kuomah a ṭawngṭai a, “Mi sanhim rawh, ka pathien i ni sih a,” a ti hlak.

ISAI 46:6

Mansaa inthawka rângkachak bun suok hlak a, tangka bûknaa bûk hlakhai chun rângkachak suttu an ruoi a, ama chun pathienah a siem hlak a; chuongchun, an bawkkhup a, anih, chibai an bûk hlak.

ISAI 57:6

Vadung ruom lung innâm lai chun i chanvo a um a; chuong, chuonghai ngei chu; i chanpuol chu a nih, chuonghai ta ding ngei chun thil inhlân dâwn mi i buok a, thilpêk khawm în hlân kha. Chuong thila chun suklungawiin ka um ding am a nih?

JEREMIA 10:14

Mi tin el chu ngawngtak, hriet- na nei lo an na; rângkachak suttu tinhai khawm chu a milim kera siem lei chun sukzakin a um a; a milim sunghai chu khêlthu ngawt a na, an- nia chun inthuokna a um si nawh a.

JEREMIA 10:3

Hnamhai dânhai chu teplo mei mei an na; rama inthawkin thing an hang phûr thlûk a, themthiem mi chun a hreipuiin a chei a.

JEREMIA 10:4

Chu chu tangkaruo le rângka- chakin an chei a; thîrkilnahaiin an sukdet a, tubauhai leh, chuongchun, ân hnîng thei nawh a;

JEREMIA 10:9

Tangkaruo thlênghaia sut, Tar- sisa inthawka hung lâkhai le, Uphaza inthawka rângkachak, themthiem le rângkachak thîrsu kuthai sinthaw chu: a dum pâwl le a dum êm chu an thuom dingin, mi themthiemhai kutsuok vawng an nih.

JEREMIA 2:27

thingbul kuoma chun, ‘Nang hi ka pa i nih,’ an ta, lung kuoma chun, ‘Nang hin i mi nei a,’ an tih a, an hmai tieng ni loin, an hnung an mîn nghat ta sih a; an buoi lai huna ruok chun, ‘Hung tho la, mi sanhim rawh,’ an ta.

JEREMIA 2:28

Anleh, i pathienhai i ta dinga i siemhai kha khaw lai am an um a? I buoi lai huna an sanhim thei che chun inthotir ta la; i khawpuihai tamzie ang peiin i pathienhai chu an tam sih a, Aw Juda.

JEREMIA 51:17

Mi tin el chu an lo intlaw tah a; hrietna boin an lo um tah a, rângkachak suttu tinhai khawm chu an milim kera siemhai lei chun sukzakin an um tah a, an milim sunghai chu khêlhlip el a ni sih a, annia chun inthuokna khawm a um si nawh a.

JEREMIA 51:47

Chuleiin, ngai ta u, nihai chu a hung tlung mêk, Babulona milim kera siemhai chunga chun rorêl ka ta, a ram pumpui chu inzak a tih; a ithathai po po khawm chu a sûnga chun tlûng an tih.

DANIEL 3:1

Lal Nebukadnezzar chun rângka- chak milim a siem a, ân sângzie chu tawng sâwmruk a na, a khang- tieng chu tawng ruk a nih; Babulon biel sûnga Dura phaizâwla chun ân ngîrtir tah a.

DANIEL 3:18

Chuong chu ni naw ding khawm ni sien, i pathienhai chu an rawng bâwl naw ning ung a, rângkachak milim în ngîrtir khawm chu chibai bûk naw bawk kan tih,” an ta.

DANIEL 3:29

Chuleichun, thupêk ka siem, mi tin, hnam tin, le ṭawng tin, hieng Sadrak, Mesak le Abednego hai Pathien chunga thil hril suol taphawt chu, sât nawi vawng nîng an ta, an inhai khawm chu êk siekhâwmnaa siem nîng a tih; hieng ang kawnga mi sanhim thei pathien dang hrim an um naw leiin,” a ta.

DANIEL 3:7

Chuleiin, chu lai chun, mipuihai chun tawtawrâwt dâm, theihle dâm, ṭingṭang dâm, rawsem dâm, per- khuong le rimawi tinrênghai ri chu an hriet chun, mipui po po le, hnam po pohai le, ṭawng po pohai chu lal Nebukadnezzarin rângkachak milim ân ngîrtir hmaa chun an bawkkhup a, chibai an bûk tah a.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn tah a; chun, tangka dâm, rângkachak dâm, dârsen dâm, thîr dâm, thing dâm, lung dâm pathien- hai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po umna chu i chawi- mawi nawh a,

DANIEL 5:4

Uoin chu an hang dâwn a, râng- kachak dâm, tangka dâm, dârsen dâm, thîr dâm, thing dâm, lung dâm pathienhai chu an inpâk tah a.

JONA 1:5

Chun, lawng mihai chun an ṭih a, mâni pathien an ko seng a; lawng chu an ta dinga a zângna dingin lawng sûnga thuomhnawhai chu tuisuorieta chun an pei suok tah a, Jona ruok chu lawng sûngril taka chun a lo lût tah a, a lo zâl a, a lo ininnghil dêr tah a.

THILTHAWHAI 17:29

Chuongchun, Pathien thlahai ei ni hnung chu, Pathien pangti chu, rângkachak dâm, tangka dâm, lung dâm, mihriem themthiem le remruot- a suthai ang hi amanih ei ti ding a ni nawh.

THUPUONGSUO 17:4

Chu nuhmei chun puon sen duk le sen lâr a sil a, rângkachak le lungmantam le tuikeplungin ân chei a. Rângkachak no, thil tirdakum, a mi dit chîngna thil inthiengnawa sip a chawi a.