HABAKKUK 2:18 - Pathien Lekhabu Inthieng (BSI)

¹⁸ Milem a kera ker, a siemtuin a iker chun Ieng am ṭhangkaina a nei? Milim a sunga sung le khêlhlip inchûktirtu, Milim ṭawng thei nawhai siem a, A siemtuin ama sinthaw nâk nâk a ringzoa hin, Ṭhangkâina ieng am a um a?

HABAKKUK 2:18 ပူးပေါင်းရင်းမြစ်များ

INPÂKNA HLABU 97:7

Milim siemfâwmhai rawngbâwl- tuhai po po chu muolphoin um raw se, Milimhai suongtuhai chu: Nangni pathien po pohai, ama chibai bûk ro.

ISAI 1:31

Chun, mi hrâttak chu ziza pawn ang ni tâng a ta, a sinthaw chu meisi ang ni tâng a tih; chuongchun, kâng rêl an ta, tukhawma sukrêm naw ni hai,” tiin.

ISAI 37:38

Chun, a pathien Nisrok ina chun pathien a biek laiin a naupa- salhai Adrammelek le Sarezer hai chun kâwlhnâmin an sât hlum a; chuongchun, an tlânhmang a, Ararat rama chun an lût tah a. Chun, a naupa Esar-haddon chun ama aiawin ro a rêl tah a.

ISAI 40:19

Mi lim siemfâwm hi, sinthaw mi chun a sung a, rângkachak sut mi chun rângkachakin ân luon a, chu chu ding chun tangka khaidiethai a sungpêk hlak.

ISAI 41:26

Ka hriet theina dingin tuin am a tira inthawk khan a hril hlak a? “Ama hi ân dik ie,” kan ti theina dingin tuin am a hrillâwk hlak a? Anih, a hril hrim hrim an um nawh, anih, inhriettir hrim hrim an um nawh, anih, in thuhrilhai hi a hrie hrim hrim an um nawh.

ISAI 42:17

Milim siem fâwmhai ring a, milim sunghai kuoma, “Kan pathien in nih,” tituhai chu innghatkîrtirin um an ta, nasatakin muolpho an tih.

ISAI 44:12

Thîrsuin hreipui a sut hlak a, meihawla chun a thun lût a, tubau- haiin a sut a, a bân hrâttak chun a sut hlak, anih, a phîng a hung ṭâm a, a tha chu a hung zawi hlak; tui hrim hrim a dâwn nawh a, a châu hlak.

ISAI 45:16

Muolphotakin um an tih, anih, an rêngin inzaktakin um an tih; milim siemtuhai chu inzaknaa chun lût tâwl an tih.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siem- fâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

JEREMIA 10:8

Anni chu ngawngtak le invêt an na, milim inchûktirna chu thing bul el chu a nih.

JEREMIA 16:19

Aw LALPA, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung nawh a,” hung tîng an tih.

JEREMIA 2:8

Thiempuhai khawm chun, “LAL- PA kha khaw lai am a um a?” khawm an ti nawh a; dân hmangtuhai hlak chun an mi hriet bawk nawh: rorêl- tuhai khawm chun ka chungah an bawsiet a, zâwlneihai khawm chun Baal hmangin thu an hril a, thil a hlâwkna um dêr lohai chu an hnawt ta lem a.

JEREMIA 50:2

“Hnamhai laia chun hril la, phuong rawh, chun, puonzâr chu khai la, phuong la, thup naw rawh, ‘Babulon chu lâkin a um a, Bêl chu sukzak a na, Merodak chu a bei- dawng a, a milimhai po po chu sukzakin an um a, a milimhai chu an beidawng zo tah,’ ti rawh.

JEREMIA 51:17

Mi tin el chu an lo intlaw tah a; hrietna boin an lo um tah a, rângkachak suttu tinhai khawm chu an milim kera siemhai lei chun sukzakin an um tah a, an milim sunghai chu khêlhlip el a ni sih a, annia chun inthuokna khawm a um si nawh a.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn tah a; chun, tangka dâm, rângkachak dâm, dârsen dâm, thîr dâm, thing dâm, lung dâm pathien- hai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po umna chu i chawi- mawi nawh a,

AMOS 2:4

LALPAIN hieng ang hin a tih, “Juda bawsietna pathum leiin, anih, pali leiin, a hremna sukbo naw ning; LALPA dân chu an pawm nawh a, a thupêkhai chu an vawng nawh a;

JONA 2:8

Thil teplo khêl thu mei mei ngaituotuhai chun, An ta dinga ngilneina chu an nghatsan a nih.

ZEKARIA 10:2

Milim chun teplo mei mei a hril a, a lo dawngtuhai khawm chun khêl thu chu an hmu sih a; manga mang- tuhai khawm chun khêl mei mei an mang a, a thlâwn elin an insukthla- muong a nih; chuleiin, berâm angin anni lampui chu an hrawh a, sukrimsikin an um hlak, berâmpu a um naw leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:21

Tuta in thil inzâpui tahaia hin khâng lai khan ra ieng am in lo hmu hlak leh? Khang thil tâwpna kha thina a nih in sawnnaw.

1 KORINTH 12:2

Awinawhai in ni lai khan, ieng ang khawma an ṭhuoi ang pei cheu khan, khâng milim rawl neilo tienga khan ṭhuoihmangin in um ti in hriet a.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sah a. An pahni chun kâta kâng mei dîla chun a hringin an pei a.

RORELTUHAI 17:4

Chun, tangka chu a nu a hang pêk chun a nu chun tangka za hni chu a lâk a, tangkaraw suttu kuomah a pêk a, ama chun milimin a lo siem a, milimin a lo sung tah a, chu chu Mika ina chun a um a.

1 SAMUEL 12:21

iengkhawma ṭhahnem lo ding le sansuok thei lo ding cheu zuiin pêtsan naw ro, teplo mei mei an ni sih a.