HABAKKUK 2:14 - Pathien Lekhabu Inthieng (BSI)

¹⁴ Tuisuoriet chu tuihaiin ân khum angin, LALPA ropuina hrietna chun hnuoi hi a suksip ding a ni sih a.

HABAKKUK 2:14 ပူးပေါင်းရင်းမြစ်များ

INPÂKNA HLABU 22:27

Kâwlkawdawnga mi po po khawmin hre nâwk an ta, LALPA tieng ngha tâng an tih: Hnam tina chi tin i hmaah kûn an tih.

INPÂKNA HLABU 72:19

A hming ropuitak hi kumkhawtluongin inpâkin um bawk sienla, Hnuoi pumpui khawm hi a ropuinaa suksipin um raw se; Amen, Amen.

INPÂKNA HLABU 86:9

Aw LALPA, i siem hnam tinrênghai chu hung an ta, i hmaah hung kûn an ta, I hming chu hung chawimawi an tih.

ISAI 11:9

Ka tlâng inthienga hrim hrim chun insuknat um ta naw nih a, insuksiet um bawk ta naw ni; tuihai hin tuisuoriet ân khum zing angin, leihnuoi hi LALPA hrietnain a sip zo vawng ta ding a nih.

ISAI 33:6

I dam sûng chun um nghetna um a ta, sandamna dâm, varna dâm, hrietna dâm um ṭeu a tih; LALPA ṭîna chu a ro a nih.

ISAI 40:5

chun, LALPA ropuina chu suk- lang nîng a ta, mi po poin chu chu hmu seng an tih; LALPA bau chun a hril ta sih a,” a ta.

ISAI 6:3

Chun, “Sipaihai LALPA chu ân thieng ie, ân thieng ie, ân thieng ie, hnuoi pumpui chu a ropuinain a sip a,” tiin, an inkhêk tuo an inkhêk tuo hlak a.

JEREMIA 31:34

chun, mi tinin mâni tuol- bâwmhai chu inchûktir ta naw ni hai a, mâni unauhai seng leh; “LALPA chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, LALPA chun a tih: an bawsietnahai chu ngaidam ka ta, an suolna khawm hre zing ta naw ning.

EZEKIEL 47:5

Chu hnunga chun sâng ân khi nâwk a, vadungpui a hung ni tah a, ka fethleng thei ta nawh a; tui chu a hung insâng a, vadungpui kai thei- lo hiel, inhlieuna khawp a hung ni tah a.

MIKA 2:9

Ka mi nuhmeihai chu an in in- hawitaka inthawkin in hnawt dawk a, an naupangtêhaia inthawkin ka ropuina chu in lâk hmang sawng a nih.

HABAKKUK 2:15

A tuolbâwm kuoma dâwn ding pe a, Chutaka chun a tûr chu pawl a, An saruokna chu a hmu theina dinga Sukruitu chung chu a rik ie!

HABAKKUK 3:3

Pathien chu Temana inthawkina hung a. Mi Inthieng chu Paran tlânga inthawkin. A ropuina chun vânhai chu ân khum a, Leihnuoi chu ân pâknain a sip a nih.

ZEPHANIA 3:9

Chun, chutaka inthawk chun hmûr inthieng put chihai kuoma chun kîr nâwk ka ta, lungril hmun- khata a rawng bâwl dinga LALPA hming chu an rênga an lam theina dingin.

NAMBAR 14:21

amiruokchu, ka hring zing ang le Lalpa ropuinain hnuoi pumpui a la suksip vawng ding ang bawkin thu ka tiem,

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl tah a.

THUPUONGSUO 15:4

Aw Lalpa, tu am i hming inza nawh a, Chawimawi naw ding? Nang chau în thieng si; I thilthaw felhai chu suklang a ni ta leiin, Hnam tinrêngin chibai hung bûk an ti che,” tiin.