HABAKKUK 2:10 - Pathien Lekhabu Inthieng (BSI)

¹⁰ Mi tamtak chu sât thlain, I insûng ta ding chun inzakna în tlun tah a; I hringna chung ngeia khawm thil i suksuol tah a nih.

HABAKKUK 2:10 ပူးပေါင်းရင်းမြစ်များ

1 LALHAI 2:23

Chuongchun, lal Solomon chun, “LALPA hming sâlin, Adonija thil hni hin ama chunga thina thuhril a ni naw tâkleh, Pathienin a law law mi law el sienla, chu nêka nasa khawm a.

2 LALHAI 10:7

Chun, lekha chu an hmu chun lal naupahai chu an man a, a sâwmsari chun an that a, an luhai chu bâwm- rângah an sieh a, Jezreel khuoah a kuomah an inphur tah a.

2 LALHAI 9:26

LALPAIN, ‘Zâni khan Naboth thisen le a naupasalhai thisen ka hmu ngei annâwm,’ a ti kha; chun, LALPAIN, ‘Hi hmun ngeia hin ka thung ding che a nih,’ a ti nâwk kha. Chuongchun, LALPA thu ang chun pawm la, hi hmuna ngei hin pei thla rawh,” a ta.

THUVARHAI 1:18

Chun, chuong anni thisen ngei inchântuhai chun, Anni hringna ngei chu inrûkin an inchân a nih.

THUVARHAI 20:2

Lal ṭiumna chu sakeibaknei inrûm ri ang a na, Ama suklungsentu chun ama hringna chunga ngei chun thil a suksuol a nih.

THUVARHAI 8:36

Amiruokchu, ka chunga suksuol chun ama lungril ngei a sukkhawhlo a, Kei a mi theidatuhai po po chun thina an hmangai a nih.”

ISAI 33:11

Hlo ṭâwl vawn in ta, bupâwl nei in tih; in thuok chu nangni kâng hmang ding mei a nih.

JEREMIA 22:30

LALPA chun hieng hin a tih: Hi pa hi nau boah, a dam sûnga mi hlawtling ngai lo dingin ziek rawh, ama chia mi hrim hrim hi tukhawm hlawtling ngai naw ni hai; David lalṭhungphaa ṭhung thua le, Juda rama ro la rêl pei ding thuah.

JEREMIA 26:19

Juda ram lal Hezekia le, Juda mihai po po chun ama chu an that el am a nih? LALPA chu a ṭih a, LALPA ditsakna chu a hnih a; chuongchun, LALPA chun an chunga thil ṭha naw a lo hril ta kha a lamlêt a ni nâwm a ni kha? Chuong a ni chun eini thlatuhai ta ding ngeiin thil ṭha nawtak ei thaw a ni ding a nih,” an tih a.

JEREMIA 36:31

Chun, ama le a thla le sie- hlawhai chu an suolna leiin hrem ka ta, chun, an chunga le, Jerusalem hluotuhai chunga le, Juda rama mihai chunga chun, an chunga tlung dinga ka hril, thil ṭha nawhai po po kha intlungtir ka tih; nisienla- khawm, an la ngai naw rawp a,” tiin.

JEREMIA 44:7

Chuleiin, tuhin LALPA sipaihai Pathien, Israel Pathien chun hieng hin a tih: nangnia inthawka pasal, nuhmei, naute le nene ne lai, Juda rama inthawka mâksan khawm um dêr lo dinga iengdinga in thlarauhai chung ngeia hieng thil ṭha naw hi thaw am in na?

NAHUM 1:14

LALPA chun i chungchâng thuah thu a pêk a, i hming chu chi anga thê ni ta naw nih; i pathien ina inthawka milim siemfâwm le milim sunghai chu sukbohmang ka tih; i thlân chu siem ka tih, i suol sih a,” tiin.

HABAKKUK 2:16

Ropuina dinga inzaknaasuksip i ni tah a, Nang khawma dâwn la, saruok chu ni el rawh! LALPA kut changtienga no chu i kuomah pêk nîng a ta, I ropuina chunga chun inzakna tirdakum chu um a tih!

NAMBAR 16:38

mei lâknahai chu hieng thilsuol thawtuhaiin thi pha hiela an inhlân a ni sih a. Chuleiin, mâichâm inkhum- na phêk dinga sut ni raw se. LALPA hmaa inhlân an na, chuleiin, an inthieng a nih; chu chu Israel thlahai ta dinga inchikna nîng a tih,” tiin.

MATTHAI 27:25

Chun, vântlâng po po chun, “A thisen chu keini chunga le, kan nauhai chungah um raw se,” tiin an dawn a.