HABAKKUK 1:8 - Pathien Lekhabu Inthieng (BSI)

⁸ An sakawrhai chu keitêhai nêkin an hrât lem a, Zântienga satenehai nêkin ṭi an um lem a nih; An sakawr chung chuongmihai chu chapotakin an inân a; Anih, an sakawr chung chuongmihai chu hlataka inthawkin an hung a, Mupui sa baw vuong angin a vuongin an vuong a.

HABAKKUK 1:8 ပူးပေါင်းရင်းမြစ်များ

JOB LEKHABU (THE BOOK OF JOB) 9:26

Lawnglien hrâthai angin an fe hmang a; Mupui a sa fâk ding chunga a bir ang elin.

ISAI 11:14

Chuongchun, annihai chu thlangtienga Philistin mihai liengkoa chun zuk vuongin zu fûng an ta; khawsak nauhai chu rawk hmunkhat an tih; Edom le Moab mihai chungah an kut thlâk an ta; Ammon thlahai chun an thu awi tâng an tih.

JEREMIA 4:13

Ngai ta, ama chu sûmhai angin a tungin hung a ta, a sakawr tawlai- lîrhai chu thlivir ang nîng an tih, a sakawrhai khawm chu mupuihai nêkin an hrât lem a nih. Ei chung a va rik de! suksietin ei um sih a.

JEREMIA 48:40

“LALPA chun hieng hin a ti sih a: Ngai ta u, mupui angin vuong a ta, Moab chunga chun a thlahai zâr a tih.

JEREMIA 5:6

Chuleiin, ramhnuoia sakeibak- nei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 50:42

Anni chun thalngul le fei an chawi a; an rilo hle a, lunginsietna an nei nawh; an râwlhai chu tuisuoriet angin ân rûm a, sakawr chungahai chun an chuong a; Aw Babulon nau- nu, nangma chunga chun, indonaa mi angin, mi tin chu an intlar a nih.

ṬAP HLA 4:19

Eini mi hnawttuhai chu vâna mupui nêkin an hrât lem a, Tlânghai chunga chun an mi hnawt a, thlalêra chun eini an mîn chân a.

EZEKIEL 17:12

“Sûngkaw hel hmanghai kuoma chun thu hril la, ‘Hieng thilhai hi ieng tina am a na ti in hriet naw maw?’ tiin, hril rawh, ngai ta, Babulon lal chu Jerusalema chun a hung a, chutaka lal le, chutaka lal nauhai chu a ṭhuoi a, ama kuomah Babulona chun a fepui tah a;

EZEKIEL 17:3

Lalpa PATHIEN chun hieng hin a tih a, Mupui ropuitak, thla ropuitak le chang seitakhai nei, hmula sip, ze hran hran nei chu Lebanona chun a hung a, sidar thing zîka chun a hung a;

EZEKIEL 26:11

A sakawrhai ketinhai chun i kawtthlêrhai po po hung chîl a ta; i mihai chu kâwlhnâmin that a ta, i hrâtna bulpui lungphunhai khawm chu hnuoi chungah tlûng an tih.

HOSEA 8:1

Tawtawrâwt chu i hmûrah inbûk rawh; LALPA sûnghai chungah mupui angin a hung ie; Ka thuthlung an bawsiet a, Ka dân an helsan leiin.

NAHUM 2:5

A mi lienhai chu a hrietsuok a, an fe inruol chu an pêm a; kul bang tieng pan chun an inhmawh a, thil phên ding an siem a.

ZEPHANIA 3:3

A sûnga chun a mi ṭhahai chu sakeibaknei inrûm lai ang an na; a rorêltuhai chu zâna sihalhai ang an nih; a zînga chen dingin iengkhawm an hla naw a nih.

MATTHAI 24:28

Khâwlaia khawm saruong umna taphawta chun mulukawlhai khawm um khâwm an tih.

LUKA 17:37

Chun, anni chun a kuomah, “Lalpa, khâwlai am ie?” an tih a, an dawn a. Ama chun an kuomah, “Sa- ruong umna taphawtah mulukawlhai khawm um khâwm an tih,” a ta.

DÂN PAHNINA 28:49

Hlataka inthawk, kâwlkaw- dawnga inthawkin nangni thaw ding hnam LALPAIN mupui bir angin hung tir a ta, an ṭawng khawm in hriet naw hnam;