HABAKKUK 1:7 - Pathien Lekhabu Inthieng (BSI)

⁷ Anni chu ṭium le pangzatumtak an na; Annia inthawk chun an rorêl le inlalna chu a fe suok a.

HABAKKUK 1:7 ပူးပေါင်းရင်းမြစ်များ

ISAI 14:17

khawvêl thlalêr anga siem a, a khaw umhai sukbohmang a, a salhai an in tienga fe dinga insuo ngailo chu,’ tiin, i chanchin la sût an tih.

ISAI 18:2

Thangko hrâttakhai, hnam in- sâng thler thlawr innâmtak kuomah, an suok phuta inthawka tu chena mi ṭiumtakhai kuoma chun fe ro; chu hnam chun ram an sem hlak a, an sir thlûk bawk hlak a, an ram chu vadunghai chun a semdar a nih.

ISAI 18:7

Chu pha chun sipaihai LALPA hming umna hmun Zion tlânga chun, sipaihai LALPA kuoma pêk dingin mi insâng thler thlawr innâmtakhai kuoma inthawkin, an suok phuta inthawka tu chena mi ṭiumtakhai kuoma inthawk chu, lâwmman hung chawi an tih; chu hnam chun ram an sem hlak a, an sir thlûk bawk hlak a, an ram chu vadunghai chun a semdar a nih.

ISAI 47:8

Chuongchun, nang nunkhuo phâm a, ngaisamtaka um a, mâni lungrila, “Keima ka nih, keima naw chu mi dang hrim hrim an um nawh, hmeithaiah ṭhung naw ning a, nauhai chân thu khawm hre bawk naw ning,” titu, hi hi hre rawh;

DANIEL 2:31

Aw lalpa, ngai ta, milim ropuitak el i hmuh a, i en zing a. Chu milim nasatak el le, a varna nasatak el chu i hmaa chun a ngîr a; a hmêl- putzie chu râpthlâktak el a na.

ZEPHANIA 2:15

Hi hi khawpui hlim, fîmkhur lotaka khawsa a, a lungrila, “Kei ka nih, kei naw chu tu dang khawm an um nawh,” titu chu: iengtiziea râusana umin ran ruol riekna hmun a hung ni el am a ni ta leh aw! tukhawm a fe khêl taphawt chun inhlîp an ta, an kut thinkhum an tih.

DÂN PAHNINA 5:19

“În rûk ding a ni nawh.

DÂN PAHNINA 5:27

Nangin va hnai la, LALPA ei Pathienin a hril ding po po chu nang- in kan kuomah hril i ta; chuongchun, lo ngai kan ta kan zâwm ding annâwm,’ in tih a.