GALATI 6:1 - Pathien Lekhabu Inthieng (BSI)

¹ Unauhai, mi suol iengkhawm a thaw laia phâwkin um sien la, nangni thlarau mihai, “Thlemna tuok ve rawi ka tih,” tia invêng ṭha pumin chuong ang mi chu thuhnuoirawl- takin tungding nâwk ro.

GALATI 6:1 ပူးပေါင်းရင်းမြစ်များ

2 SAMUEL 11:2

Chun, zântieng nisa innêma chun hieng hi a hung na, David chu a khuma inthawk chun a tho a, lal in inchunga chun a hang lêng a; chun, inchunga inthawk chun nuhmei pakhat insil lai hi a hei hmuh a, chu nuhmei chu hmêl ṭhatak a nih.

INPÂKNA HLABU 141:5

Mi fel chun mi vaw raw se, lunginsietna nîng a tih; Mi kâwk raw se, lua hriek nâl ang nîng a tih. Ka luin nuom naw naw raw se, An rîtlonahai leiin ka ṭawngṭai pei ding a ni sih a.

EZEKIEL 34:16

A lo inhmang ta chu zawng ka ta, hnawt hmanga lo um ta khawm chu hung ṭhuoikîr nâwk ka tih; sukthlieka um ta chu tuom ka ta, damnawa um khawm chu sukhrât bawk ka tih; a thâu le a hrât chu suksieng ka ta; anni chu rorêlnain châwm ka tih.

MATTHAI 11:29

Ka rîngkawl bât unla, ka kuomah inchûk ro; thuhnuoirawl le lungrila inngaitlâwmtak ka ni hi; chuongchun, in thlarau ta dingin châwlna hmûng in tih.

MATTHAI 26:69

Chun, Peter chu in inhuon sûng tuollaia chun a ṭhung a; chun, nunghâk pakhat a kuomah a hung a, “Nang khawm, Isu, Galili rama mi kuoma um kha i ni hi,” a ta.

MATTHAI 26:75

Chun, Peter chun, Isûn “âr a khuong hmain nangin vawi thum mîn phat i tih,” a ti kha a hung hriet nâwk tah a. Chun, a suok a, a ṭap ta ngâwi ngâwi a.

MATTHAI 9:13

Chuongchun, ‘Inthâwina dit loin lunginsietna ka dit ie,’ ti hi, fe unla, a umzie vân chûk ro; mi fel takhai indawn dinga hung ka ni nawh a, mi suolhai lem indawn dinga hung ka nih in sawnnaw,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:1

Chun, ringnaa hrât naw mi chu, a ringhlana sawisêl loin, lâwm lem ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:1

Chuongchun, eini mi hrâthai hin mâni lâwmna zawng loin mi hrât nawhai hrât nawna ei tuorpui lem ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:6

Thlarau tieng thil dit ruok chu hringna le lungmuongna a nih;

1 KORINTH 10:12

Chuleiin, ngîra inring chu fimkhur raw se; chuong naw chun, tlu rawi a tih.

1 KORINTH 14:37

Tûkhawm thu hriltu amanih, thlarau mi amanih nia ân ngai chun in kuoma thu ka ziek hi Lalpa thupêk a ni ti lo hre raw se.

1 KORINTH 2:15

Thlarau mi ruok chun thil iengkim a hriet chieng hlak, ama hlak chu tûkhawmin an hriet chieng si nawh.

1 KORINTH 3:1

Chun, unauhai, Thlarau mi kuoma hril angin in kuomah thu ka hril thei nawh a, tisa mihai kuoma hril angin ka hril lem kha; Kristaa nautêhai kuoma hril ang elin.

1 KORINTH 4:21

A ieng am in nuom lem? Hmawltum leh am a ni in kuomah ka hung ding, hmangaina le thuhnuoi- rawl lungril putin?

1 KORINTH 7:5

Ṭawngṭai dinga in inpêk theina ding le in inpâwl nâwk theina dingin sâwt nawtê kâr dinga rem in ti ve ve chau naw chun atu tu khawm insukdâwng naw ro, chuong naw chun, in insûm zo naw leiin Setanin thlêm a ti cheu.

2 KORINTH 10:1

Chun, kei Paula, nangni laia in mithmua thuhnuoirawltaka um a, nangni laia umnaw phingleh nangni tieng zuom si hlak ngei hin, Krista zaidamna le nunnêmnain ka ngên cheu.

2 KORINTH 2:7

Chuongchun, hrem nâwkzuol nêk hmanin in ngaidamin, in thla- muon lem ding a nih; chuong naw chun, iengamanih tiin chuong ang mi chu lungngai taluotnain lem zo rawi a tih.

2 KORINTH 2:8

Chuleichun, ama tienga in hmangaina chu sukdet zuol dingin ka ngên cheu a nih.

GALATI 5:23

thuhnuoirawlna dâm, insûm- thei na dâm a ni lem: chuong ang kal zâwngin Dân thupêk hrim a um nawh.

GALATI 6:18

Unauhai, Lalpa Isu Krista lunginsietna in thlarau kuomah um raw se. Amen.

1 THESSALONIKA 4:1

Chuongchun, unauhai, a tâwp taka chun, in um dân ding le Pathien in suklâwm dân ding (tuta in um dân hi) kan kuoma inthawka in lâk ang khan in hau nâwk zuolna dingin Lalpa Isua chun kan ngênin kan infui cheu a nih.

2 THESSALONIKA 3:15

Nisienlakhawm, hmêlma ang chun ngai naw unla, unau angin kâwk lem ro. Lalpa chu in rênga kuomah um raw se.

2 TIMOTHE 2:25

ama do dinga insiemhai chu thuhnuoirawl takin ân chûktir lem ding a nih; chuongchun, sima thutak an hung hriet theina dingin Pathienin hun remchâng a pêk el thei a nih;

HEBRAIHAI 12:13

chun, kebai chu sukpelsawl loa, sukdama a um lemna dingin, in kehai ta dingin lampui tlûnhai siem ro.

HEBRAIHAI 13:3

Intânghai chu anni le khuopa um ve angin hre zing unla; rinum tuorhai chu taksaa um ve bawk in ni leiin hre zing ro.

JAKOB 3:13

Nangni lai tû am vara, thu hre thei a um a? Thuhnuoirawltak le vartakin a thilthawhai a um dân ṭhain inentir raw se.

JAKOB 3:2

Thil tamtaka chun ei rêngin ei suol hlak sih a. Tûkhawm thuhril kawnga a suol naw chun, ama chu puitling a nih, a taksa pum khawm vêng thei mi a nih.

1 PETER 3:15

Amiruokchu, in lungrilah Krista chu Lalah ruot ro; nangnia um in beiseina san chu ân dawn taphawt cheu chu dawn dingin inzosa rawp ro.

1 JOHAN 5:16

Tûkhawmin a unau thina khawp nilo suol thawin hmu sienla, hnipêk a ta, chuongchun, Pathienin a hnitu kuoma chun thina khawp nilo suol thawtuhai ta ding chun hringna pêng a tih. Thina khawp suol a um a; chuong ang tieng chun hnipêk a tih ka ti a ni nawh.