GALATI 5:13 - Pathien Lekhabu Inthieng (BSI)

¹³ Nangni, unauhai, suok ni lo dinga ko in ni sih a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,

GALATI 5:13 ပူးပေါင်းရင်းမြစ်များ

1 PETER 2:16

zalên in nih, nisienlakhawm, in zalênna chu suol inkhumna dinga hmang loin, Pathien suoka umna dingin hmang lem ro.

1 KORINTH 9:19

Tû suok khawm ni naw lang khawm mi tam lem ka lâk lût theina dingin, mi po po suokah kân siem tah.

1 KORINTH 8:9

Nisienlakhawm, fîmkhur ro, chuong naw chun, nuom nuoma in tlat theina hi mi hrâtnawhai ta dingin tlûkna ni rawi a tih.

GALATI 5:14

“Nangma în hmangai angin i vênghai i hmangai ding a nih,” ti thu baukhata hin Dân thu po po chu a famkim tah a ni sih a.

EPHESI 5:21

Krista ṭi dêkin intuklût tuo seng ro.

GALATI 6:2

In rikphurhai chu insâwngtuo ro; chuongchun, Krista dân chu in zâwm nîng a tih.

ISAI 61:1

Mi rimsihai kuoma chanchin ṭha hril dingin LALPAIN hriek a mi nâl leiin, Lalpa PATHIEN thla- rau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

JUDA 1:4

Mi tuhai amanih inrûka lût an um sih a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa nei- sun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.

2 PETER 2:19

Anni chu sietna suok ni pum zingin mihai chu zalênna thu an tiem hlak a; mi chu ama hnetu taphawt suokah a um hlak sih a.

2 KORINTH 4:5

Mâni thu kan hril si nawh a, Krista Isu chu Lalpa a ni kan hril lem hlak, keini khawm Isu leiin suok kan ni kan hril bawk hlak.

THILTHAWHAI 20:35

Iengkim ka thaw taphawt ka thawhmu hlak cheu kha, chuonga sininrim pum le, Lalpa Isu thu hre zing pumin mi hrâtnawhai in ṭhang- pui ding a nih; ama ngeiin, ‘Iengkhat lâk nêkin pêkin lukhâwng a nei lem’, a ti kha,” a ta.

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

LUKA 4:18

“Riengvaihai kuoma Chanchin Ṭha hril dinga a mi ruot leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

GALATI 4:22

Hieng ang hin ziek a ni sih a, “Abrahamin naupasal pahni a nei a, pakhat chu a suoknu leh, pakhat chu a suoknawnu leh.

1 THESSALONIKA 1:3

Ei Pathien le Pa hmaa ringna leia in sin thawzie dâm, hmangaina leia in sin inrimzie dâm, ei Lalpa Isu Krista beisei leia in selzie dâm kha theinghil loa hre zingin.

2 KORINTH 12:15

Kei chu ka nei po po in thlarau ta dingin lâwm takin hmang zo ka ta, kei ngei khawm inhmang zo vawng bawk ka tih. Chuong lâwma ka hmangai si cheu chun in mi hmangai tlâwm lem bîk el ding maw?

2 KORINTH 3:17

Chun, Lalpa chu Thlarau chu a na, Lalpa Thlarau umna taphawta chun zalênna a um hlak.

GALATI 2:4

unau tehlêm, inrûka an iṭhuoi lûthaiin tan luipêk ding tihai sien khawm; chuonghai chun suoka an mi sie theina dingin Krista Isua chun zalênna kan nei hi enthlit dingin inrûkin an lût a.

GALATI 5:1

Suok ni lo dingin Krista chun a mîn suoktir kha; chuongchun, ngir det unla, suok ringkawla chun intâng nâwk ta naw ro.

2 KORINTH 2:8

Chuleichun, ama tienga in hmangaina chu sukdet zuol dingin ka ngên cheu a nih.