GALATI 4:5 - Pathien Lekhabu Inthieng (BSI)

⁵ nau nina ei hmu theina dinga Dân hnuoia umhai chu intlan dingin.

GALATI 4:5 ပူးပေါင်းရင်းမြစ်များ

MATTHAI 20:28

Mihriem Naupa hi rawng- bâwlpêka um dinga hung a ni nawh a, rawngbâwl ding le mi tamtak intlan- na dinga, a hringna pe lem dinga a hung ang hin,” a ta.

LUKA 1:68

“Lalpa Israel Pathien chu, inpâkin um raw se, A mihai chu a hung kan a, intlanna a siempêk a,

JOHAN 1:12

Nisienlakhawm, ama lâwm taphawt chu, an kuomah Pathien nauhai ni theina ding a pêk, a hming ringtuhai chu.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:4

Krista chu ama ringhai po ta dingin felna an hmu theina dinga Dân suktâwpna a ni sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:14

Pathien Thlarau ṭhuoia umhai po chu Pathien nauhai an ni sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15

Ṭia um nâwk dingin suok nina thlarau in hmu a ni si nawh a; nau nina thlarau in hmu lem a nih; chu thlarau zâra chun, “Abba! (Pa)” tiin ei khêk hlak hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:19

Thilsiemhai chun beiseitakin Pathien nauhai hung inlangna chu an nghâkhla hle sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:23

Chu chau khawm chu ni loin, eini, Thlarau rahmasa neituhai ngei khawm hin, nau ei nina (ei taksa intlanna) chu nghâkin, eini meu khawm ei lungrilin ei inrûm sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:4

Israel mi an ni sih a; nau nina dâm, ropuina dâm, thuthlung po po dâm, Dân pêkna dâm, Pathien rawngbâwlna dâm, thutiemhai po po an ta a nih;

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok tah a; (“Thinga khaikâng taphawt chu ṭawngsephur an nih,” ti ziek a ni sih a).

GALATI 3:26

Isu Krista ring leiin Pathien nauhai in ni vawng sih a.

GALATI 4:21

Dân hnuoia um nuomhai, mi hril ta u, Dân thu chu in ngai hlak naw am a nih?

GALATI 4:7

Chuongchun, suok i ni ta nawh a, nau i ni lem; chun, nau i ni chun Pathien zâra rohluotu ding i nih.

EPHESI 1:5

Ama lungdit, a lâwmzâwng angin Isu Krista zârah ama ta dinga naua siem dingin a mi lo ruot lâwk tah a,

EPHESI 1:7

A thisen leiin amaa chun ei intlanna ei nei a nih — a lunginsietna hauzie ang peia ei bawsietnahai ngaidamna chu.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

HEBRAIHAI 1:3

Ama chu a Pathien ropuina var le, a tak angpui ngei leh, ama thil- thawtheina thuah iengkim tungding- tu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 9:12

ei ta dingin chatuona intlanna hmu tain, kêlte le bâwngte thisen lei ni loin, ama thisen lem leiin, Hmun Inthienga chun vawikhatah a lût thleng ta nghâl a.

HEBRAIHAI 9:15

Chun, hi lei hin ama chu thuthlung thar palai chu a nih, thuthlung hmasa hnuoia bawsiet- nahaia inthawk intlanna dingin mi a lo thi ta leiin, koa umhai chun chatuona ro hluo ding chu chang thei an tih.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk sih a, mi fel chun mi fel naw aiin a tuor a, tisaa sukhlumin a um a, thlaraua ruok chun sukhringin a um tah.

THUPUONGSUO 14:3

lalṭhungpha hmaa le, thilhring pali le upahai hmaa chun hla thar ni âwmtak hi an sak a; chun, hnuoia inthawka intlan tah, mi nuoi khat le sîng li le sâng li chau naw khan chu, tûkhawmin chu hla chu an inchûk thei nawh.

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um tah a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,