GALATI 2:11 - Pathien Lekhabu Inthieng (BSI)

¹¹ Chun, Kipha chu Antiokeia a hung laiin demumtaka a um leiin, a hmai san ngeiah ka kal a.

GALATI 2:11 ပူးပေါင်းရင်းမြစ်များ

JEREMIA 1:17

Chuleiin, nang chun i dier kei la, tho la, thu ka pêkhai po po che kha an kuomah hril rawh; annia chun beidawng naw la, chuong naw chun, an hmaa chun sukbeidawng rawi ka ti che.

JONA 1:3

Nisienlakhawm, Jona chu LALPA hmaa inthawka Tarsis-a tlân hmang dingin a tho tah a; chun, Joppa khuoah a zuk feh a, Tarsis khaw pan ding lawng a hmuh a, chuongchun, a chuong man ding chu a pêk a, LALPA hmaa inthawk chun Tarsis pan dinghai le fe dingin lawnga chun a lût thla ve tah a.

JONA 4:9

Pathien chun Jona kuomah, “Ûm chungchâng thua I lunginsen hi i thaw dik am a nih?” a ta. Ama chun, “Thi pha khawp hiela ka lunginsen hi ka thaw dik a nih,” a ta.

NAMBAR 20:12

Chun, LALPAIN Mosie le Aron kuomah, “In mi ring nawh a, Israel thlahai mithmua in mi chawimawi naw leiin, hieng pungkhâwmhai hi ka pêk rama chun ṭhuoi naw ti niu.

MATTHAI 16:23

Ama ruok chu a nghah a, Peter kuoma chun, “Setan, ka hnungah fe rawh, keia ta dingin tlûkna i nih; Pathien thil ngaituo loin mihriem thil i ngaituo lem a ni hi,” a ta.

JOHAN 1:42

Chuongchun, Isu kuomah a hung ṭhuoi a, Isûn ama chu a lo en a, “Johan naupa Simon i nih, Kipha tîng an ti che,” a ta, (chu chu Peter tina a nih.)

THILTHAWHAI 11:19

Chun, Stephan leia an suk- nawmnata indarhai kha, Phoiniki ram dâm, Kupra thlierkâr dâm, Antiokei dâm chenin an feh a, Juda- hai kuoma chau naw chu tu kuoma khawm thu an hril nawh a.

THILTHAWHAI 11:20

Nisienlakhawm, anni laia a ṭhen chu Kupra thlierkâr le Kurinia mihai an na, chuonghai chu Antiokei an tlung chun Grikhai kuoma khawm, Lalpa Isu Chanchin Ṭha an hril ve tah a.

THILTHAWHAI 11:22

chun, an chanchin chu Jerusalema kohran umhai naa chun a hung lût tah a; chuongchun, Antiokei chen chun Barnaba chu an tir suok tah a.

THILTHAWHAI 11:27

Chun, chuong lai chun zâwlnei tuhai amanih Jerusalema inthawkin Antiokeia chun an zu feh a.

THILTHAWHAI 15:1

Chun, mi tuhai amanih Judai rama inthawkin an hung thlah a, “Mosie dân anga ser in intantir naw chun sandam ni thei naw ti niu,” tiin unauhai chu an inchûktir a.

THILTHAWHAI 15:5

Nisienlakhawm, Pharisai pâwl, ring ve tuhai amanih an tho a, “Jentailhai ser tan ding a nih. Mosie dân zâwm khawm anni chu tiem kher ding a nih,” an ta.

2 KORINTH 11:5

Chu tirko lien takhai chu ieng kawnga khawm ka tluk naw ka ring naw a nih.

2 KORINTH 12:11

Ka lo invêt a ni ta tie: nangniin invêt lo thei loin in mi siem a nih; kei chu nangni mi chawimawi ding ka nih in sawnnaw, iengkhawm ni naw lang khawm ieng kawnga khawm tirko lientakhai chu ka tluk naw si nawh a.

2 KORINTH 5:16

Chuleichun, tuta chena hin, keini chun tisa tienga chun tûkhawm hre ta naw ning ungah; tisa tiengah Krista chu lo hre ta inlang khawm, tuhin chu kan hriet nâwk ta nawh.

GALATI 1:18

Chun, kum thum ân vawi hnungin Kipha kan dingin Jerusa- lemah ka hang feh a, a kuomah ni sâwmpanga ka châm a.

GALATI 2:14

Nisienlakhawm, Chanchin Ṭha thutak angin an um fel nawh ti ka hrietin, Kipha kuomah, an rênga hmaah, “Nang Juda mi ni siin, Juda anga um loin Jentail angin i um a. Iengtiziea Jentailhai chu Judahai anga în umluitir hlak am a na?” ka tih a.

GALATI 2:5

Nisienlakhawm, Chanchin Ṭha thutak chu in kuoma a um zing theina dingin, dârkâr khat khawm intuklûtin an thu ka zâwm nawh a.

GALATI 2:7

chuong nêk hmanin Sertanhai Chanchin Ṭha Peter kuoma inkawl- tira a um angin, Sertannawhai Chanchin Ṭha ka kuomah inkawl- tirin a um ti an hriet a.

GALATI 2:9

Lunginsietna a mi pêk chu an hrietin, Jakob hai, Kipha hai, Johan hai, bana an iruothai chun, keini Jentailhai laia fe ding le, anni po sertanhai kuoma fe dingin kei le Barnaba chu inpâwlna kut chang- tieng an mi pêk ta lem hman a.

1 TIMOTHE 5:20

Thil suksuoltuhai chu mi po po hmaah kâwk rawh; mi dang khawma an ṭi ve theina dingin.

JAKOB 3:2

Thil tamtaka chun ei rêngin ei suol hlak sih a. Tûkhawm thuhril kawnga a suol naw chun, ama chu puitling a nih, a taksa pum khawm vêng thei mi a nih.

JUDA 1:3

Dittakhai, ei ichang tlâng san- damna thu in kuoma ziek ka tum hrâm laiin, mi inthienghai kuoma ringna ṭum khata inkawltira um ta chu hum dinga ṭhahnemngai taka thaw dinga infui ding cheuin, in kuomah lekha ziek a ṭul ti ka lo hriet a.