GALATI 1:4 - Pathien Lekhabu Inthieng (BSI)

⁴ ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pe tah a;

GALATI 1:4 ပူးပေါင်းရင်းမြစ်များ

INPÂKNA HLABU 40:8

Aw ka Pathien, i dit zâwng thaw hi ka lâwm zâwng tak a nih: Anih, i dân thu chu ka lungril- ah a um zing ie,” ka ta.

ISAI 65:17

Ngai ta u, vân tharhai le hnuoi thar ka siem a ni hi; kha hmaa thilhai chu hriet zingin um ta naw nih a; lungrila khawm lût ta bawk naw ni.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra loin a um hlak.

MATTHAI 20:28

Mihriem Naupa hi rawng- bâwlpêka um dinga hung a ni nawh a, rawngbâwl ding le mi tamtak intlan- na dinga, a hringna pe lem dinga a hung ang hin,” a ta.

MATTHAI 26:28

hi hi ka thisen, suolhai ngai- damna dinga mi tamtak ta dinga suok ding, thuthlungna chu a nih

MATTHAI 26:42

Chun, vawi hninaah a va feh a, a ṭawngṭai nâwk a, “Aw Pa, ka dâwn loa hi no hin a mi khêl thei lul naw chun, nangma thu thu ni raw se,” a ta.

MATTHAI 6:9

“Chuongchun, nangni chu hieng ang hin ṭawngṭai ro: Kan Pa vâna mi, I hming inzaum raw se, I ram hung tlung raw se.

MARKA 10:45

Mihriem Naupa meu khawm rawngbâwlpêka um dinga hung a ni nawh a, mi tamtak intlanna dinga a hringna pe ding lema hung a ni sih a,” a ta.

LUKA 22:19

Chun, bei a lâk a, lâwmthu a hril zoin, a khawi a, an kuomah a pêk a, “Hi hi ka taksa [in aia pêk chu a nih; in mi hriet zingna dingin hi hi thaw hlak ro,” a ta.

LUKA 22:42

“Pa, rem i ti chun, hi no hi ka kuoma inthawkin la hmang rawh; nisienlakhawm, keia thu ni loin, nangma thu thu ni lem raw se,” a ta.

JOHAN 10:11

Kei bêram vêngtu ṭha chu ka nih; berâm vêngtu ṭha chun berâmhai ta dingin a hringna a pêk hlak.

JOHAN 12:31

Tuhin hi khawvêl hi ngaituo lai a nih; tuhin hi khawvêl lal hi pei suok nîng a tih.

JOHAN 5:30

“Keia khâtin iengkhawm ka thaw thei nawh; naa ka hriet ang peiin ro ka rêl hlak; ka rorêl chu indiktak a nih, keia thu thuin um ka tum nawh a, a mi tirtu thu thua um ka tum lem hlak leiin.

JOHAN 6:38

Mâni nuom zâwng thaw dinga vâna inthawka hung ka ni nawh a, a mi tirtu dit zâwng thaw dinga hung ṭum ka ni lem.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:7

Rom khuoa Pathien idittakhai, mi inthieng ni dinga kohai po po kuomah; Pathien ei Pa le Lalpa Isu Kristaa inthawka lunginsietna le inremna in kuomah um raw se.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:25

Chu Isu chu ei suolna leiin inmantirin a um a, thiem ei changna dingin keithoin a um bawk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:27

Chun, Pathien dit zâwng ang peiin mi inthienghai chu a ṭawngṭai pêk hlak leiin, lungrilhai entu chun Thlarau dit zâwng chu a hriet hlak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât nawh a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla loa, ei rênga aia petu chun, thil dang po po khawm a thlâwnin a mi pêk sa naw ding am a nih?

1 KORINTH 15:3

A hmasatakin, ka ihmu ve bawk chu ka hril sâwng cheu kha; khânga Krista chu Pathien Lekha thu hril ang peia ei suolhai leia a thi a,

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel tah a.

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta nawh a, Krista chu keimaah a hring lem a nih; chun, tuta tisaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

GALATI 6:14

Kei ruok chun ei Lalpa Isu Krista kraws naw chu ka suong naw ding zie chu, chu zâra chun khawvêl hi ka ta dinga hemdein a um tah, kei khawm khawvêl ta dinga hemdein ka um a nih.

EPHESI 1:11

Ama ditzâwnga remruot ang peia iengkim thawtu tum anga ruot lâwk ni tain, amaa bawk chun a ro dinga siem kan nih,

EPHESI 2:2

chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

EPHESI 5:16

Nihai hi a ṭhat naw leiin remchângnahai inchaw pei ro.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

EPHESI 6:12

Ei ibuonhai hi tisa le thisen an ni si nawh a; inlalnahai le thuneina- hai le, hi inthim chunga khawvêl rorêltuhai le, vân hmunhaia thlarau suol umhai chu an ni lem.

PHILIPPI 4:20

Ei Pathien le ei Pa kuoma chun kumkhuoin ropuina chu um raw se. Amen.

1 THESSALONIKA 1:3

Ei Pathien le Pa hmaa ringna leia in sin thawzie dâm, hmangaina leia in sin inrimzie dâm, ei Lalpa Isu Krista beisei leia in selzie dâm kha theinghil loa hre zingin.

1 THESSALONIKA 3:11

Chuongchun, ei Pathien le ei Pa ngei chun, ei Lalpa Isu khawmin nangni kuom tiengah mi ṭhuoi raw se.

1 THESSALONIKA 3:13

chuongchun, ei Lalpa Isu, a mi inthienghai po po le a hung pha, ei Pathien le ei Pa hmaah in lungrilhai inthiengna kawngah sawisêlboin sukdet thei a ti cheu.

2 THESSALONIKA 2:16

Chuongchun, ei Lalpa Isu Krista ngei le, Pathien ei Pa, a mi hmangaitu le lunginsietna leia cha- tuona thlamuongna le beiseina ṭha mi petu chun,

1 TIMOTHE 2:6

mi po po intlanna dinga inpe chu a nih; chu chu a hun tak peia inhriettirin a um ding a nih;

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

HEBRAIHAI 2:5

Khawvêl la hung um ding, a chanchin ei hril chu vântirkohai hnuoia chu a sie nawh,

HEBRAIHAI 6:5

Pathien thu ṭha le hun la hung um dinga thilthawtheina intem ta zeta,

HEBRAIHAI 9:14

Krista, chatuona Thlarau hmêl- hem loa Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuol- hai chun sukdamin in um tah a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk sih a, mi fel chun mi fel naw aiin a tuor a, tisaa sukhlumin a um a, thlaraua ruok chun sukhringin a um tah.

1 JOHAN 2:2

Ama chu ei suolhai thupha- chawina a nih; eini suol chau ni loin, khawvêl po po suol thuphachawina khawm a nih.

1 JOHAN 3:16

Hitaka hin hmangaina chu ieng am a ni ei hriet, ama chun ei ta dingin a hringna a pêk ta leiin, eini khawmin unauhai ta dingin ei hring- na ei pêk ve ding a nih.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um tah a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,

THUPUONGSUO 7:9

Chu hnunga chun ka hang en a, chun, ngai ta, mipui nasatak tû- khawm itiem sêng naw, hnam tin laia mi dâm, chi tin laia mi dâm, mi tin laia mi dâm, ṭawng tin laia mi dâm puon vâr sila, tûm kâu chawiin, lalṭhungpha hma le Berâmte hmaa ngîr ka hmuh a;