EZRA 6:3 - Pathien Lekhabu Inthieng (BSI)

³ “Lal Kura inlal kum khatnaa chun, lal Kura chun thupêk a siem a; ‘Jerusalema Pathien in chungthua hin, in chu bâwl ni sienla, inthâwi- nahai an inhlânna hmun chu; chun, chu lungphûmhai khawm chu det- taka phûm ni nghe nghe raw se; chun, ân sângzie chu tawng sâwmruk, a khangtieng chu tawng sâwmruk bawk nîng a ta;

EZRA 6:3 ပူးပေါင်းရင်းမြစ်များ

2 CHANCHIN SUINA 2:3

Chun, Solomon chun Tura lal Huram kuoma chun mi a tir a, “Ka pa David kha i lo ngaisak a, a umna dinga in bâwlna dingin sidar thinghai i lo thawn ang bawk khan, kei khawm mi hung thawn ve rawh.

2 CHANCHIN SUINA 2:6

Amiruokchu, vân le vânhai vân khawm chun ama chu a dâwl nawh ti hmuin tuin am ama ta ding chun in bâwl thei a ta? Ama hmaa riminhnik rawna ding ti chau naw chu, ama ta dingin in ka hang bâwlpêk chu, a tu ang am ka ni hrim a?

2 CHANCHIN SUINA 36:22

Persia lal Kura inlal kum khat- naa chun, Jeremia baua LALPA thu sukfamkim a ni theina dingin, Persia lal Kura lungril chu LALPA chun a chawktho a, thuphuong a ram sûng po poa chun a siem a, zieka ziek khawmin a sie bawk a,

EZRA 1:1

Persia lal Kura inlal kum khatna chun, Jeremia baua LALPA thu- hril chu a hung tlung theina dingin LALPA chun Persia lal Kura lungril chu a chawktho tah a, chuongchun, a ram po poa chun thu inhriettirna a siem a, a zieka ziek khawmin a sie bawk a,

EZRA 1:2

“Persia lal Kura chun hieng ang hin a hril, ‘Leihnuoia ram po pohai chu LALPA vâna Pathien chun a mi pêk a; Juda rama Jerusalema chun a ta dinga in bâwl dingin a mi phût bawk a nih.

EZRA 3:7

Lung sut mihai le themthiemhai kuoma chun sum an pêk a; chun, Persia lal Kuraa inthawka phalna an nei ang peiin, Lebanona inthawka tuisuorieta Joppa chena Sidar thing- hai an hung lâkna dingin, Zidon mihai le Tura mihai kuoma chun bu le dâwn ding le hriek dâm an pêk bawk a.

EZRA 6:14

Chu, zâwlnei Haggai le Iddo naupa Zekaria hril ang ngeiin Juda upahai chun an bâwlin an hlawtling ta ngei a, Israel Pathien thupêk ang le Persia lal Artazerzia le Daria le Kura thupêk ang ngei chun an bâwl a, an zo tah a.

INPÂKNA HLABU 122:4

LALPA hming inpâk dingin, Chutaka chun hnamhai chu an hang fe hlak, LALPA hnamhai chu, Israelhai kuoma thuinhriettirna dingin.

THUPUONGSUO 21:16

Khuo chu inbiel vêlin a um a, a dungtieng chu a khangtieng chen a nih; khuo chu luong chun ân khih a, fîng sîng khat le sâng hni a nih. A dungtieng le a khangtieng le ân sângtieng chu ân ang a nih.