EZRA 6:10 - Pathien Lekhabu Inthieng (BSI)

¹⁰ vân Pathien kuoma riminhnik inthâwinahai an inhlân thei a, lal le a naupasalhai an dam sâwt theina ding khawma an ṭawngṭaipêk theina dingin.

EZRA 6:10 ပူးပေါင်းရင်းမြစ်များ

INṬANNA 8:21

Chun, LALPAIN riminhnik chu a hriet a; chun, LALPA chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol sih a; tuta ka hrem ang hin thilsiem hringna nei tinrêng chu hrem nâwk ta naw bawk ka tih.

EZRA 1:2

“Persia lal Kura chun hieng ang hin a hril, ‘Leihnuoia ram po pohai chu LALPA vâna Pathien chun a mi pêk a; Juda rama Jerusalema chun a ta dinga in bâwl dingin a mi phût bawk a nih.

EZRA 6:9

Chun, an pawimaw ang taphawt- in, vân Pathien ta dinga pumraw- hmang thilinhlân dinga bâwngchal tuoi ni leh, berâmchal ni leh, berâm- tehai ni leh, Jerusalema um thiem- puhai thu ang peiin, bu dâm, chi dâm, uoin dâm, hriek dâm insam hlek loa ni tin tina pêk ni raw se;

EZRA 7:23

Vân Pathienin a iphût ang taphawt el chu, vân Pathien in ta ding chun thaw tei ni raw se; ieng- dingin am lal le a naupahai ram chunga hin a lunginsenna chu um a ta?

FESUOKNA 12:32

In ti ta angin in bâwng ruolhai le in berâm ruolhai chu ṭhuoi unla, fe vak ro khai; chun, kei khawm mal mi sâwmpêk bawk unla,” a tih a.

JEREMIA 29:7

Chun, sala intâng dinga kân ṭhuoihmangtirna cheu khawpuia inremna chu zawng unla, chu chu LALPA kuoma chun hni ro; chutaka inremna lei chun muongna in nei ding a ni sih a.

DANIEL 2:46

Chun, lal Nebukadnezzar chu a bawkkhup a, Daniel chu chibai a bûk a, ama kuoma chun riminhnikhai le inthâwina inhlân dingin thu a pêk tah a.

LEVI DÂN 1:13

a sûnghai le a kehai ruok chu tuiin sâwp a ta, a pumin thiempu chun inhlân a ta, mâichâma chun a raw ding a nih; LALPA ta dinga riminhniktak, mei hmanga pumraw- hmang thilinhlân a nih.

LEVI DÂN 1:9

a sûnghai le a kehai ruok chu tuiin sâwp an ta; thiempu chun LALPA ta dinga rim inhniktak, mei hmanga thilinhlân pumrawhmang thilinhlân dingin a pum chun mâi- châma chun a raw ding a nih.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.