EZRA 5:12 - Pathien Lekhabu Inthieng (BSI)

¹² Nisienlakhawm, chu hnunga chun kan thlatuhai chun vân Pathien chu an lo suklungsen a, ama chun Kaldai mi, Babulon lal, Nebukadnez- zar, hi in hi suksea, mihai chu Babulon tienga ṭhuoi sâwngtu kuta chun a pêk tah a.

EZRA 5:12 ပူးပေါင်းရင်းမြစ်များ

2 LALHAI 24:2

Chun, LALPAIN Kaldai pâwlhai, Suria pâwlhai, Moab pâwlhai, Ammon thla pâwlhai ama thaw dingin a tir suok tah a; a siehlaw zâwlneihai hmanga a hril LALPA thu anga Juda ram chu insuksiettir dingin.

2 LALHAI 25:1

Chun, ân lal kum kuo kum, thla sâwmna, ni sâwm ni takin Babulon lal Nebukadnezzar chun a sipaihai po po leh Jerusalem khuo chu an hang thawh a, umhmun an hang khuor a; chun, kulin an inhuol vêl tah a.

2 CHANCHIN SUINA 36:20

Kâwlhnâma inthawka lo suok tahai chu Babulon tieng a ṭhuoi a; Persia ram rorêl a ni chen khan anni chu a nauhai le ama siehlawhai an na;

INPÂKNA HLABU 106:40

Chuleiin, LALPA lung chu a mihai chungah ân thawk a, A rochan chu a tirdak tah a.

ISAI 47:6

Ka mihai chungah ka lunginsen a, ka rochan chu ka sukpawrcheh a, i kutah pêng ka ti cheh a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

JEREMIA 5:29

Hieng thilhai lei hin ka hung hrem naw ding am a nih? LALPA chun a tih; hnam hieng ang chunga hin ka thlarau chun phuba a lâk naw ding am a nih?

JEREMIA 51:59

A rorêl a kum li kuma, Juda lal Zedekia le Babulona an hang fe laia, Maaseia naupa Neria, chu naupa Seraia kuoma zâwlnei Jeremia thupêk thuhai chu. Tun Seraia chu khawtlâng hotu lien tak a na.

JEREMIA 52:12

Chun, thla nganaa, chu thla ni sâwm ni chun, chu chu Babulon lal Nebukadnezzar inlal kum sâwm- pakuona a nih; vêngtu hotu Nebuza- radan lal hmaa ngîr hlak chu Jerusalema chun a hung a,

DANIEL 9:5

kan lo suol tah a, indiklotakin kan lo thaw tah a; khawhlotakin kan lo thaw tah a, kan lo hel tah a; i rorêlnahai le thupêkhaia inthawka lo inher hmangin;

DÂN PAHNINA 31:17

Chu pha chun an chungah ka lung chawk a ta, nghatsan ka ta, inbîksan ka tih, bohmang an ta, thil ṭha naw le lunginzîngna tamtak an chungah tlung a tih; chuongchun, chu ni chun, ‘Ei Pathien eini lai a um naw leiin hieng thil ṭha naw ei chungah a hung tlung a ni naw am a nih?’ tîng an tih,

DÂN PAHNINA 32:30

Iengtin am pakhatin sâng hnawt a ta, Pahniin sîng intlânsiettir an ta, An Lungpuiin anni a zawr a, LALPAIN anni ân hlân a ni si naw chun?

RORELTUHAI 2:14

Chuongchun, LALPA chu Israelhai chungah a lunginsen tah a; anni rawk hlaktuhai kuta chun a pêk tâwl tah a; an hmêlma an kâwl vêla umhai kuoma chun a zawr a: chuong- chun, an hmêlmahai chu an dang zo ta nawh a.

RORELTUHAI 4:2

Chuongchun, Hazor khaw ṭhuttu Kanaan ram lal Jabin kuoma chun LALPAIN anni chu a zawr tah a, chu mipa sipai hotu tak chu Sisera a nih a, Jentailhai ram Haroseth-a um a nih.

RORELTUHAI 6:1

Israel thlahai chun LALPA mit- hmuah thil suol an thawh a; chuleiin, LALPAIN Midianhai kutah kum sari ân umtir a.