EZRA 4:24 - Pathien Lekhabu Inthieng (BSI)

²⁴ Chuongchun, Jerusalema um, Pathien in sinthaw chu a lo tâwp tah a; Persia lal Daria rorêl kum hnina chen chun châwlsan a ni tah a.

EZRA 4:24 ပူးပေါင်းရင်းမြစ်များ

EZRA 3:8

Chun, Jerusalema Pathien ina an hung chin a kum hninaa, thla hninaa chun, Sealtiel naupa Zerub- babel le, Jozadak naupa Jesua le an unau dang thiempuhai le, Levi mihai le, sala intâng suoka Jerusalema hung po pohai chun an ṭan a; Levi mihai chu kum sâwmhnia upa le a chung tieng pohai chu LALPA ina sinthawna chu enkawl dingin an ruot tah a.

EZRA 4:23

Chun, lal Artazerzia lekha chu Rehum le, lekhaziektu Simsai le, an ruolhai hmaa tiem a ni phing chun, inhmâwtakin Judahai kuomah Jeru- salema chun an feh a, thilthawtheina le thawluinain anni chu an suktâwp tah a.

EZRA 4:5

an thiltum chu khap dingin an chunga rorêltuhai, Persia lal Kura dam sûng le, Persia lal Daria rorêl chen khan an ruoi tah a.

EZRA 5:1

Chun, zâwlneihai, Haggai le Iddo naupa Zekaria chun Juda ram le Jerusalema Juda umhai kuoma chun thu an hrillâwk a; Israel Pathien hmingin a nih anni chun thu an hrillâwk chu.

EZRA 5:5

Nisienlakhawm, an Pathien mit chu Juda upahai chunga chun a fuh a, chu thu chu Daria kuom a tlung a, a chungthua dawnna lekha chu a hung tlung hmakhat chun anni chu an suktâwp ta nawh a.

EZRA 6:1

Chun, lal Daria chun thupêk a siem a, Babulona ro siekhâwmna, lekhabu ina chun zawng a ni tah a.

EZRA 6:14

Chu, zâwlnei Haggai le Iddo naupa Zekaria hril ang ngeiin Juda upahai chun an bâwlin an hlawtling ta ngei a, Israel Pathien thupêk ang le Persia lal Artazerzia le Daria le Kura thupêk ang ngei chun an bâwl a, an zo tah a.

EZRA 6:15

Chun, hi in hi lal Daria rorêl kum rukna, Adar thla ni thum ni chun zo a ni tah a.

NEHEMIA 6:3

Kei chun an kuomah, “Sin ropui- tak ka thawh a, ka hung thla thei nawh, ieng dingin am in kuoma ka hung thlâk kârin sin chu châwl el a ta?” tiin mi ka tir a.

NEHEMIA 6:9

“An sinthaw chu an puitling thei nawna dingin an kuthai chu suk- sietin um a tih,” tiha mi hrilṭi nuom ruok an nih. Chuongchun, aw Pathien, ka kuthai hi mi hung suk- hrâtpêk rawh aw.

JOB LEKHABU (THE BOOK OF JOB) 20:5

Mi rilohai hnêna chu a tâwi hlak a, Pathien ngaisak lohai hlimna khawm chu mitkhapkâr chau a ni hlak ti hi?

DANIEL 11:2

“Chun, tuhin thudik chu inentir ka ti che. Ngai ta, Persiaa hin lal pathum la hung ngîrsuok an ta; a palina chu anni po po nêk chun nasatakin hausa lem a tih: chun, a hausakna leia a hung hrât chun, Grik ram do dingin mi po po chawktho a tih.

DANIEL 9:25

Chuleiin, hre la, hrethiem rawh, Jerusalem khuo bâwl ding le siem thar dinga thupêk hung suoka inthawk Messie, Lal Naupa chen chu hapta sari le, hapta sâwmruk pahni nîng a ta, a kawtthlêr le a banghai chu siem nîng a tih, hun buoithlâk- taka khawm chun.

HAGGAI 1:1

Lal Daria inlal kum hnina, thla ruknaa, chu thla ni khat nia chun, zâwlnei Haggai hmangin Sealtiel naupa Zerubbabel, Juda ram rorêltu le Jehozadak naupa Josua, thiempu laltak kuoma chun LALPA thu chu a hung tlung a.

HAGGAI 1:15

Daria inlal kum hnina, a thla rukna, ni sâwmhni pali ni chun.

HAGGAI 2:15

Chuleiin, tuhin ka ngên cheu hi, vawisûna inthawk hi hnung chen khawm, LALPA biekina lung chunga lung intieng a ni hma hun kha ngai- tuo ro;

HAGGAI 2:18

“Ka ngên cheu hi, vawisûna in- thawka hi hnungtieng po po ngaituo ro; thla kuona, ni sâwmhni pali ni, LALPA biekin lungphûm phûm ni china inthawk chu ngaituo ro.

ZEKARIA 1:1

Daria inlal kum hnina a thla rietnaah, Iddo naupa, Berekia naupa zâwlnei Zekaria kuomah LALPA thu chu a hung tlung a:

1 THESSALONIKA 2:18

in kuomah hung kan tum tlat sih a; kei Paula ngei khawm hin vawi hni rau hung ka tum nghe nghe tah a; nisienlakhawm, Setanin a mi hluo hlak a nih.