EZRA 3:5 - Pathien Lekhabu Inthieng (BSI)

⁵ chu hnunga chun pumrawhmang thilinhlân châmchi le, thla thara suk- thieng ta po pohai le, mi tinin LALPA kuoma mâni nuomthua inhâwktaka thilinhlânna dâm an nei tah a.

EZRA 3:5 ပူးပေါင်းရင်းမြစ်များ

2 CHANCHIN SUINA 31:14

Chun, saktieng dâi kawtkhâr vêngtu Levi mi Imna naupa Kore chu thil inthiengtakhai le, LALPA kuoma thilpêkhai chu sem dinga, Pathien kuoma mâni nuomthua thilinhlânhai chunga hotu a nih.

EZRA 3:6

thla sarina ni khat nia chun LALPA kuoma pumrawhmang thilin- hlânhai chu an inhlân ṭan a; ami- ruokchu, LALPA biekin lungphûm chu phûm a la ni hri nawh a.

NEHEMIA 10:34

Kan pi le puhai sûngkuo ang peia kum tina hunbi ruota Dân bu ziek anga, LALPA kan Pathien mâichâma raw ding thing inhlân kan Pathien ina inkhâwmtu ding hrietna dingin thiempuhai leh, Levi mihai leh, mipuihai leh ai kan sân a;

JEREMIA 33:18

thiempu Levi mihai chun ka hmaa pumrawhmang thilinhlânhai, bu thilinhlânhai, châmchia inthâwi- na inhlân dingin mi tlasam bawk naw ni hai,” tiin.

LEVI DÂN 1:2

“Israel thlahai chu hril la, an kuomah, ‘Nangni laia tukhawmin thilinhlân LALPA kuoma in inhlânin, ran, bâwng ruol le berâm ruol laia mi, in inhlân ding a nih.

LEVI DÂN 1:3

“A thilinhlân chu bâwng ruol laia mi, pumrawhmang thilinhlân a ni chun a chal, demkailo ân hlân ding a nih: ama chu LALPA hmaa pawm a ni theina dingin intuokna puon in kawt- khâr bula chun ân hlân ding a nih.

LEVI DÂN 23:2

“Israel thlahai chu be la, an kuomah, ‘LALPA ruoiṭhe hunbi, in- khâwmpui inthienga in siem ding ka ruoiṭhe hunbi chu hienghai hi an nih.

NAMBAR 28:14

Chun, an dâwnmi thilinhlân chu bâwngchal pakhatah uoin hin chenve nîng a tih; berâmchal pakhat- ah hin hmun thuma ṭhea hmun khat, berâmte pakhatah hin hmun lia ṭhea hmun khat; hi hi kum tluona thla tina pumrawhmang thilinhlân chu a nih.

NAMBAR 28:19

meia thilinhlân pumrawhmang thilinhlân ruok chu LALPA kuomah in inhlân ding a nih; bâwngchal tuoi pahni le berâmchal pakhat le berâmte a chal kum khat mi pasari, demkailo a ni ngei ding a nih;

NAMBAR 28:27

LALPA ta dinga riminhnik inhlân ruok chu in inhlân ding a nih; bâwngchal tuoi pahni, berâmchal pakhat, berâmte a chal kum khat mi pasari;

NAMBAR 29:13

chun, LALPA ta dinga rimin- hnika meia thilinhlân, pumraw- hmang thilinhlân in inhlân ding a nih, bâwngchal tuoi sâwmpathum, berâmchal pahni, berâmte a chal kum khat mi sâwmpali; demkailo an ni ngei ding a nih;

NAMBAR 29:2

LALPA ta dinga riminhnika pumrawhmang thilinhlân inhlân in ta; bâwngchal tuoi pakhat, berâm- chal pakhat, berâmte a chal kum khat mi demkailo pasari,

NAMBAR 29:39

In thutiem dâm, nuomthua thilinhlân dâm, in pumrawhmang thilinhlân dâm, in beiphit thilinhlân dâm, in dâwnmi thilinhlân dâm, in inremna thilinhlân dâm bâka chun hieng hi in hunbi ruoiṭhe nei niin LALPA kuomah in inhlân ding a nih,’ ti rawh,” tiin.

NAMBAR 29:8

LALPA ta dinga thilinhlân riminhnik ruok chu in inhlân ding a nih; bâwngchal pakhat, berâmchal pakhat, berâmte a chal kum khat mi pasari, demkailo an ni ngei ding a nih;

DÂN PAHNINA 12:17

In ina chun sâwma pakhat, in bu dâm, in uoin dâm, in hriek dâm le in ran ruol le berâm ruol laia pieng hmasa takhai, in thutiema mi dâm, in nuomthua thilinhlânhai dâm, in thên thilinhlânhai chu fa thei naw ti niu a.

DÂN PAHNINA 12:6

Chutaka chun in pumrawhmang thilinhlânhai, in inthâwinahai, in sâwma pakhat dâm, in thên thilin- hlânhai dâm, in thutiem dâm, in nuomthua thilinhlânhai dâm, in ran ruol le in berâm ruol laia pieng hmasa takhai in hung lâk ding a nih.