EZRA 10:1 - Pathien Lekhabu Inthieng (BSI)

¹ Ezra chu a ṭawngṭai a, thupha a chawi a, Pathien in tuola bawkkhupa a ṭap a ṭap sûng chun, pasal le nuhmei le naupang mipui nasatak el Israel mihai laia mi chu an hung inkhâwm ta ṭeu el a; mipuihai chu nasatakin an ṭap an ṭap el sih a.

EZRA 10:1 ပူးပေါင်းရင်းမြစ်များ

1 LALHAI 8:30

Chun, i siehlaw le i mi Israelhai hin hi hmun tieng nghaa an ṭawngṭai pha chun an hninahai chu lo ngaipêk hlak la, anih, i chêngna hmun vâna inthawk chun lo ngai la; chun, lo ngaiin ngaidam la.

1 LALHAI 9:3

Chun, LALPA chun a kuomah, “I ṭawngṭaina le i hnina ka hmaa i hung intlunhai kha ka lo ngai a, hi in i bâwl hi kumkhuoa ka hming inumtirna dingin ka sukthieng tah; ka mit le ka lungril chu chutaka chun kumkhuoin um tâng a tih.

2 CHANCHIN SUINA 20:13

Chuongchun, Juda mihai po po chu LALPA hmaa chun an nauhai leh an nuhmeihai le an nautêhai rawi le chun an ngîr a.

2 CHANCHIN SUINA 20:9

‘Thil ṭha naw dâm, kâwlhnâm dâm, rorêlna dâm, hri amanih, ṭâm amanih kan chungah a hung tlung chun nangma hmaa le hi in hmaa hin ngîr kan ta, (i hming chu hi ina hin a um sih a,) kan rimsiknaa chun nang hung ko kan ti cheh a, nang chun mi lo sandam i tih,’ tiin.

EZRA 10:6

Chun, Ezra chu Pathien in tuola chu a tho a, Eliasib naupa Jehohanan pindana chun a va fe tah a; chun, chutaka a va fe khawm chun, bei a fâk nawh a, tui khawm a dâwn bawk nawh a; sal intâng suokhai bawsiet- na lei chun nasatakin a lungngai sih a.

NEHEMIA 1:4

Chuong thu chu ka hriet chun ka ṭhung chawt a, ka ṭap a; ni ieng zât amani chu lungngaiin ka um a; chun, bu ka nghei a, vân Pathien hmaa chun ka ṭawngṭai a;

NEHEMIA 1:6

Israel thlahai suolna, i chunga kan suolna thupha ka chawi sûng hin i na lo sit la; i mit lo meng la, i siehlaw ṭawngṭaina, i kuoma a sûn a zâna i siehlaw Israel thlahai ka ngênpêkna hi lo ngaithlapêk la; kei le ka pa sûnghai chu kan lo suol ta sih a.

NEHEMIA 10:28

Chun, mi dang, thiempuhai, Levi mihai, kawtkhâr vêngtuhai, hla- saktuhai, Nethinim mihai le Pathien Dân zâwm tuma chuong rama mihaia inthawka insiekienghai po po, an nuhmeihai, an naupasalhai, an nau- nuhmeihai, hrietna le hrietthiemna neihai taphawt chun,

NEHEMIA 8:9

Chun, ram awptu Nehemia le thiempu le lekhaziektu ni fâwm Ezra le mipuihai inchûktirtu Levi mihai chun mipui po po kuoma chun, “Vawisûn ni hi LALPA in Pathien ta dinga ni inthieng a nih; lungriemin thlâk naw sienla cheu, ṭap khawm ṭap bawk naw ro,” an tih a. Dân thu chu an hrietin mipui po po chu an ṭap an ṭap el sih a.

INPÂKNA HLABU 119:136

Ka mitthli hi vadung tui angin a luong thlah a, I dân an zâwm naw leiin.

INPÂKNA HLABU 32:5

Ka suolna chu i kuomah ka phuong a, Ka rîtlona chu ka ip ta nawh a, “Ka bawsietna chu LALPA kuomah thupha châwi tâng ka tih,” ka tih a; Chuongchun, ka suol rîtlona chu i lo ngaidam ta kha.

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; LALPA berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

DANIEL 9:20

Chun, ṭawngṭaia, ka suolna le ka mi Israelhai suolna chu thupha- chawia, ka Pathien tlâng inthieng ta dinga ka Pathien LALPA hmaa ka hninahai kân tluna, ka ṭawng lai zing chun,

HOSEA 14:2

Thu chawi pumin LALPA kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

MATTHAI 3:6

an suolhai thupha chawiin Jordan vadungah ama kuomah Baptisma an chang tâwl a.

LUKA 19:41

Chun, a tlung ding ṭepin, khuo chu a hmuh a, a ṭap nghah a,

THILTHAWHAI 10:30

Chun, Korneli chun, “Ni li a ni tah, tu phâ ang chen hin, ka inah, chawhnung inher ṭawngṭainaah ka ṭawngṭai a; chun, ngai ta, mi pakhat puon vârtak silin ka hmaah a hung ngîr a,

THILTHAWHAI 21:5

Nisienlakhawm, chuong ni zoa chun kan suok a, kan fe tah a, unauhai chun an rêngin, an nuhmei an nauhai leh khaw kâwl chenin an mi vân thlah a; chun, tuisuoriet panga chun kan dingṭhaṭhuon a, kan ṭawngṭai a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:2

ka lungrila hin rinumna nasatak le lungngaina bo thei naw ka nei in sawnnaw.

DÂN PAHNINA 31:12

Mipuihai, nuhmei, pasal, in nau le tehai, in umpui ram dang mihai, anni chun an ngai a, an inchûk a, LALPA an Pathien chu an ṭi a, hi dân thu po po hi fîmkhurtaka an zâwm theina dingin;

JOSUA 7:6

Josua chun a puonhai a keithlêr a, ama le Israel upahai chu LALPA bâwm hmaa chun an hmaia hnuoi sikin zântieng chenin an bawkkhup a; an luah pilvut an inphul a.

JOSUA 8:35

Mosie thupêk ang po po chu Israel pungkhâwm po pohai le nu- hmeihai le naupang chite tehai le anni laia hnam dang chêng vehai hrieta chun Josua chun tiem ṭhel hrim hrim a nei nawh.