EZRA 1:7 - Pathien Lekhabu Inthieng (BSI)

⁷ Lal Kura khawm chun LALPA ina bûr le bêlhai, Nebukadnezzarin Jerusalema inthawka a hung lâk a, a pathien ina a siehai chu a hung lâk suok a.

EZRA 1:7 ပူးပေါင်းရင်းမြစ်များ

2 LALHAI 24:13

Chun, LALPA hril ang khan, LALPA ina ro po po le lal ina ro po po chu a lâk suok a, LALPA biek ina Israel lal Solomonin rângkachak bûr le bêl a siemhai po po chu a sâtnawi vawng a.

2 CHANCHIN SUINA 36:10

Chun, kum hung inlet nâwka chun Nebukadnezzar chun mi a tir a, ama chu Babulonah, LALPA ina bûr le bêl ṭhahai le chun an hung ṭhuoi a, a unaupa Zedekia chu Juda le Jerusalem chunga chun lalah a siem tah a.

2 CHANCHIN SUINA 36:18

Pathien ina bûr le bêlhai, a lien le chînhai khawm, LALPA ina ro siekhâwlhai, lal ina ro siekhâwlhai le, a hotuhai tahai chen khawm chun Babulon tieng a lâk vawng a.

2 CHANCHIN SUINA 36:7

Nebukadnezzar chun LALPA ina bûr le bêlhai khawm chu Babulon tieng a phur hmang a, Babulona biekina chun a sie tâwl a.

EZRA 5:14

Chun, rângkachak le tangka- raw bûr le bêlhai Nebukadnezzarin Jerusalem biekina inthawka a lâk a, Babulon biekina a hung lâkhai chu, chuonghai ngei chu lal Kura chun Babulon biekina inthawk chun a lâk suok a, mi pakhat a hming Sesbazzar, amain rorêltua a siem ngei kuoma chun chuong chu a pêk a nih;

EZRA 6:5

Chun, Pathien ina rângkachak le tangkaraw bûr le bêl Jerusalema um biekina inthawka Nebukadnezzarin a lâk suok a, Babulona a lâkhai kha pêkkîr nâwk ni sienla, Jerusalema um biekinah an hmun sengah hung lâk nâwk nîng a ta; chun, Pathien ina chun sieng i tih,’ tiin.

JEREMIA 51:44

Babulona Bêl chu hrem ka tih; a ilem tahai khawm chu a baua in- thawkin hung la suokpêk ka tih; chuongchun, hnamhai chu ama kuoma chun luong hmunkhat ta ngai naw ni hai a, anih, Babulon kulbang chu chim a tih.

DANIEL 1:2

Chun, Juda lal Jehoiakim chu Pathien ina bûr le bêl ṭhenkhat leh Lalpa chun ama kuta chun a pêk tah a; Sinar rama a pathien ina chun a lâk a, chuong bûr le bêlhai chu a pa- thien sum ina chun a hung lâk tah a.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn tah a; chun, tangka dâm, rângkachak dâm, dârsen dâm, thîr dâm, thing dâm, lung dâm pathien- hai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po umna chu i chawi- mawi nawh a,