EZRA 1:2 - Pathien Lekhabu Inthieng (BSI)

² “Persia lal Kura chun hieng ang hin a hril, ‘Leihnuoia ram po pohai chu LALPA vâna Pathien chun a mi pêk a; Juda rama Jerusalema chun a ta dinga in bâwl dingin a mi phût bawk a nih.

EZRA 1:2 ပူးပေါင်းရင်းမြစ်များ

1 LALHAI 8:27

Nisienlakhawm, Pathien chu hnuoia hin a um ngût ding am chu? Ngai ta, vân le vânhai vâna khawm i keng naw a na, hi ka in bâwla lem hin chu i vân leng naw nasa âwm ngei de!

2 CHANCHIN SUINA 2:12

Huram bawk chun, “LALPA Israelhai Pathien, hnuoi le vân siem- tu lal David kuoma naupasal vartak hrietthiemna le thlierthiemna nei mi, LALPA ta ding le a lal ram ta dinga in bâwltu ding petu chu inpâkin um raw se.

EZRA 1:5

Chun, Juda le Benjamin pahnam luhai le thiempuhai le, Levi mihai, Jerusalema um LALPA in bâwl dinga hang fe dinga Pathienin an lungril a chawkthohai taphawt chu an tho tah a.

EZRA 3:7

Lung sut mihai le themthiemhai kuoma chun sum an pêk a; chun, Persia lal Kuraa inthawka phalna an nei ang peiin, Lebanona inthawka tuisuorieta Joppa chena Sidar thing- hai an hung lâkna dingin, Zidon mihai le Tura mihai kuoma chun bu le dâwn ding le hriek dâm an pêk bawk a.

EZRA 4:3

Nisienlakhawm, Zerubbabel le Jesua le Israel pahnam upa danghai chun an kuomah, “Kan Pathien ta dinga in bâwl dingin keini le hin iengkhawm thaw ding in nei nawh; Persia lal Kurain keini thu a mi pêk angin, Israelhai Pathien, LALPA ta dinga in chu keini khât ngeiin bâwl lem kan tih,” an tih a.

EZRA 5:15

ama kuoma chun, Hieng bûr le bêlhai hi la la, fe la, Jerusalema um biekina chun sie rawh; chun, Pathien in chu a hmun ngaia ngei bâwl ni raw se, a tih a.

EZRA 6:10

vân Pathien kuoma riminhnik inthâwinahai an inhlân thei a, lal le a naupasalhai an dam sâwt theina ding khawma an ṭawngṭaipêk theina dingin.

EZRA 6:3

“Lal Kura inlal kum khatnaa chun, lal Kura chun thupêk a siem a; ‘Jerusalema Pathien in chungthua hin, in chu bâwl ni sienla, inthâwi- nahai an inhlânna hmun chu; chun, chu lungphûmhai khawm chu det- taka phûm ni nghe nghe raw se; chun, ân sângzie chu tawng sâwmruk, a khangtieng chu tawng sâwmruk bawk nîng a ta;

EZRA 7:12

“Lalhai lal, Artazerzia chun, thiempu Ezra, vâna Pathien dân ziektu Ezra kuomah muongna kim um raw se.

NEHEMIA 1:4

Chuong thu chu ka hriet chun ka ṭhung chawt a, ka ṭap a; ni ieng zât amani chu lungngaiin ka um a; chun, bu ka nghei a, vân Pathien hmaa chun ka ṭawngṭai a;

NEHEMIA 1:5

“Aw LALPA, vân Pathien, Pathien ropui le ṭium, nangma hma- ngaia i thupêk pawmtuhai chunga thuthlung hlena lunginsietna suk- langtu,

INPÂKNA HLABU 136:26

Aw, vân Pathien kuoma chun lâwmthu hril ro: A ngilneina chu kumkhaw- tluongin a um ding a ni sih a.

INPÂKNA HLABU 85:2

I mihai rîtlona i ngaidam a, An suolna po po chu în khum zo tah.

THUVARHAI 21:1

Lal lungril chu tui luong ruomhai angin LALPA kuta chun a um a, Ama nuomna tieng tieng a hêm hlak.

ISAI 41:2

Khawsaka inthawkin mi pakhat, felna leia a ke bula a iko chu, tuin am a keihar a? ama chun hnam tin a hmaah a pêk a, lalhai chungah ro ân rêltir a, anni chu pilvut angin a kâwl- hnâm kuomah a pêk a, busi thli imût lêng angin a thalngul kuomah a pêk bawk a.

ISAI 44:26

mâni siehlaw thu sukdet a, mâni palaihai remruot sukmuol- suotu, Jerusalem chungchâng thua, ‘Chutaka chun mi um nâwk an tih,’ titu le, Juda ram khawpuihai chung- châng thua, ‘Siemin um nâwk tâwl an ta, a sietna laihai chu siem ṭha nâwk ka tih,’ titu,

ISAI 44:28

Kura chungchâng thua, ‘Ama chu ka berâm vêngtu a nih, Jeru- salem chungchâng thua, siemin um nâwk a tih, ti le, Pathien biekin kuoma, I lungphûm chu remin um nâwk a tih, ti hiel khawpin ka dit zâwng po po chu thâwng a tih,’ titu ka nih,” tiin.

ISAI 45:1

LALPA chun a hriek nâl, Kura, hnamhai chu a hmaa tukdawl ding le, lalhai kâwngkhi chu sûtpêk ding le, a hmaa kawtkhârhai hawng- pêk ding le, kul kawtkhârhai khâr loa inumtirtu ding, a kut changtienga ka ichel kuoma chun hieng ang hin a tih,

ISAI 66:1

LALPA chun hieng ang hin a tih, “Vân ka ṭhungpha a na, hnuoi ka ke innghatna a nih; in ieng ang am in mi bâwlpêk ding a na? Khâwlai hmun am a na ka châwlna ding chu?

JEREMIA 10:11

Hieng hin an kuoma chun hril i tih: hnuoi le vânhai siemtu ni lo pathienhai chu, chuonghai chu vân- khuphnuoia inthawk le leihnuoia inthawk chun bohmang an tih.

JEREMIA 27:5

ka bân phar le ka thilthawtheina nasatak chun hnuoi phêk chunga ramsahai le mihriem le leihnuoi chu ka siem a; chun, ka ngaia pêk ding âwm kuoma chun ka pêk tah a.

JEREMIA 29:10

LALPA chun hieng hin a ti sih a; Babulona intâng kum sâwmsari a tling hnunga chun, hung sir ka ti cheu a, hi hmuna inkîrtir ding cheuin in kuoma chun ka thu tiem chu hlen ka tih.

DANIEL 1:21

Chun, Daniel lem chu Kura inlal kum khatna chenin a um zing tah a.

DANIEL 2:21

Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 2:28

amiruokchu, vânah Pathien, thurûkhai phuongtu chu a um a, ama chun lal Nebukadnezzar chu ni nuhnunga thil um dinghai chu ân hriettir a nih. I mang le i khum chunga i lua i thil hmulâwkhai chu hienghi an nih:

DANIEL 4:25

chuongchun, mihriem laia in- thawka hnawt hmang nîng i ta, i chêngna chu rama ramsahai lai nîng a tih; chun, bâwngchalhai anga hlo- bet infâktir nîng i ta, vâna inthawka dâidâw chun sukhu ni bawk i tih; chun, hun sarihai chu i chunga chun fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chu.

DANIEL 4:32

Chun, mihriemhai laia in- thawka hnawt hmang nîng i ta, i chêngna ding chu rama ramsahai lai nîng a tih; bâwngchal anga hlobet infâktir nîng i ta; chun, hun sarihai chu i chungah fe liem a tih; mi- hriemhai ram chunga hin Achung- hnungtak chun ro a rêl a, a nuom nuom kuomah a pêk hlak ti i hriet hmakhat chun,” a hung tih a.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn tah a; chun, tangka dâm, rângkachak dâm, dârsen dâm, thîr dâm, thing dâm, lung dâm pathien- hai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po umna chu i chawi- mawi nawh a,

DANIEL 6:25

Chun, lal Daria chun hnuoi chung po poa chêng mi po po le ṭawng tinrênghai kuoma chun lekha a ziek tah a, “In kuomah inremna sukpung- in um raw se.

JONA 1:9

Ama chun an kuomah, “Hebrai mi ka na, tuisuoriet le khawmuol siemtu LALPA, vân Pathien chu ka ṭi a nih,” a ta.