ESTHER 5:2 - Pathien Lekhabu Inthieng (BSI)

² Chun, lalnu Esther chu tuollaia ngîr a hmu chun, a mithmua chun ditsakna a hlaw tah a; chuongchun, lal chun rângkachak hmawl a kuta a chawi chu Esther kuoma chun a lâk kâng tah a. Chuongchun, Esther chu a hung hnai a, rângkachak hmawl hmawr chu a them tah a.

ESTHER 5:2 ပူးပေါင်းရင်းမြစ်များ

ESTHER 8:4

Chun, lal chun rângkachak hmawl chu Esther kuoma chun a lâk kâng a.

ESTHER 4:11

“Tukhawm, nuhmei ni sien, pasal ni sien khawm, ko ni si loa, lal tuollai sûnghnung lema hung lût ta ding chun, ama chu hring a tih, tia lalin a rângkachak hmawl chu a lo lâk kâng si naw chun dân pakhat chau, ama chu that ngei nîng a tih, ti dân hi a um a nih ti lal siehlawhai po po le, lal rambunga mihai po po chun an hriet chieng hleh a; nisienlakhawm, kei chu hieng ni sâwmthum sûng hin lal kuoma lût dinga koin ka um dêr nawh a,” tiin.

THUVARHAI 21:1

Lal lungril chu tui luong ruomhai angin LALPA kuta chun a um a, Ama nuomna tieng tieng a hêm hlak.

THILTHAWHAI 10:4

Chun, Korneli chun ama chu a lo en zing a, a ṭih a, “Lalpa, ieng am a na?” a ta. Chun, ama chun a kuomah, “I ṭawngṭainahai le i thil pêk thuhai kha hriet zing dingin Pathien hmaah a hang tlung tah.

THILTHAWHAI 7:10

A rinum tuor po poah a san suok pei a, Aigupta ram lal Pharao khawm ân lunginsiettir a, mi vartak a ni ti ân hriettir bawk a. Chuongchun, ama chun Aigupta ram le a ina mi po po chungah hotuin a siem tah a.

INPÂKNA HLABU 116:1

LALPA chu ka hmangai a nih, ka râwl le Lunginsiet ka hninahai chu a ngai leiin.

ESTHER 2:9

Chu nunghâk chun ama chu a suklâwm a, a lungsietna chu a hlaw tah a; lal chun incheimawina hmang- ruohai le a fâk ding chanpuol chu lal ina mi nunghâk thlang suok pasari leh inhmawtakin a pêk a; nuhmeihai in hmun ṭhatna taka chun ama le a nunghâkhai chu a sie tah a.

NEHEMIA 1:11

Aw LALPA, lunginsiettakin i siehlaw ṭawngṭaina le i hming ṭi lâwm zâwnga nei, i siehlawhai ṭawngṭainaa hin i na lo sit ta; chun, vawisûn hin i siehlaw hi mîn hlawtlingtir la, hi mi mithmua hin lunginsiettakin zângaina indawngtir rawh,” ka tih a. Kei chu lal no inhlântu ka ni sih a.

INṬANNA 32:28

Chun, mi chun, “I hming chu Jakob ti ta naw ni hai a, Israel ti lem tâng an ti che; Pathien le mihriem i thawh a, i hne ta sih a,” a tih a.