EPHESI 5:3 - Pathien Lekhabu Inthieng (BSI)

³ Nisienlakhawm, mi inthienghai thawa mawi âwm tak hrimin, inditna le inthiengnawna po po, duamna leh nangni laiah a sâma sâm khawmin um naw raw se;

EPHESI 5:3 ပူးပေါင်းရင်းမြစ်များ

INPÂKNA HLABU 10:3

Mi rilo chun a lungril thil dit zâwng chu a suong hlak a. Mi duâm chun LALPA chu a peithlâk a, a hmusit hlak.

INPÂKNA HLABU 119:36

I thuinhriettir tienga chun ka lungril hi inthlêktir la, Duâmna tiengah ni loin.

FESUOKNA 18:21

Chunawa khawm mipui laia inthawk mi thei thei, Pathien ṭi mi, mi indikhai, hlêpna felnaw theida mihai thlang suok la, anni chu sâng khat chunga rorêltu, za khat chunga rorêltu, sâwmnga chunga rorêltu, sâwm chunga rorêltuhai ni dingin sie rawh.

FESUOKNA 20:17

I vênghai in în hnar ding a ni nawh; i vênghai nuhmei amanih, a siehlawpa amanih, a siehlawnu amanih, a bâwngchal amanih, a sabengtung amanih, i vênghai thil nei hrim hrim chu în hnar ding a ni nawh,” tiin.

FESUOKNA 23:13

I kuoma ka hril ta po po hi pawisa la, pathien danghai hming hrim chu lam naw la, i baua inthawkin hriet khawm ni bawk naw raw se.

THUVARHAI 28:16

Lal naupa hrietthiemna tlasam hi nêksâwrtu nasatak a na, Hlâwkna indiklo theidatu ruok chun a nihai suksei a tih.

JEREMIA 22:17

Amiruokchu, nanga mithai le i lungril chu inhnarna le, mi thiem thisen insuona ding le, nêksâwrna ding le, thawluina ding le, chu chu thawnaa ding chau naw chu thil dang ding a ni nawh a.

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia in- thawka thiempuhai chen khawmin, mi tin el chun indik lotakin an thawh a.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka in- thawka a lien tak chenin, inîtthîk- nain an sip sih a; zâwlneia inthawk thiempu chenin indik lotakin an thaw bawk a.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si loin; an bau chun nasatakin hmangaina an inlangtir a, amiruok- chu, an lungrilhai chun an hlâwkna chu a hnawt sih a.

LEVI DÂN 15:18

Chun, nuhmei a zâlpui a, chi ân suo chun, an pahni chun an insil ve ve ding a nih: zântieng chenin inthieng naw nîng an tih.

MIKA 2:2

Mi lohai an inhnar a, an lâkpêk a, inhai an inhnar a, an lâk el bawk a; mi le an sûnghai, mi le an ro chenin an hnuoisieh a.

NAMBAR 25:1

Chuongchun, Israelhai chu Sittima an um lai chun, Moab naunuhmeihai an pâwl tah a;

MATTHAI 15:19

Lungrila hin ngaituona suolhai, tuolthatna hai, uiretna hai, inditna hai, inrûkna hai, inhêkna hai, hrilsietna hai a hung suok hlak sih a.

LUKA 12:15

Chun, an kuomah, “Fimkhur unla, inhnarna hrim hrima inthawk chun invêng ro, sum hau hi mihriem dam san a ni nawh,” a ta.

LUKA 16:14

Chun, Pharisai tangka ngaina- tuhai chun chuong thu chu an hriet a, an nuisan a.

THILTHAWHAI 15:20

milim biekna thil inthiengnaw fâk dâm, indit dâm, sa râkhlum le thisen fâk dâm bân dingin an kuomah ziek lem inla ka ti tak a nih.

THILTHAWHAI 20:33

Tu tangkahai, rângkachakhai, silfênhai khawm kân hnar ngai naw kha.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:29

chuongchun, rîtlona tinrêng dâm, suolna tinrêng dâm, inhnarna tinrêng dâm, lungril ṭhat nawna tinrêng dâmin an hung sip tah a; îtsîkna dâm, tuolthatna dâm, inhalna dâm, inhlêmna dâm, lungril setak dâma sip an na; inberu hmanghai,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:2

Lalpa hminga mi inthienghai ang bawka in lo lâwmna ding le, in ṭhangpui a ngaina poa in ṭhangpui theina dingin. Ama ngei khawm hi mi tamtak ṭhangpuitu a lo ni hlak a, kei ngei khawm a m i ṭhangpui a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:13

In taksa pênghai khawm fel nawna hriemhrei dingin suolna kuomah pe phal bawk naw ro; nisienlakhawm, mithi laia inthawka hring nâwk angin Pathien kuomah inpe unla, in taksa pênghai khawm chu felna hriemhrei dingin Pathien kuomah pe phal lem ro.

1 KORINTH 10:8

Anni laia mi ṭhenkhatin nu- nghâk an dit a, ni khata sîng hni le sâng thumin an tlûkhlum pha ang khan, in dit ve nâwng ei tiu.

1 KORINTH 5:1

Nangni lai indit a um ti ân thang veng vung a nih, chuong ang indit chu Jentailhai lai hmana um ngai lo, nangni laia mi pakhatin mâni pa nuhmei a nei kha.

1 KORINTH 6:13

Fâk dinghai chu phîng ta ding a na, phîng chu fâk dinghai ta ding a nih; nisienlakhawm, Pathienin sukbo ve vêng a tih. Chun, taksa hi inditna ding a ni nawh a, Lalpa ta ding a ni lem: Lalpa khawm chu taksa ta ding a nih.

1 KORINTH 6:18

Indit hi tlânsan ro. Mihriem isuksuol tinrêng hi taksa puotiengah a nih; mi dithmang ruok chun ama taksa chungah a suksuol a nih.

2 KORINTH 12:21

ka hung nâwk pha ka Pathienin nangni lai mi sukmuolpho nâwkin, kha hmaa thil suksuoltuhai lai thil inthiengnaw thaw dâm, indit dâm, hur dâm, chînga sim si lo mi tamtakhai chu ṭa rawi ka tih, ti kân lau in sawnnaw.

EPHESI 5:12

inrûka an thil thaw hlakhai chu a hril khawm inzak a um sih a.

EPHESI 5:5

Indithmang le mi inthiengnaw le mi duâm hrim hrim chu, (mi duâm chu milim betu a nih), Krista le Pathien rama chun chan hrim an nei nawh ti in hriet hle sih a.

PHILIPPI 1:27

Iengkhawm ni sienla, in um dân chu Krista Chanchin Ṭha leh inmawi phawt raw se. Chuongchun, nangni hung kan inla cheu khawm, in kuomah um naw lang khawm, thla- rau hmunkhata ngîr tlatin, lungril hmunkhata Chanchin Ṭha ringna thu ṭana thâtak sangin in um ti in chanchin lo hre thei ka tih.

KOLOSSA 3:5

Chuongchun, nangnia um hnuoi tieng thilhai chu sukhlum ro, inditna dâm, inthieng nawna dâm, hurna dâm, châkna suol dâm, duâmna dâm hi, duâmna chu milim biekna a ni sih a.

1 THESSALONIKA 4:3

Pathien dit zâwng, in inthiengna ding chu, hi hi a nih, indit bânsan unla;

1 THESSALONIKA 4:7

Pathienin inthieng naw dingin a mi ko si nawh a, inthieng dingin a mi ko lem a nih.

1 TIMOTHE 2:10

Amiruokchu, nuhmei Pathien ngaisak intihai chu inphu tâwkin thil thaw ṭhatin inchei hai sien ka nuom.

1 TIMOTHE 3:3

uoin inrui hmang naw, mi vuo hmang naw, mi nunnêmtak ni lem ding, mi kâwmaw ni lo, tangka sum ngaina naw mi,

1 TIMOTHE 6:10

Tangka sum ngainat hi suol tinrêng bul a ni sih a; chu chu ṭhenkhatin an inhnar a, ringna chu an fe hmang san a, anni le anni lungngaina tamtakin an insun tlang ta nghuon a.

2 TIMOTHE 3:2

Mi mâni inhmangaitu dâm, tang- ka ngainatu dâm, intivei dâm, chapo dâm, Pathien hrilsetu dâm, nu le pa thuawi naw dâm, lâwm nachâng hre naw dâm, inthieng naw dâm,

TITA 1:11

Chuonghai bau chu huppêk ding a nih, hlêpna inthieng naw dit leia thu inchûktir naw ding inchûk- tirin, mihai a sûng sûngin an chawk khawhlo hlak sih a.

TITA 1:7

Kohran hotu chu Pathien sum enkawltu a ni leiin sawisêlbo a ni ding a nih; mi kâwmaw, lunginrawm, uoin inrui hmang, mi vaw hmang, hlêpna inthieng nawa mi duâm a ni ding a ni nawh.

TITA 2:3

Pitarhai khawm chu an um dân hrima Pathien inza mihai, hêktuhai le uoin he mihai ni lo a, thil ṭha tieng inchûktirtuhai an hung ni a,

HEBRAIHAI 12:16

indit hmang amanih, Esau anga Pathien inza naw mi amanih um rawi an tih. Ama chun a nau lutir nina chu bu vawikhat fâkin a zawr a.

JOSUA 7:21

râllâk laia mi Babulon ram puon ṭhatak le, tangka shekel za hni le, rângkachak tlang shekel sâwmnga bûk ka hmuh a, kân hnar êm a, ka lâk el a nih; chun, ngai ta, ka puon in sûngah hnuoiah thuphmang a na, tangka chu chu hnuoia chun a um,” a tih a.

1 PETER 5:2

Nangni laia Pathien Pâwlhai chu enkawl ro. Thaw ding a ni lei ni loin, Pathien thu anga inhâwk pum lemin, hlêpna tirdakum dit lei ni loin, lungrila inhâwktak lemin,

2 PETER 2:10

châkna inthieng naw kawnga tisa anga um le, rorêlpêkna hmusit- tuhai lem lem chu rorêl nia dingin hrem puma khêk dân a hriet nâwk zuol a nih. Invêthuoi le kâwmaw an na, ropuinahai an hrilsiet khawmin an inthin ngai nawh.

2 PETER 2:14

mit uirea sip, suol bân thei naw- hai an nei a; mi det nawhai an thlêm thlûk a; inhnar hmang lungril an put a; ṭawngsephur nauhai an nih.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong nawh a, an bohmangna hlak a ininnghil bawk nawh.

THUPUONGSUO 2:14

Nisienlakhawm, tlâwmtêin demna che ka nei, khataka Balaam inchûktirna thu pawm tuhai amanih in umpui lei khan, ama chun milim biekna sa an fâkna ding le, an inditna dingin Balak chu Israel thlahai hmaah tlûkna sie ân chûktir kha.

THUPUONGSUO 2:21

Simna dingin a kuomah hun bi ka tuk a, nisienlakhawm, mi dit a chîng chu a sim nuom nawh.

THUPUONGSUO 21:8

Amiruokchu, mi dawi dâm, awi- naw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.

THUPUONGSUO 9:21

An tuolthathai khawm, an dawi hmanghai khawm, an indithai khawm, an inrûkhai khawm an sim chuong nawh.

1 SAMUEL 8:3

Nisienlakhawm, a nauhai chun a umdân chu an lâk ve nawh a, sum le pai tieng an hnawt a, thamnahai an lâk a, indik nawtakin ro an rêl a.