EPHESI 5:17 - Pathien Lekhabu Inthieng (BSI)

¹⁷ Chuleichun, invêt nuom naw unla, Lalpa ditzâwng ieng am a na ti lo hre lem ro.

EPHESI 5:17 ပူးပေါင်းရင်းမြစ်များ

JOB LEKHABU (THE BOOK OF JOB) 28:28

Chun, mihriem kuoma chun, ‘Ngai ta, Lalpa ṭi chu, varna a nih; Suola inthawka fe hmang chu hrietthiemna a ni bawk a,’ a ta,” tiin

INPÂKNA HLABU 111:10

LALPA ṭina chu varna bul a na, Chuong anga thaw taphawthai chun hrietthiemna ṭha an nei a. Ama inpâkna chu kumkhaw- tluonga um ding a nih.

INPÂKNA HLABU 119:27

I thununna kawng chu mîn hrietthiemtir la, Chuongchun, i thilmak thaw thuhai chu ngaituong ka tih.

THUVARHAI 14:8

Mi var varna chu a lampui hrietthiem chu a na, Mi invêt invêtna ruok chu khêlthu chu a nih.

THUVARHAI 2:5

LALPA ṭitna chu hung hre tâng i ta, Pathien hrietna chu hmu suok tâng i tih.

THUVARHAI 23:23

Thutak chu inchaw la, zawr ta naw rawh, Anih, varna dâm, inchûktirna dâm le hrietthiemna dâm khawm chu.

JEREMIA 4:22

“Ka mihai an invêt a, an mi hriet si nawh a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

JOHAN 7:17

Tûkhawm ama dit zâwng thaw nuom chun, thu inchûktir hi Pathien suksuok am a ni, keia phuokfâwma ka hril, hrieng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

EPHESI 5:15

Chuongchun, mi varnawhai anga um loin, mi varhai anga um lemin, in um dânah fîmkhur ro.

DÂN PAHNINA 4:6

Chuongchun, pawm unla zâwm ro; chu tak chu, hieng dân po po hi hre a, ‘Hi hnam ropuitak hi mi vartak le thil hre mi tak an ni phawt el,’ titu hnamhai mithmua chun in varna le thil hre mi in nina nîng a tih.

KOLOSSA 1:9

Chuleichun, Thlarau tieng varna le hriet theina po poa a dit zâwng hrietnaa chun in hung sip theina dingin, kan hriet nia inthawk chu keini khawma ṭawngṭai le hnipêk cheu kan ma nawh a.

KOLOSSA 4:5

Remchângna inchaw peiin puo- tienga mihai lai chun vartakin um ro.

1 THESSALONIKA 5:18

iengkimah lâwmthu hril rawp ro; chu chu nangni tieng thuah Krista Isua chun Pathien dit zâwng a ni sih a.

1 PETER 4:2

Chuongchun, hi hnunga tisaa in la um sûng po chu mihriem châk- nahai tienga um ta loin, Pathien dit zâwng tieng um tâng in tih.