EPHESI 4:9 - Pathien Lekhabu Inthieng (BSI)

⁹ (Chuongchun, “A hang fe,” ti hi, hnuoi hmun inhnuoitakahai a hung ṭum zet naw chun iengtin am ning a ta?

EPHESI 4:9 ပူးပေါင်းရင်းမြစ်များ

INṬANNA 11:5

Chun, LALPA chu mihriem nauhaiin khawpui le in insâng an siem vêl chu en dingin a zu ṭum a.

INPÂKNA HLABU 139:15

Arûka siema ka um a, Hnuoi hmun inhnuoitaka mawi- taka siema ka um lai khan, Ka rurêl chu i kuomah thupin a um nawh a,

INPÂKNA HLABU 63:9

Ka hringna sukbo tuma zawngtuhai ruok chu, Hnuoi hmun hnuoi hnungahai chun lût an tih.

INPÂKNA HLABU 8:5

Ama chu Pathien nêka inhnuoi deu chauin i siem a, Ropuina le chawimawina în khumtir sih a.

FESUOKNA 19:20

LALPA chu Sinai tlâng chung- ah, tlâng sîpa chun a hung ṭum a: chun, Mosie chu tlânga chun a zuk ko a, Mosie chu a hang fe tah a.

THUVARHAI 30:4

Tu am vâna chun a hang lâwnin a hung ṭum leh? Tuin am a kuttum sûngah thli chu a siekhâwl hlak a? Tuin am a silfênin tuihai chu a ting hlak a? Tuin am hnuoi kil tâwphai po po chu a tungding a? A hming ieng am a na, a naupa hming khawm ieng am a na, i hriet am?”

ISAI 44:23

Aw vânhai, hlimtakin hla sak ro, LALPAIN chu chu a thaw ta sih a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: LALPA chun Jakobhai chu ân tlan tah a, Israelhaia chun ân chawimawi ding a ni sih a.

EZEKIEL 31:14

a tâwpa chun tuihai kâwla thinghai po po chun an insâng leiin anni le anni inchawimawi ta ngai naw ni hai a, a kâubuk satak laia chun an lêrzîk khawm chu sie ta bawk naw ni hai a, tui dâwn ta po po chu, an thilthawtheihai chu an in- sâng ang chun ngîr ta naw bawk an tih; vânsama fe thla tahai, mihriem nauhai laia chun, leihnuoi hnuoi tienga chun anni chu thina kuoma pêk an ni ta sih a.

MATTHAI 12:40

Jona chu ni thum le zân thum ngapui phîng sûnga a um ang khan, Mihriem Naupa hi ni thum le zân thum hnuoi khur sûngah a um bawk ding a nih.

JOHAN 20:17

Chun, Isûn a kuomah, “Mi chel naw rawh, tu chen khawmin Pa kuomah ka la hang fe nawh; amiruokchu, ka unauhai kuomah va fe la, an kuomah, ‘Ka pa, in Pa, Ka Pathien, in Pathien kuomah ka lâwn ding a nih,’ a tih, va ti rawh,” a ta.

JOHAN 3:13

Vânah tukhawm an lâwn ngai nawh, vâna inthawka hung ṭum Mihriem Naupa chau naw hi chu.

JOHAN 6:33

Pathien bei chu vâna inthawka hung ṭuma, khawvêl kuoma hringna petu hi a nih,” a ta.

JOHAN 6:38

Mâni nuom zâwng thaw dinga vâna inthawka hung ka ni nawh a, a mi tirtu dit zâwng thaw dinga hung ṭum ka ni lem.

JOHAN 6:41

Chun, “Vâna inthawka bei hung ṭum chu ka nih,” a ti leiin, Judahai chu a chungah an chier a.

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

JOHAN 6:58

Hi hi vâna inthawka bei hung ṭum chu a nih, chi thlatuhaiin bei an fâk ang kha a ni nawh, anni chun an fâka, an thi tah a; tûkhawm hi bei hi fa chu chatuonin hring zing a tih,” a ta.

JOHAN 6:62

Mihriem Naupa hi inhmaa a umna ngaia hang lâwna in hmu chun ieng am lâwng in ta?

JOHAN 8:14

Isûn an kuomah, “Mâni thu in- hriettir lang khawm ka thu inhriettir ân dik a nih; keiin ka hung suokna le ka fena ding chin khawm ka hriet a; nangni chun chu ka hung suokna le ka fena ding chin khawm in hriet si nawh.

HEBRAIHAI 2:7

Ama chu vântirkohai nêka inhnuoiin i siem hrih a, Ropuina le chawimawina în khumtir a, I kutsuok chungahai chun hotuah i siem bawk a;

HEBRAIHAI 2:9

Nisienlakhawm, Isu vântirkohai nêka inhnuoia siema la um hri chu thina tuor leia ropuina le chawi- mawina inkhumtira umin ei hmu ta lem a nih; Pathien lunginsietna leia thîna chu mi tin ân tempêkna dingin.