EPHESI 4:31 - Pathien Lekhabu Inthieng (BSI)

³¹ Khâkna dâm, lunginsenna dâm, inngâwkna dâm, hrângna dâm, hrilsietna dâm po po bânsanin um raw se, suolna po po leh.

EPHESI 4:31 ပူးပေါင်းရင်းမြစ်များ

INṬANNA 27:41

Chun, a pain mal a sâwmna lei chun Esau chun Jakob chu a theida tah a. Esau chun a lungrilin, “Ka pa sûn ni ding chu a hnai tah a, chu pha chun ka sang Jakob chu that el ka tih,” a tih a.

INṬANNA 37:21

Reuben ruok chun chu chu a lo hrietin an kuta inthawk chun a sansuok a, “A that êm chu that nâwng ei tiu,” a tih a.

INṬANNA 37:4

An pa chun ama chu a uhai po po nêkin a hmangai lem ti a unauhaiin an hriet chun ama chu an theida ta hleh a, ṭawngbau ṭha hrim a chungah an rawl thei ta nawh a.

INṬANNA 4:8

Kaina chun a sang Abel kuomah, “Thaw ta, lo tieng va fêng ei tih,” a ta; loa an um lai chun Kaina chun a sang Abel chu a thawh a, a that ta el a.

2 SAMUEL 13:22

Chun, Absalom chun Amnon kuoma chun a sie a ṭha, iengkhawm a hril nuom nawh a; Absalom chun a farnu Tamar chu a lo thawlui lei chun Amnon chu a theida hle a nih.

2 SAMUEL 19:27

Chun, lalpa ka pu kuoma hin i siehlaw hi a hêk a, nisienlakhawm, lalpa ka pu chu Pathien vântirko ang a na, chuleiin ṭha i ti ang angin thaw el rawh.

2 SAMUEL 19:43

Chun, Israel mihai chun Juda mihai chu an dawn a, “Lala hin chan sâwm kan nei a, Davida hin nangni nêkin chan kan nei lem a nih. Ieng- dinga in mi ngainêp el am a na? Lal ṭhuoikîr thu hi a rawt hmasatu kan ni naw am a nih?” an ta. Chuongchun, Juda mihai thu chu Israel mihai thu nêk chun ân rum ta lem a.

INPÂKNA HLABU 101:5

Tukhawm a vênghai inrûka rêl taphawt chu, chu mi chu sukbohmang ka tih, Mit insâng le lungril chapo put mi chu ngaithei naw ning.

INPÂKNA HLABU 140:11

Thu ṭha naw hriltu chu hnuoia hin sukdetin um naw nih a, Mi nunrâwng sukse dingin thil ṭha nawin tlâkbuok a tih.

INPÂKNA HLABU 15:3

A leia mi rêl ngailo, A ruol chunga khawm thil suksuol ngailo, A vênghai hming khawm hrilse ngailo mi chu.

INPÂKNA HLABU 37:8

Lunginsen hi bânsan la, lungsenna chu sim rawh. Insuklungngai nuom naw, thil- suksuolah inchang thei a nih.

INPÂKNA HLABU 50:20

Ṭhungpumin i unau i sawi- sêl a, Mâni nuhai naupasalhai ngei chu i hêk hlak.

INPÂKNA HLABU 64:3

Chuonghai chun kâwlhnâm angin an lei an tâtngei a, An thal, thu khahai chun an tin hlak;

THUVARHAI 10:12

Theidana chun inkhingna a chawk suok a, Hmangaina ruok chun bawsietna po po ân khum hmang.

THUVARHAI 10:18

Hmûr khêlinhlipa theidana chu ip a; Demna thu sâksuoktu chu invêt a nih.

THUVARHAI 14:17

Lunginsen awltak chun invêttakin thaw rawp a ta, Chun, mi remruotna khawhlo neitu chu theida ni bawk a tih.

THUVARHAI 18:8

Mi lâwtthiem thuhai chu bubâr tuihnâitak ang an na, Phîng sûng hmun inthûktakhaiah an fe thla hlak.

THUVARHAI 19:12

Lal lunginsenna chu sakeibak- nei inrûm ri ang a na, A ditsakna ruok chu hlohna chunga daidaw ang a nih.

THUVARHAI 25:23

Hmâr thli chun ruo a hung ṭhuoi a, Chuong ang bawk chun mi demzuitu lei chun hmêl lunginsen a hung ṭhuoi.

THUVARHAI 26:20

Thingthu tlâksam leiin mei chu a rêm a, Chun, milâwt hmang um nawnaa chun inkhingna a re.

THUVARHAI 29:22

Mi lunginsen chun inkhingna a chawktho a, Mi lungsen hmang chu bawsietnain a sip a nih.

THUVARHAI 29:9

Mi varin mi invêt ân khingpui chun, A lunginsenin amanih, ân nuiin amani khawm, sâwldam um naw nih.

THUVARHAI 6:19

Hrietpuitu indiklo khêlthu sâksuok hlaktu, Unauhai laia indarna tu hlaktu le chun.

THUHRILTU 7:9

Lunginsen dingin i lungrilah inhmaw naw rawh, Lunginsenna chu mi invêthai ângsûnga um a ni sih a.

JEREMIA 6:28

An rêngin nuora helhai chu an na, hmurthiemhai le chun an invâk a, dârsen le thîrhai an na, an rêng el chun setak el chun an thaw a nih.

JEREMIA 9:4

Mi tinin mâni tuolbâwmhai pawisa seng unla, unau ieng ang khawm chu ring naw ro; unau tinhai chu mâni hmasieltak el, tuolbâwm tinhai khawm chu thukhêl le invâk mi an ni âwm sih a.

THILTHAWHAI 21:30

A khuo chun an inlap ta mer mur a, mihai chu an tlân khâwm a. Paula an man a, Pathien biekina inthawk chun an kei dawk a, kawthai chu an khâr nghâl tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:14

An bau chu ṭawngseinphurna le thu khain a sip a.

1 KORINTH 14:20

Unauhai, lungril tieng naupang naw ro; nisienlakhawm, suol kawnga chu nautê ang ni unla, lungril tienga chun puitling ro.

1 KORINTH 5:8

chuleiin, ruoi ṭhêng ei tiu, chawl hluia ṭhe loin, nunsiet le suolna chawla ṭhe bawk loin, takna le indikna chawlṭhanglo beiin ruoi ṭhe lem ei tiu.

2 KORINTH 12:20

Ka hung phaa ieng amani tiin ka dit angin hung hmu naw rawi ka ti cheu a, kei khawm in dit angin mi hmu naw rawi in tih, ti le, ieng amani tiin, inhalnahai, inthîknahai, lung- sennahai, inkhingnahai, inrêlnahai, inberua thu lâknahai, inngaihlut taluotnahai, buoinahai hung um rawi a tih ti le;

GALATI 5:20

milim biekna dâm, dawithiem- na dâm, theidâna dâm, inhalna dâm, thîkna dâm, lungsenna dâm, mani- hmasielna dâm, insuktumna dâm, ring tumna dâm,

EPHESI 4:22

Chuleiin, in tienlai umdân kawnga mihriem hlui, hlêmna châknaa se deu deu kha hlîp thla unla;

EPHESI 4:25

Chuongchun, khêl hril bânin mani vênghai kuomah thu indiktak hril seng ro; inpêngtuo seng ei ni sih a.

EPHESI 4:26

Lunginsen unla khawm a suol ruok chu suol naw ro; in lungsen chu nisain tlâkpui naw raw se:

KOLOSSA 3:19

Pasalhai, in nuhmeihai hma- ngai unla, an kuomah vîn naw ro.

KOLOSSA 3:8

Tu ruok hin chu nangni khawmin hieng po po, inngâwkna dâm, lunginsenna dâm, theidâna dâm, hrilsietna dâm, in baua suok ṭawng zâmawhai hi sukbo ro.

1 TIMOTHE 3:11

Chuong ang bawkin nuhmeihai khawm mi inzâum an ni ding a nih; hêktuhai ni loin, insûm thei le iengkima ringum an ni ding a nih.

1 TIMOTHE 3:3

uoin inrui hmang naw, mi vuo hmang naw, mi nunnêmtak ni lem ding, mi kâwmaw ni lo, tangka sum ngaina naw mi,

1 TIMOTHE 5:13

Chu naw khawm chu, in tinah an lêng lâwr a, thabo khawm an chîng hlak a, thabo chau khawm ni loin, thu hril naw ding ding hrilin, bau tam le mihai thil thaw dempêk an hmang bawk a nih.

2 TIMOTHE 2:23

Amiruokchu, indona a siem hlak ti hrein, insêlna invêt le, var nawahai chun ṭhang nuom naw.

2 TIMOTHE 3:3

hmangaina insiengpui nei naw dâm, mi nunrawng dâm, hêktu dâm, insûm thei naw dâm, mi ṭium dâm, ṭhat nuom dêr lo dâm,

TITA 1:7

Kohran hotu chu Pathien sum enkawltu a ni leiin sawisêlbo a ni ding a nih; mi kâwmaw, lunginrawm, uoin inrui hmang, mi vaw hmang, hlêpna inthieng nawa mi duâm a ni ding a ni nawh.

TITA 2:3

Pitarhai khawm chu an um dân hrima Pathien inza mihai, hêktuhai le uoin he mihai ni lo a, thil ṭha tieng inchûktirtuhai an hung ni a,

JAKOB 1:19

Unau dittakhai, chuong chu in hriet; nisienlakhawm, mi tinin ngai inchu sienla, thu hril inchu loin, lungril sukuoi raw se;

JAKOB 3:14

Nisienlakhawm, in lungrilah îtthîkna khatak le mâni hmasielna in nei chun, thudik chu uong khum le kalin khêl hril naw ro.

JAKOB 4:11

Unauhai, inhrilse tuo naw ro. Tûkhawmin a unau a hrilsietin amanih, a unau a sawisêlin amanih, Dân a hrilsietin Dân a sawisêl a nih; nisienlakhawm, Dân i sawisêl chun Dân zâwmtu i ni nawh a, rorêltu i ni lem.

1 PETER 2:1

Chuongchun, suolna po po dâm, zâwrna po po dâm, vervêkna dâm, îtthîkna dâm, hrilsietna po po bânsan unla,

1 JOHAN 3:12

Kaina mi suol laia mi, mani unau thattu ang khan um loin. Ieng- leiin am a that a? Ama thilthawhai a suol a, a unau thilthawhai a fel leiin.

1 JOHAN 3:15

Tûkhawm a unau theida chu tuolthat a nih; tuolthattu tûkhawm chatuona hringna nei zing hrim an um nawh ti in hriet sih a.

THUPUONGSUO 12:10

Chun, vâna chun rawl inring- takin, “Tuhin chu ei Pathien sandam- na le thilthawtheina le ram chu a hung tlung tah a, a Krista thuneina leh; ei unauhai hêktu, ei Pathien hmaa a sûn a zâna hêk hlaktu chu, an pei thlâk ta sih a.