EPHESI 4:25 - Pathien Lekhabu Inthieng (BSI)

²⁵ Chuongchun, khêl hril bânin mani vênghai kuomah thu indiktak hril seng ro; inpêngtuo seng ei ni sih a.

EPHESI 4:25 ပူးပေါင်းရင်းမြစ်များ

1 LALHAI 13:18

Chun, ama chun a kuomah, “Kei khawm nanga ang bawka zâwlnei ka ni annâwm, vântirkoin, LALPA thuin, ‘Bei dâm fah a, tui dâm dâwn dingin i in tieng ṭhuoikîr nâwk raw khai,’ tiin a mi biek i sawnnaw,” a ta. Nisienlakhawm, a kuoma chun khêl a hril a nih.

INPÂKNA HLABU 119:29

Um dân indik naw hi ka kuoma inthawkin la hmang la, I dân chu lunginsiettakin mi pe rawh.

INPÂKNA HLABU 15:2

Indiktaka uma, feltaka thawha, A lungrila thu tak tak hril mi chu;

INPÂKNA HLABU 52:3

Ṭhat nêkin suol i ngaina lem a, Thu indiktak hril nêkin khêlthu hril i ngaina lem bawk a.

FESUOKNA 23:7

Hêkna indik nawa inthawk chu insiekieng dai la, pawitâwklo le mi fel chu that naw rawh, a thiemnaw chu thiem kân changtir âwm si nawh a.

THUVARHAI 12:17

Thutak sâksuok hlaktu chun felna chu ân entir a, Hrepuitu inkhêl ruok chun hlêmna ân entir hlak.

THUVARHAI 12:19

Thutak hmûr chu kumkhuoa tungding nîng a ta, Lei khêlinhlip ruok chu mit- khapkâr chaua ding a nih.

THUVARHAI 12:22

Hmûr khêlinhliphai chu LALPA ta dingin tirdakum an na, Indiktaka thawtuhai ruok chu a lâwmna an ni hlak.

THUVARHAI 21:6

Lei khêlinhlip leia hausakna hmu chu, Hmatieng hnungtienga tuihu lên hmanga um ang chu a na, a zawngtuhai chun thina an zawng a nih.

THUVARHAI 24:28

A san boin i vênghai chungah thuhretu ni naw la, I hmûrhai chun hlêm bawk naw rawh.

THUVARHAI 6:17

Mit mengsânghai, lei khêlhlip, Pawitâwklo thisen insuoktir hlak kuthai le chun,

THUVARHAI 8:7

Ka bau chun thudik sâksuok a ta, Khawhlona chu ka hmûrhai ta dingin tirdakum a ni sih a.

ISAI 63:8

Ama chun, “Ka mihai, nau a tehlêma thaw lo dinghai an ni ngei el,” a ti sih a; chuongchun, anni san- damtuah a hung um tah a.

ISAI 9:15

Upa le mi inzaumhai chu a lu chu an na, khêl inchûktir hlak zâwl- neihai chu a mei chu an nih.

HOSEA 4:2

Inkhâm dâm, inhlêm dâm, inthat dâm, inrûk dâm. Uiret chîng dâm a pung a, tuolthatna hlak chu ân phaman a.

LEVI DÂN 19:11

“Inru naw unla, mî hlêm naw unla, khêl hril bawk naw ro.

ZEKARIA 8:16

Hienghai hi thil in thaw dinghai chu an nih: mi tinin mâni tuolbâwm kuomah thu indiktak hril raw se: in kul kawtkhârhaia chun inremna le indikna rorêlna chu suksuok unla,

ZEKARIA 8:19

“Sipaihai LALPA chun hieng ang hin a tih: Thla lina bu ngheina le, thla ngana bu ngheina le, thla sarina bu ngheina le, thla sâwmna bu ngheina chu Juda sûngkuo ta ding chun hlimna le lâwmna le thafânna ruoiṭhehai an ni lem ding a nih: chu- leiin, indikna le inremna hi ngaina ro,” tiin.

JOHAN 8:44

Nangni chu in pa diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a um nawh, a sûngah thutak hrim a um naw leiin. Khêl thu a hrilin ama suksuok a hril a ni hlak, khêlhlip a ni si; thukhêl pa khawm a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:5

chuong ang bawkin, eini tamtak ni inla khawm Kristaa chun taksa pumkhat ei na, amal malin inpêng tuo seng ei nih.

1 KORINTH 10:17

Eini mi tamtak hi, bei tlang khat, taksa pumkhat ei ni hi; ei rêngin bei tlang khata inthawkin ei chang seng sih a.

2 KORINTH 7:14

A kuomah ieng kawnga khawm nangni suong lang cheu khawm, ka muolpho si nawh a; muolpho nêk hmanin iengkim in kuoma thu taktaka kan hril hlak ang kha, Tita hmaa kan suong chu thu taktak a hung ni ta ngei a.

EPHESI 4:15

hmangaia thu diktak hrilin, iengkimah amaah inṭhang lien thei lem ei tih; ama chu Lu a na, Krista chu.

EPHESI 4:22

Chuleiin, in tienlai umdân kawnga mihriem hlui, hlêmna châknaa se deu deu kha hlîp thla unla;

EPHESI 4:31

Khâkna dâm, lunginsenna dâm, inngâwkna dâm, hrângna dâm, hrilsietna dâm po po bânsanin um raw se, suolna po po leh.

EPHESI 5:30

Kristain kohran a châwma a duot ang hin; a taksa pênghai ei ni sih a.

KOLOSSA 3:8

Tu ruok hin chu nangni khawmin hieng po po, inngâwkna dâm, lunginsenna dâm, theidâna dâm, hrilsietna dâm, in baua suok ṭawng zâmawhai hi sukbo ro.

KOLOSSA 3:9

Khêl inhril tuo naw ro, mihriem hlui chu a thilthawhai leh in hlîp thlâk tah a.

1 TIMOTHE 1:10

indit hmanghai ta ding dâm, mawngkawhurhai ta ding dâm, mihriem inru hmanghai ta ding dâm, khêl hril hmanghai ta ding dâm, inkhâm tehlêm hmanghai ta ding dâm, inchûktirna indik ang ni loa thil dang hrim;

1 TIMOTHE 4:2

Chuong mi khêlhliphai chu anni sie le ṭha hrietna ngeia thîr linga bel ang an na,

TITA 1:12

Anni laia mi an zâwlnei pakhat ngeiin, “Kret thlierkâra mihai chu khêlhlip dâm, sahrâng suol dâm, thabo buhehai an ni rawp hlak,” tiin a hril kha.

TITA 1:2

Chatuona hringna beiseina chu Pathien khêl hril thei naw chun leilung insieng hmain a tiem a;

HEBRAIHAI 12:1

Chuongchun, chuong ang lâwma tam, mi thlîrtuhai in- huol vêla ei um leiin, a mi sukhnawk taphawt le suol einia kawp tlat chu sie thla vêng ei ta, ei hmaa intlânsiekna uma hin seltakin tlân pei ei tiu.

JAKOB 1:21

Chuleiin, inthieng nawna po po le suol sip liem chu sie hmang unla, thu tu, in thlarau sandam thei chu thuhnuoirawl takin pawm ro.

1 PETER 2:1

Chuongchun, suolna po po dâm, zâwrna po po dâm, vervêkna dâm, îtthîkna dâm, hrilsietna po po bânsan unla,

THUPUONGSUO 21:8

Amiruokchu, mi dawi dâm, awi- naw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.

RORELTUHAI 16:11

“Hruihruol thar la hmang hlek loin mi khuop hai sienla, chuong- chun, hrât ta naw ning a, mi dang ang el bawk nîng ka tih,” a tih a.